السلام عليكم ..



بدون مقدمات ...


اليكم



هاضت هجوس العتيبي واسمعـي يالاجوديـه=ماعشقت الا العفيفـه مارقيـت الا الطوالـي
جيت من داري لـدارك لا عليـك ولا عليـه=جاحـدٍ درب الحـرام ودي بـدرب الحلالـي
جيت كلي لجل عينـك يالهنـوف الغشمريـه=ولو يزود الحمل ما ضعفت به ظهور الجمالي
عينـي للعليـا تخايـل مـا تخايـل فالرديـه=والردى من عهد ابوي وجدي ما جاله مجالي
حـي دارٍ تسكنـه ياهيـه ياالمجمـول حيـه=دار ابوك ودار جدك من طحاطيـح الرجالـي
الرجال اللي لهـم فالوقـت بصمـه عالميـه=اخذين الطيـب كلـه مـن قديمـات الليالـي
وانتي يا مضرب مثال الزين مابيـن البريـه=فيك يا صعب الجواب وفيك يا صعب السؤالي
لو بوصف اعجزت كـل الحـروف الابجديـه=والعقل في صفهـا يعجـز ويقـرب للهبالـي
لو بقول انك ملاك ولو بقـول انـك حوريـه=ولو بقول ولو بقول ولـو بحلـق فالخيالـي
ماكتبـت مقدمـه توفـي جمالـك يابـدويـه=العيـون الناعسـه ولا الحكـي ولا الدلالـي
العيون اللـي هدبهـا يجعلـك فـي مهميـه=عين حرٍ شايفـن صيـده وحلـق باعتجالـي
والمحيا لا لمحته .. تضعـف عـزومٍ قويـه=يذبحك في مبسمـه ياحـي والله ذا الجمالـي
وان مشى واقبل وجالك تبتلـى باكبـر بليـه=تلبس شماغك ماتدري مبتلى فـوق العقالـي
وان تحكـى قـوم والله يالحـون السامريـه=قوم والله يا مواويلٍ علـى الطّـرق الهلالـي
وان تمايل بالخصر بتروح مع روحـة طميـه=خصرها فقـر كبيـر وردفهـا يـا هملالـي
اعتقد ان القمرمن عقب شوفـه هـو سميـه=لان ماله لا شبيـهٍ فالبنـي شـرق وشمالـي
شفت غيره فالعذارى بس ما شفـت الحليـه=واحدٍ يودع رزين العقل عقبـه فـي خبالـي
قـد سمعنـا بالملـوح يـوم حـب العامريـه=واصبحو في عالم العشاق مضـرب للمثالـي
والمثال اليوم حبـي مـع هنـوفٍ يوسفيـه=حب خلاني عـن العربـان مشغـولٍ وسالـي
لو فحصتو دمي كله مـا بـه الا بـس خليـه=اسمها فيها وصورتهـا وبـاق الـدم خالـي
حيّهـا صدفـه تجمعنـا بـهـا فالفيصلـيـه=لو كلٍ فـي طريقـه ماشـيٍ مالـك ومالـي
ما نضرب حبي وحبك كامثـل بيـن البريـه=وانتظر منك اتصال وتنتظـر منـي اتصالـي
واسهر الليـل امتوجـع والليالـي سرمديـه=وتخايل في سمايه وارتجـي صـدق الخيالـي
التقينـا بالعيـون وبالقـلـوب وبالحمـيـه=وافترقنـا بالمواجـع والـدمـوع وبتعـالـي
وجيت من داري لدارك شفق والنيـه مطيـه=ودي شوفك لان شوفك ينحسب من راس مالي
فالريـاض اول لقانـا ودي لـو فالسالمـيـه=نلتقي والقى اجابه لسـؤال اللـي فـي بالـي
ليش قيس ابن الملوح يـوم حـب العامريـه=اصبحو في عالم العشـاق مضـرب للمثالـي؟






بقلمي