باص رايح للجنه وباص رايح للنار / قصه حقيقيه

الازهار · 08-22-2008, 12:21 AM

القصة قديمة بس حلوة

قصة حقيقية صاحبها منوم في مستشفى المجمعة

يقــول المتحدث
دخلنا عليه وكان كل جسمه ورجليه مجبسه وما تسمع إلا آه واوه وأي وما دري وش بعد ما غير يون من الأوجاع اللي فيه عاد أنا قلت يمكن انه مسوي حادث قوي أو انه محترق أو أو أو ... الخ.

المهم جاءت الساعة 4 العصر وبدا وقت الزيارة

أنا استغربت من شي غريييييييب كل من جاء يزور هذا الشخص يطلع من عنده ميت من الضحك.

أنا جاني الفضول وقلت وش السالفة وعلى هالحال كل من جاء وسلم عليه ما تسمع إلا ضحكهم من وراء الستاير.

أنا قلت لازم اعرف وش السالفة

انتهى وقت الزيارة وأنقز له على طول وأتشافا له وأقول له الحمد لله على السلامة
عسى ما شر ومن هالكلام وأنا كل همي اعرف ليش يضحكون:

المهم قلت له: أنا أشوف اللي يجونك ما يروحون من عندك إلا و ضحكهم واصل آخر المستشفى ... قال لي: هههههههههه ليـش عاد أنت حاسدنا على الضحكة ..... قلت له: لا يـا أخوي ما هي كذا السالفة والله لو عندك مليون كان يمكن أحسدك! .... بس اضحكوا عادي خذوا راحتكم بس بغيت اعرف السر يعني ... إذا ما عندك مانع ... قال لي : طيـب ولا يهمك .... أنت مثل ما تشوفني مكسر ومربط بالشاش...

قلت له : إيه والله ... الله يشفيك ...

قال لي : يا طويل العمر أنا ساكن في شقه في الدور الثاني ... وعندي بلكونه ما فيه زيها مررره حلوه...وإذا نمت فتحت باب البلكونه......وطفيـت النور....وتسدحت على السرير ... ويوم نمت على السرير ...... وغصت في أعماق أعماق نومي ..... حلمت إني في يوم القيامة ... وحلمت مثل ما تقول أن الناس في مكان مثل موقف الباصات وفيه باصات رايحه للجنه وباصات رايحه للنار!!! .... المهم الجماعة ينادونا بالأسامي .. فلان بن فلان باص النار ... فلان بن فلان باص الجنة .. وهكذا .. فلان بن فلان ... هذا اسمي ..... وقلبي يـدق ويـدق... رووح باص الجنة .... اووووووووووووه الحمد لله ارتحت ومشيـت أدور على الباص اللي مكتوب عليه إلى الجنة ... وحصلته ودخلت فيه ... مشيـنا بالباص وبعد فترة جتنا لوحه مكتوب عليها (الجنة 50 كيلو) (النار 100 كيلو) وهذا وحنا مع اللوحات ..... والله ونتعدى الجنة ... قلت يمكن السواق يـعرف مكان لباب ثاني ... شوي وشفت النار 15 كيلو ... وبعد شوي النار 10 كيلو ... وكل شوي نقرب من النار ... يا رجال وش السالفة .. المشكلة الناس ساكتيـن وما حد قلق في الباص إلا أنا ..........قلت بدخل على السواق وشفته معطيني ظهره .. إيـه إإإيـه أنت وين رايح؟؟؟!!!!!!! ... قال لي بدون ما يلتفت : رايح النار يا حبيبي .. قلت له: أيـش أنا من أهل الجنة .. وليـش توديني النار يا وجه النحس..!! والتفت لي . طلع هو إبليس !!! .. الله يلعنك ... أنا من أهل الجنة ... يا ملعون لا توديني النار . أنا من أهل الجنة .... والله العظيم إني من أهل الجنة ..... تو من شوي قايلين اسمي..وقف يا ملع...... .. وقف يا ملع,,,,, ... وهذا أنا أصارخ... وهو بأنواع الضحكات الشريرة هاهاهاهاها ..... هاهاهاهاها .... هاهاهاهاها ... قلت له يا ملع.... وقف!!! أبي انزل!!! ... قال: والله الباص هذا مبرمج على انه ما يوقف إلا في النار ... تبي تنزل أقفز منه ..... وركضت على الباب وفتحته .. وهووووووووووووووووووب
ولا وعيت إلا في المستشفى . قافز من البلكونه ... في الحوش!!!

----------------------

القصة صحيحة ... وحصلت لواحد كان منوم في مستشفى المجمعة

ملطوووش من ايميلي مازدت ولاكلمه : )

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي راح راح(اسئلة حلووووووووووووووووة مرة)ادخلي وعطينا رايج	الكرستاله	سوالف وفرفشة	10	11-12-2008 08:59 AM
شيـــلاتــي... تعالي وعطيني رايج؟	مرااايم	بيع الملابس والاكسسوارت والشنط والاحذيه	63	11-04-2008 09:16 PM
شنو رايج بلعضوه الي قبلج ؟؟	p!NkYa	سوالف وفرفشة	59	10-08-2008 06:23 AM
شنو رايج باسمج؟؟	"صمتي يذلك"	الركـــن العــــام	7	10-05-2008 12:31 PM
الموضوع يستحق القرآءه حتى النهاية ينبع _ مكه _ رايح ج ا ي	admin	الارشيف المنوع	0	06-12-2008 03:56 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق