اموش ربيان يابس ودقوس صبار

اليوم بقولكم عن طريقتي بعمل المموش مع الربيان اليابس اول شي نغسل الربيان اليابس وانظفه ونخليه منقوع بالماي لمدة يوم كامل واقل شي ست ساعات وبعدين وقت الطبخة الحين::::انقع العيش بماي وملح نص ساعة وانقع الماش الأخضر بعد غسلة هم نص ساعة الحين انجيب البصل المقطع جوانح او مربعات مع ثوم مدقووق وفص انخلية كامل وانحمسهم بجدر وسط مع اللومى الصحاري وورق الغار وعود دارسين وبهارت مجدى المشكلة الحب وشوية كركم بعد ما ينحمسوون شوي نحط الماش وبعدين الربيان وانظل انحمس لين يذبل الخليط ويتشرب مع التحريك ونضيف الملح حسب الرغبة وبعديناكب العيش عالخليط وانقولبه ونصب عليه الماي من الفلتر يوصل الماي فوق العيش بنص اصبع وانعلى النارر علية شوى خمس دقايق وبعدين قصري علية وخلي الجدر مسكر وعلى نار هادية لين يستوي العيش واذا العيش للحين حب صبي علية شوي ما من الفلتر شوي مو وايد يعنى رشااات خفيفة :::::: دقووس الصبار نقعى الصبار بجدر صغير بالماي الحاربعدين شخليه واخذى ماية في نفس الجدر دقي راس ثوم وشوية دهن مع فلفل علوب او خضر مع معجون طمام واحمسيهم زين وضيفي عليهم ماي الصبار وخل يغلى لين يثخن وبالهنا والشفا ::: هالأكلة تصلح حق البروالمخيمااات وناااااسة مشتاقة للبر::: أمانة اللى اجرب تقولى بليزززز :wink_smile::

يعطيج العافيه