السلام عليكم ورحمة الله وبركاته,,,,,, حبيباتي الامهات اسعدكم ربي وين ماكنتوا... اليوم يايبه لكم موضوع يهتهم بمشاكل عيالنا وعيالكم وتجاربنا بحل هالمشاكل وبيني وبينكم هو مكان نفضفض فيه ونحش على راحتنا بعيالنا ههههههههههه يالله كل وحده تتفضل هني تقول شنو مشكلتها مع اي واحد من عيالها حتى لو كان رضيع واللي تشوف انه عندها حل للمشكله لاتقصر معاها وانا بدوري بكون خير معين لكم يالغاليات,,, أسأل الله التوفيق
هههههههههههههههههههه هلااااااااااااااا بش انا اول وحده بحش تفريش الاسنان غصب بعد صراخ وبلاعيمي تطيح بالارض يالله يفرشون بس قبل النوم انسي بعد الصبح يفرشون والظهر عيالي فوضووين تعبت اعلمهم عالترتيب شالحل معاهم الله يصلح قلوبهم
انا مشكلتي مع ولدي الكبير عمره 14 سنة الله يهديه لسانه طويل ويصارخ وما يحترمني وما يدرس ولا يصلي الا لما اقوله يعني بصراحه شي لايطاق
عبير ولدج مراهق.... تعرفين شنو معنى هالكلمه؟ يعني بينفجر من الهرمونات هههههه ربي يعينه عموما انا ولدي كان قبل سنتين عمره 14 سنه ونفس حالة ولدج وطبعا استشرت اكثر من اخصائي نفسي عن المراهقه واتضح لي الاتي اولا لاتخلينه ينام وايد يعني بالليل لاتحنين على نومته خليه على راحته متى مابغى ينام بكيفه ينام هذا يخفف من عصبيته ونشاطه الزايد ثانيا حمليه مسؤوليه اي شي بالبيت حتى لو تركيب الاناره بالبيت وعطيه لسته فيها طلبات البيت ثالثا على طول شغلي له وقته ولاتعطينه فرصه يقعد بروحه رابعا اخذي رايه بكل شي حتى ملابسج شعرج اي شي يخص اخوانه هذي الاشياء تعطيه الاحساس بقيمته لانه الحين عقله مشتغل عليه...انت قوي انت ماتحتاج احد ووووو ومايخلص طبقي اللي قلت لج عليه وقولي لي رايج ربي يحفظه ...على طول رددي هالدعاء(اللهم اني أسألك بإسمك الحافظ ان تحفظ ولدي وتذكرين اسمه من شياطين الانس والجن ان يحضرون)
خووووش موضوع تسلمين يالغلا والله مشاكلهم مالها اخر ههههههههههههههههههههههههه الالعاب بكل مكان شسوي حطيت كبت خاص وصندوق فيه الالعاب يطلعهم من وراي :emoticon_U: بفضفض فيني قهررررررررر :74_74: والشي الثاني الكتابه جنني مايرضى يقول ايدي تعوررررني ظهري هههههههههههههههههههههههه ولاي باد مايعور ايده وظهره
صباحج ورد يا اصيله هههههههههههههههههههههههه ضحكتيني على عيالج من متى اليهال يعرفون يرتبون والا على الاقل يحافظون على الترتيب شوفي انا مفهمه خدامتي من ياتني للحين انها ماترتب الا اذا خلصوا لعب مسكينه ينكـسر ظهرها من التنظيف
يعطيج الف عافيه على هالموضوع وااااااااااي انا يبيلي فترة نقاهه من اميراتي الله يحفظهم هههههههه الله يصلحهم ويهديهم شوية شطانه على غيره من بعض على حنة اخر العنقود على شوية عناد من الكبيره على دلع الصغيره هههههههههه تعب بتعب الله يحفظهم
انا بالنسبه لسؤالج عن الطفل العنيد بنتي شواقه تعاند نفسي ونفس ابوها بس ماتحمل ازف او اطق االصراحه وهالسنه تدش اولى روضه بس خف عنادها شوي
هلا يا حلوه اشعندج مع البنات؟ وبعدين ليش تطقين؟يعني في حل اذا طقيتي غير العناد زياده؟ ربي يحظهم ...لازم تحملينهم وتصبرين ترى كل مرحله بعمرهم لها اسلوب غير وعلى فكره العناد اعتقد طبع البنات على قولتج اميرات يااااااااازينهم
مشكوووووووره على الموضوع والله انا ابي افضفض من ولدي الكبير عمره ست سنوات والله اني ما اقدره هو الحفيد الاول للعائله ومدلعينه اخر دلع كل شي يبيه ولا يعجبه شي يبجي يبي الاغراض ولما نشتريله مايهتم ويبي شي جديد عكس اخوانه ماشاء الله عليهم قنوعين ويسمعون كلامي
