|
|
|
 |
 |
|
 |
|
1- شرح طريقة التسجيل في منتديات كويتيه النسائيه اضغطي هنا . 2- الى كل عضوه تاجره يمكنها تغير لون عضويتها الى اللون الاخضر مما يميزها بالمنتدى وزيادة سعة التخزين للرسائل الخاصه لطلب ذلك يمكني قراءت الموضوع من هنا . 3- لديكي الرغبه بأن تكوني مشرفه يمكنك مراسلة المديره من هنا . 4- على جميع التاجرات وكذلك العضوات الدخول من هنا لقراءت النظام الجديد وهذا لمصلحة التاجره والعضوه مهم جدا . 5- خدمه جديده يقدمها منتدى سيدات الكويت للعضوات وهيا خدمة رعاية الاعضاء للمزيد يرجى زيارة الموضوع . مع تحيات الإدارة,,, |
07-05-2008, 01:33 AM
|
رقم المشاركة : 1 | ||||||||||||
|
نظره منك اسحرتني ، قصه روعه لا تفوتكم
بسم الله الرحمن الرحيم ((نظره منك اسحرتني)) قصه روووووووووووعه لا تفوتكم هذي القصه انا كاتبتها وحبيت انشرها لكم واتمنى انها تعجبكم عشان انزل لكم كل الاجزاء اول شي انا بكتب لكم افراد عائلة صاحبة القصة وبعدين اذا في أي شخصيه جديده بعرفكم عليها لانهم كلهم عايشين فبيت جدهم كل واحد منهم له دور بيتهم 3 ادوار الجده ام حمد عايشه في الدور الارضي عندها غرفه حمد ابو سعود : ((((سعود اكبر ولد مهندس عمره 26 طويل حنطاوي مزيون مو متزوج يدورو له بنت الحلال))) _((( فهد طالب في الحقوق عمره 22 هذا احلى من سعود جسمه رياضي حيل معظل ))) _((( ندى رابعه ثانوي عمرها 18 مالها هدف بالحياة بس تحب تكشخ ودايم أي عرس او عزيمه اهي اللي تروح حتى لو امها ما راحت تروح اجتماعية اهم شي بالحياة عندها انها تكون احلى وحده )))_ ((( شهد ثلاثه ثانوي 17 اجتماعية حبوبه وطيبه عاديه بس عيونها روعه دائريه كبيره جسمها حلو واهيه طويله شوي اهم شي عندها انها تعيش يومها بدون ما احد يزعل منها وصوتها لمن تغني جنان))) السبت الساعه 6.30 الصبح ندى:: شهد يالله بسرعه اخرتيناوهذااول يوم بعد الله يعينا بعدين شهد::ياالله انزين اذيتيني خلاص الحين بنزل انتي روحي وانا وراج ندى:: اقول بسرعه ترى اول شي بنوصل ريم مدرستها >> ريم بنت عمهم معاهم بنفس البيت بالصف التاسع شهد :: اللي يقول الحين بنروح مكان عدل ترى اقصاها مدرسه وذابحتنا عليها بنت عربنا خايفه نتاخر ندى:: أي خايفه اتاخر اخلصي بسرعه شهدواهيه تاخذ جنطتها المدرسه : يالله انزلي خلصي نزلو ندى وشهد و لقو عمهم وابوهم مع جدتهم بالصاله قاعدين سلمو عليهم ندى:: اقول عمي وين نوره وريم و روان ابو حمد :: الحين بينزلون انا خليتهم واهم ياخذون اغراضهم >> هذا عمهم المتزوج عايش معاهم بنفس البيت ندى:: شهد روحي شوفيهم عشان ما نتاخر شهد بقلبها واهيه تقوم (( بحترمج بس جدام ابوي وعمي مع انج ما تستاهلين)) انشالله شهد توها بتصعد الدرج الى اسمعة صوة ريم نادتها وقالت لها انزلو بسرعه انزلو البنات كلهم واركبو مع السايق عشان يروحون المدرسه ندى:: راجوو روح مدرسه مال ريم اول ريم :: لا والله مابي انتو اول ندى:: لا مافي حبيبتي انتي اول انتي بروحج ريم :: شنو يعني انا بروح بضيع ندى لا موعن بس احنا كلنا بمدرسه وحده بس انتي اللي بروحج انا اقول انتي تنزلين اول احسن روان:: أي صح كلام ندى انتي اول ريم : أي كلكم معاها بس ما عليه اذا ما علمتكم ان الله حق رواحو وودو ريم الاول بعدين راحو مدرستهم ندى بعد السلام:: هلا والله شوق شلونج وينج امس نطرتج ليمن مليت ما دقيتي >> شوق رفيجة ندى الروح بالروح من كانو بالمتوسط والحين بالثانويه ويابعض شوق: هلا حبيبتي تمام سوري بس انا رحت بشوف امي شتبي بعدين اتصلت رفيجت اختي ونسيت اتصل ندى:: ما عليه هالمره سماح بس مره ثانيه يا ويلج روان:: ندى شوق تعالو بسرعه راحو صوب روان اللي كانت واقفه قبال كشف الاسماء روان :: احنا الثلاثه بصف واحد شوق :: الله وناسه يعني هالسنه بنقلبها هيصه وزمبليطه ندى هههههههههههههههههههههههه شنو طيطه وزيطه انتي روان :ههههههههههههههههههههههه يعني السنه وناسه لانه مع بعض عند نوره وشهد شهد هي انتي يالله روحي لا تاذيني نوره :: حرام عليج هذا اول يوم لي اهنيه حطي نفسج مكاني شهد :: لا مشكوره عاجبني مكاني وبعدين وين رفيجاتج انا بروح مع رفيجاتي نوره:: ما ادري اهنيه في ساحه ثانيه يمكن القاهم اهناك شهد :: أي في ثنتين تدرين شلون تعالي خلينا نروح مع رفيجاتي واذا شفنا احد فيهم تروحين نوره اوكي راحت نوره مع شهد ورفيجاتها تمشت شوي واول ما طق الجرس حق الطابور لقت رفيجاتها وراحت معاهم بعد ما سلمو على بعض نوره كانت اول سنه لها بالثانوي اهيه وشهد لانهم توهم منتقلين هالمدرسه عند خواتهم بس شهد مشالله عليها كانها متعوده على المدرسه من زمان تمشي وتسلم على البنات بعد الطابور الصباحي بصف شهد شهد:: اقول ساره خلنا نقعد بالزاوية الموقع استراتيجي يم الدريشه ساره :: اوكي ما عندي مانع بس في بنات قاعدين شنقول لهم شهد :: خليهم علي بس قول حق حصوص و غدور يجهزون اغراضهم بننتقل مكان ثاني >> ساره وحصه وغدير رفيجات شهد حييل معاها صارلهم 3 سنوات كل سنه بنفس الصف وبالفرصه مع بعض شهد:: قوه بنات شلونكم الاول ريم:: هلا حبيبتي الثانيه نوف:: هلا بغيتي شي شهد الصراحه أي نبي نبدل معاكم المكان ريم:: شنو قلت الاماكن الي في المدرسه هههههههههههههه شهد:: تقدرين تقولين جذي هههههههههههههههههه ريم :: اوكي عادي حياتي no problem اصلا انا كنت بقعد الكراسي الي جدامكم شهد : امممممم لا بعد نبيه شرايكم تروحون مكانا نوف :: اوكي عادي كلها مكان اهم شي نكون بالاين الاخير شهد :: مشكورين بعد قلبي شهد واهيه تصارخ بصوت عالي :: يالله ساروه تعالي انتي والبنات وجيبو اغراضي معاكم الابلة اللي واقفه عندهم اول حصه احتياط:: انتي يا بت بتعيطي كده ليه وايه اللي موافك كده يالله اوعدي شهد :: انزين خلاص بقعد بس انتي سكتي واحنا بخير كل بنات الصف مع بعض هههههههههههههههههههههههههههههه الابله:: انتي بتقولي ايه شهد :: سلامتج ابله ما اقول شي بس اقول شلونج الابله :: بخير الله يسلمك يا حببتي بعد ما قعدوو ساره :: حصه قولي لها- حصه:: لا خلنا نتاكد بالاول ساره:: شنو تتاكدين انتي شوفيها شلون تخزها بتعرفين شهد واهي مستغربه :: شفيكم انتو حصه بسرعه ردت :: ما فينا ساره :: لا فينا البنت اللي قاعده ثالث وحده عند الباب من الصبح واهيه تخزج شهد :: أي وحده المتينه ولا اللي يمها ساره:: اللي يمها شهد :: عادي يمكن تبي تتعرف علي ومستحيه مني حصه :: أي يمكن ساره واهيه توجه كلامها حق غدير السرحانه:: هي ياهوو احنا اهني وين رحتي غدير بعد ما انتبهت انها تقصدها:: هلا بغيتي شي شهد بضحك :: اللي ماخذ عقلج يتهنى بوه ههههههههههه ساره وحصه هههههههههههههههههههههههههههههه حصه الظاهر تفكر بفارس احلامها غدير بغمزه :: لا وانتي الصاجه عريس الغفله ههههههههههه ساره وحصه وشهد ههههههههههههههههههههههههههههههههههههههه شهد:: لا صج شفيج غدير مافيني شي بس انا من امس سهرانه مانمت وداموت وانا مواصله شهد : كلنا مواصلين شدعوه في احد نايم فينا تررررررررررررررررر طق الجرس قامت ساره وشهد شهد يالله حصه غدير حصه على وين تونه بسم الله اول يوم وتوها مخلصه الحصه الاولى شهد ادري بس ابي استكشف المدرسه ساره بسرعه بتروحون ولا بنروح بروحنا غدير يالله حصه قومي عادي شنو بيصير قامو واول ما وصلو عند الباب لقو مشرفه واقفه ومن قرادة حظها قالت حق شهد نزلي البنات كلهم تحت المسرح الناظره تبيهم بعد ما قالت شهد انها تدل المسرح >>> ياويلنا منج يا شهد بتضيعينا معاج هههههههههه شهد بصوت يسمعه اخر صف بالمدرسه ::يالله بنات قومو بنروح المسرح صفو طابور انا بوديكم ادله ساره:: صج اتدلينه شهد واهي تغمز لها :: اللي يسال ما يضيع حصه وساره وغدير ههههههههههههههههههههه حصه والله بتودينا بداهيه شهد انتو تعالو معاي بس بعد ما صفو البنات شهد:: يالله بنات تعالو يمين ريم :: اقول بنيه المسرح مو يسار شهد :: انا اسمي شهد مو بنيه وبعدين هذا طريق مختصر انتي شعرفج >> هههههههههه الله على المختصر اللي يشوفها واهي تتكلم يقول صارلها 20 سنه بالمدرسه ههههههههههههههههههه راحو البنات ورى شهد اللي لفت فيهم كل المدرسه ووصلت حق صف وقالت للبنات بتكلم اختاها دقيقه شهد:: سلام عليكم ابله الابله :: انتي تاني وعليكم السلام عوزه ايه شهد :: ابله وين المسرح الناظره تبينا هناك بعد ما علمتها الابله الطريق وطلع طريق ريم اللي اول شي صح دخلو المسرح وكلمتهم الناظره عن القوانين طلعو الحصه الخامسه من عنده شهد اوووف صدعت راسي بقوانينها اللي يشوفها يقول كوندليسارايس ساره ههههههههههه حلوه بس لا تعيدينها شهد اقول شرايج نفر فره ساره يالله بس خليني انادي حصه وغدير شهد لا خليهم الخوافات مالي خلق يمسكونا منهم ساره اوكي يالله بسرعه راحو ساره وشهد والابله تناديهم وكانهم مو سامعين واهمه يتصيمخون بعد ما فرو وخلصو شهد يالله نروح الصف ساره شنقول حق الابلة وين كنا شهد ما عليج أي شي ساره يالله اول ما دخلو الصف الابله اللي عليهم وين كنتي انتي وياها شهد ابله ضعنا ما دلينا الصف بنات الصف هههههههههههههههههههههههههههههههههههههههههههههههههه الابله بس خلاص مافي شي يضحك شهد تتكلم بوثوق كانها صج مضيعه:: أي والله مافي شي يضحك صج ملاغه ساره انصدمت من شهد الابلة يالله ادخلو بس مره ثانيه لا تضيعون اول ما قعدوو حصه احذفت ورقه الصفره الصغيره على شهد كاتبه فيها هي انتي وياها ليش ما ناديتونا انا وغدير ردت عليها شهد :: ممنوع اصطحاب الاطفال مره ثانيه نوديكم ساره واهيه تشوف شهد واهيه تكتب هههههههههههههههه الابله اللي ورى متاخر وتضحكين بعد ساره خلاص ابله بسكت بس تذكرت شي غدير بعد ما احذفت شهد الورقه على راسها انصدمت من اللي كان مكتوب و حصه مسكت ضحكتها طق الجرس والحين الفرص الثانيه لانه الفرصه الاولى ((الفرصه = الفسحه)) ضاعة بجتماع الناظره ساره يالله بنات قومو حصه شهد شفتي بشاير تسال عنج لمن ردينا الصف وانتي مو موجوده شهد أي بشاير حصه واهيه تاشر عليها بس من غير ما تنتبه لها ::هذي اللي من الصبح تخزج شهد اهاا اسالت عنها العافيه طالعو كلهم للفرصه وطول الوقت وبشاير تخز شهد وشهد تشوفها بس تحاول انها ما تخليها تنتبه انها تطالعها واخر حصتين مرو بضحك وبالهده شهد قوه ندووه ندى هلا ما شفتي نوره شهد امبله واقفه هناك مع رفيجاتها ندى اوكي قوليلها تتجهز السايق الحين جاي شهد اوكي راحت شهد حق رفيجاتها وبعد ربعد ساعه وصل السايق وماكان باقي اللى بنات شوي لان السايق تاخر عليهم اتصلت عليه ريم عشان يجيها اول وتنقعهم مثل ما ودوها اول وحده >> وحده بوحده والبادي اظلم ههههههههه واهمه طالعين بشاير:: شهد شهد شهد بستغراب:: نعم بغيتيني بشاير تفضلي شهد دام فضلج بس شنو هذي بشاير اذا رحتي البيت بطليها وبتعرفين شهد واوكي اشوفج على خير باااي بشاير باااي بالسياره ندى شتبي فيج هذي شهد ما ادري عنها روان شنو معطيتج شهد ما ادري ورقه تقول بطليها بالبيت نوره اكيد معجبه فيج ندى على شنو يا حظي شهد فبرود على جمالي ودلالي ورقتي واول ما قالت رقتي كل الي بالسياره اضحكو لانها قالتها بميوع روان شهد بطلي الورقه اقريها لنا شهد اوكي وبطلتها وهذا الكلام كان فيها (( قوه شهد شلونج انا بصراحه معجبه فيج وحبيتج من اول نظره واتمنى انج ترضين فيني واتمنى اذا في مجال انج تقولينلي اليوم لاني بنطر ردج على احر من الجمر وكاتبه اخر شي رقمها وموقعه )) بعد ما قرتها وخلصت قعدو يضحكون ندى شفيها هذي شنو في مجال روان لا بنت الحلال ترقم بعد هههههههههههههههه ندى هههههههههههههه لا موقعه اللي يشوفها يقول فنانه هههههههههههه نوره لا يكون هذي بشاير خالد اسمها شهد ردت بسرعه أي بشاير خالد ال........ نوره لا وخري عنها هذي بويه شهد ههههههههههههههههههههه صج عاد ندى اذا جذي وخري عنها روان لا لا خبلي فيها اول اوصلو البيت وانزلوو كلهم راحو ينامون لانهم مواصلين شهد نوره انا ببدل وبنام عندج بغرفتج لا تقفلين الباب نوره لا ما ابيج شهد لا امانه يالله روحي زين المهم لا تقفلين الباب لا اكسره عليج نوره انزين >> دايم نوره تستسلم لانه اذا قفلت الباب بتزعجها ليمن تفتح شهد بعد ما ودت اغراضها راحت غرفة نوره ولقت الباب مبطل ادخلت ولقت نوره منسدحه على الفراش شهد :: اقول نوره شرايج بالمدرسه نوره كيوت شهد لا من ناحية البنات نوره عاديين مافيهم شي غير في بنات اعرفه وفي بنات اول مره اشوفه شهد انا احس انه المدرسه راح تصير وناسه تصدقين اول مره ادخل صف ما اعرف فيه غير 6 بنات نوره شي طبيعي لانج بمدرسه يديده شهد أي يمكن انزين خلينا انام علشان نروح المكتبه مبجر نشتري دفاتر نوره اوكي نامو وقامو على اذان العشاء بعد ما قعدتهم مرة عمهم ام نوره شهد يا الله مالي خلق نوره يالله قومي بسرعه خلنا نقعد ندى وريم وروان عشان نروح المكتبه قامت شهد تقعد ندى بس لقتها قاعده وبعدها صلوا كل الصلاة الي طافتهم بعدها البسو و انزلوا تحت عند بنات عمهم شهد نوره يالله خلصتو نوره أي يالله اطلعو البنات مع السايق وراحو مكتبة الجمعية اللي بمنطقتهم ولقوها زحمه شهد :: يوه ما احب الزحمه نوره :: انتي اخذي اغراضج عشان نطلع منها شهد ادري بس ابلتكم الانجليزي جم دفتر قالت لكم تيبون نوره 3 انتو شهد لو ادري ما سالتج احنا ابلتنا غايبه نوره شهد شوفي هذا يخزج شهد وينه أي واحد نوره هذا اللي لابس كبوس ابيض شهد أي أي يا حلاته يشبه ياسر القحطاني نوره منو ياسر شهد المزيون اللي بنادي الهلال السعودي نوره انا خلني اعرف الكويتيين عشان اعرف سعودي شهد اللي انا حاطته خلفيه حق جهازي نوره أي أي عرفته في شويه منه مو حيل شهد انزين خلينا منه لانه انتبه ان احنا تحجى فيه وخلنا نخلص اغراضنا بعد ما خلصو البنات اغراضهم شهد كالعاده اهي اللي تحاسب الاغراض راحو البنات السيارة واول ما اركبو قالو حق شهد تنزل الجمعيه تجيبلهم شي ياكلونه بالليل واهمه سهرانين وبعد ما وصوها على الاغراض راحت شهد الجمعيه ودخلت واخذت سله ووقفت تفكر شنو اول شي تاخذهوانتبهت على صوت من وراها خالد:: لو سمحتي ممكن شوي توخرين ابي اخذ سله >> هذا اللي كان بالمكتبه يتكلمون عنه كان رايح الجميعه يبي اغراض وشاف شهد اهناك بس ماكان يدري انها اهيه لانها كانت معطيته ظهرها اهوه بالصف الرابع ثانوي عنده اخوين واخت اكبر منه متزوجين اخوانه معاه بنفس البيت شهد لفت ماردت عليه ومشت تشتري اغراضها خالد اول ما جات عينه بعينها:: هلا والله وغلا شهد بصدمه وبطلت عيونها للاخر وكملت خالد ((اللي كان فباله انه يتكلم بقلبه ما درى انها تسمعه)):: تفشل شهد بقلبها (( الحمد لله والشكر شفيه هذا )) خالد بقلبه (( ما كنت متوقع اني بشوفها مره ثانيه بس ياحلوها حلواه تهبل مع انها مو حاطه شي بس جنان)) شهد (( انا شفيني افكر فيه خلني اروح اخذ بيبسي للسهره )) واول ما وقفت عند ثلاجة البيبسي كان واقف جمبها بس ما نتبهت خالد (( يازينها واهيه تستعبط يعني انا مو منتبها عليك )) شهد (( وي لا يصدق اني انا لاحقته خلني اروح مكان ثاني )) راحت شهد عند الكاكاوات واهي تاخذ بطريقه غريبه شهد :: 3 فليك لي 4 حق نوره وندى وروان وريم وقعدت تاخذ كل انواع الكاكاوات اللي تحبه واللي ما تحبه وتوها ماده ايدها على الكندر ولفت تشوف السله اذا فيها كندر اولا خالد خلني اخذ الكندر مسك خالد الكندر قبلها وامسكت ايده شهد واهي مو منتبها عبالها الكندر واهيه تجره انتبهت وهدته بسرعه شهد :: انتا شفيك خالد :: انا اللي شفيني انتي اللي شفيج شهد :: انا ما فيني اخذت الكندر وانت مسكتني مو عيب عليك خالد واهوه ماسك الضحكه :: انا اللحين اللي مسكتج ولا انتي اللي تطالعين سلتج وتمسكين يدي شهد وويها احمر من الاحراج ومعصبه ليه فشلها :: عصبت ومشت بسرعه خالد بقلبه (( امووت على الذرابه يا حلوها والله واهيه منحرجه ومعصبه )) راحت شهد للمحاسب بعد ما خلصت اغراضها وكان هذا المحاسب حق اللي اغراضهم شويه وكان خالد بالصدفه وراها شهد بقلبها (( صج لزقه شيبي هذا الله ياخذ عدوج يا نويره كله منج انتي اللي نبهتيني عليه ))وقطع تفكيرها صوت نقالها اللي كانت حاطه نغمة لنوره اغنية بين الهدب والعين مالت حاتم العراقي كانت كلماتها كلما اضوي بظلمتي شمعة امل ترجع شموعي تنطفي تنطفي كلما اخلي بسمتي بوجه الزمن تظهر البسمه وتختفي تختفي بين الهدب دمعه فيها جروحي وعبرتي وردت عليها شهد:: نعم نوره شتبين نوره :: ييبي لي معاج شيبس ليز الملح اوكي وحق ريم تبي كرت تعبئه شهد :: تولي ريم,, وغيره خلصينيي ((بعصبيه)) نورة::أي أي ولا تنسين البوب كورن اوكي هذا اهم شي شهد:: أي الله يذكرج بشهاده راح عن بالي نوره :: بسرعه لا تطولين لانج نقعتينا بالسياره شهد بدلع :: اوكي حبيبتي الحين ما اطول قالت شهد حق الهندي اللي يحط الاغراض اييب لها البوب كورن والشبس بعد ما حاسبة تذكرت انها تبي كرت تعبئه وراحة للمكينة ولين ما شرت خالد حاسب اغراضه اطلعت وطلع وراها خالد وعيونه عليها يقول بقلبه (( ااااه ياقلبي شفيها غير هالبنت شمعن هي اللي جذبتك)) شهد وعيونها عليه (( الله يستر لا يلحقني لين السياره لا تشوفه نوره وتبدا تعلق )) كانت شهد تمشي وتطالعه واول مايلف عليها تلف ويها على طول واهوه بعد نفس الشي بس اهوه اذا شافته يبتسم لها وانصدمت لمن شافت سيارته قبال سيارتهم اركبت ندى :: ساعه جان نمتي بالجمعيه بعد شهد :: جان نزلتي انتي وران :: ندى ماتشوفين الجمعيه زحمه مشو وشهد عينها بعين خالد وقلبها يطق بسرعه واول مالفو من الفه اللي صوب بيتهم اهوه وقف عند الاشاره شهد :: بصوت مسموع الحمد لله ريم :: شفيج بسم الله على قلبج جنه احد مخرعج شهد برتباك :: هاا ما فيني شي وبنبره عصبيه مصطنعه شنو الواحد حرام الوحد يحمد ربه اسكتت ريم وكانو مطولين على المسجله وشهد تفكيرها مع خالد خالد :: انا ليش ما لحقتها خلني ادخل عكس السير والحقها ومشى وراهم لين اوصلو البيت واول ما انزلو من صوب باب بيتهم الخلفي اللي مدخله من الحديقه كبس لها بليتات السيارة لفت عليه شهد (( يالله هذا لحقني )) ندى:: شفيه هذا يكبس ويضحك روان :: يستعبط بعد شاف بنات الساعه 10.30 رادين مع السايق بروحهم شتبين يسوي ندى :: يالله دخلو بسرعه بنات وادخلو وشهد قلبها طايييييييح فبطنها من الخوف واخر وحده ادخلت اهيه بعد ابي ردووودكم عشان انزل الاجزاء الباقيه |
||||||||||||
|
 |
| مواقع النشر (المفضلة) |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كراسي روعه لا تفوتكم | ستيلا | فن تصميم الديكور | 0 | 09-26-2008 02:17 PM |
| فساتين سهرات روعه لا تفوتكم.. | ام خدود | ازياء | 0 | 09-06-2008 07:05 PM |
| أحلى الحلويات روعه لا تفوتكم | الازهار | الــحــلــويــات | 6 | 08-29-2008 11:32 PM |
| لعبة بيت الشعر روعه لا تفوتكم | الازهار | الارشيـف | 0 | 08-20-2008 07:59 PM |
| توبيكات روعه لا تفوتكم | الازهار | الارشيـف | 0 | 08-18-2008 01:11 PM |
