نظام نفاس روووعه ..اتمنى يفيدكم..

اليوم جايه وجايبه معاي نظام رائع للنفاس ,طبعا اول ماتدري الوحده انها حامل تفكر بالولاده وش راح يصير من تغيرات بالجسم وخصوصا الكرش وتمر الايام بسرعه والا انتي ماشاء الله جايبه اروع مخلوق في العالم لكن انتي الحال الله العالم فيها ....

لكن طيعي شور مجرب واتبعي الخطوات اللي جايه والله انك ترجعين عروس من جديد وراح تدعون لي :​

1- اول ماتولدين اربطي بطنك بشماغ او طرحه لينه .....بالعربي حطي الشماغ مع اغراض المولود المجهزه مسبقا او اطلبي من اللي يبي يزورك من اهلك يجيبه معه.

2-اذا وصلتي البيت لازم تاكلين شئ دافي حتى لو مالك نفس لو شي بسيط لانك ترضعين واحذري السوائل البارده وكثري من شرب الماء بسبب الرضاعه
ولا تصدقين الكلام ان السوائل او الماء يخرب بالعكس جسمك محتاج يعوض كل ا للي فقده من سوائل ..​

3-اول ماتقعدين الصبح إلهمي (اكلي) ملعقه حلبه مطحونه يعني على الريق والفائده منها علشان يجبر ظهرك زين وما يقعد يطقطق بعد الاربعين تستمري عليه لمدة 20 يوم بس​

4-الفطور اول شي اكلي التمر المعبوط اللي مايعرفه يتكون من (تمر منزوع النوى +ملعقه صغيره حبه سوداء (حبة البركه) +ملعقه صغيره رشاد كلها كامله +سمن بري الكميه اختياري يعني اللي يخلي المعجون متماسك )​

الفائده من التمر المعبوط يريحك من الامساك وخصوصا انك مسويه خياطه بالفتره هذي .​

نرجع للفطور بعدها اشربي قهوه وحطي بفنجالك ملعقه صغيره جداً من المره و المحلب و النونخه (قشر القهوه) كلها مطحونه زين هذي علشان الشمم مدري اذا لها اسم ثاني علشان نفيد الجميع ؟!!​

5-ريحي نص ساعه او رضعي البيبي بعدين كلي فطورك اللي يكون اختياري بس بعدي عن الخبز الابيض والخمائر علشان ماينتفخ بطنك ممكن يكون بيض مسلوق اومقلي _عدس _مراصيع مع سمن اوعسل بالاضافه لـ كوب حليب دافي واختمي فطورك بأكل اللهوم حقك الذي يتكون من (فنجان حلبه + فنجال حبه سوداء + فنجال نونخه + فنجال قرفه +فنجال شمر + فنجال كمون +فنجال يانسون + فنجال رشاد واشياء ثانيه مااعرفها ...
استمري عليه لمده 35 يوم فقط​

6-الغداء مرقة لحم اول مايستوي اضيفي عليه حلبه + ماش كامله بعدها اشربي شاي مطبوخه تجيبينه من عند العطار او انتي تجمعينه بنفسك يتكون من زعتر +كمون +يانسون +كراويه +شمر +قرفه +ماش +سكر نبات​

7-نجي لفتره العصر كلي مره ثانيه من التمر المعبوط والقهوه بنفس الطريقه الي شرحتها لكم في الصباح .. .ولوجاكي ضيوف وزوار لاتكثرين من الحلويات والقهوه والله يعينك على الدندره واحكي لنا كيف ولدتي وشلون الولاده هاه تبين تجيبين مره ثانيه او انهم يبون يتطوعون ويحكون لك بطولاتهن ومغامرتهن عن الولاده بس وسعي صدرك وجامليهن واتحداكي اذا قدرتي تغيرين الموضوع​

8- العشاء مرقوق اومطازيز مع قطع خضروات (بطاطس+كوسه +فليفله +جزر ولاتكثرين الطماطم او الصلصه ولو تستغنين عنه احسن لك) او قطع لحم​

يتبع​

:نصائح خلال هالفتره :
1- لاتهملي نفسك مااحد راح ينفعك انتبهي من الجوع حتى لايصيبك الخواء عباره وجع مستمر ماينفع لابنادول ولا غيره​

2- اشربي ماء بكثره​

3-اهتمي بالنظافه الشخصيه اول اسبوع بس توضي بملح وماء بعدين سوي ما يلي: هاتي علبه ايدين احمر بتاع الجروح وصبيه في علبه ماء فاضيه اصغر حجم واضيفي اليه مره مطحونه ناعم ملعقه صغيره ... واستعمليه كمطهر مرتين باليوم صبح+مساء وابتعدي عن الديتول والله انه يحرق ولا يسوي شئ واذا وصفلك الدكتور أي مطهر وانتي طالعه من عنده قطيه باقرب زباله على يسارك​

بعد عشر ايام سخني زيت زيتون بعد ماتطفي النار اضيفي عليه شوي خواجواء +مره وكلها مطحونه وعبيه في علبه ماء فاضيه​

نجي للاستعمال :
كل ماغيرتي امسحي منه على الفوطه الجديده والبسيها ..
الفائده
يحميك ايضا من الشمم ويسرع في تخياط اللحم ويلين الخيوط علشان تذوب او انها تطيح​

4-اهتمي بإستعمال الخلطات الطبيعيه ووضع الماسكات وكذلك لاتهملي الزيوت بالنسبه لشعرك والمنتدى ماشاء الله مليان منها​

5-يووووووه نسيت اقول لكم الكبو في ناس تمدحه وناس تسبه نصيحتي شئ ماتعرفينه لا تجربينه​

6-النفاس ماهو مرض علشان يخليك طول الوقت منسدحه بالفراش يعني عشر ايام كافيه بعدها خذي جوله داخل البيت بس لاتشيلين الثقيل ولاتجهدين نفسك​

7-بالنسبه للحزام فكيه كل ليله لاتنامين فيه واول ماتصحين اربطيه​

8-الملابس الحلوه اللي انتي ناويه تلبسينها بعد الاربعين اشتريه بعد 30 يوم لانه ممكن يتغير وزنك ..
على فكره الرجيم بالوقت يضرك اكثر من انه ينفعك والله انه يجيب لك امراض انتي في غنى عنها ...​

واخيرا دمتم بصحه وعافيه​

منقوووول للفائده ​