6"]["]السلام شخباركم انا يم يم عضوه جديدة حبيت اشارك في الموضوع لانني مثل الحاله طولي 160 ووزني 50 ولما احمل يوصل 44 في حبوب بالصيدليه اسمهم سفن سييز اللون الاحمر حلويين اختي جربتهم يبينون على المدى البعيد يعني شهريين يشكل طبيعي :wink_smile:]
انا للامانه جربت خلطه غرشه عطر مكسرات اتهبل ومتنت عليها وناويه اخذها بعد بس هالمره بخليها اتسويلي مكس الخدود مع الجسم
هلا حبايبي تمتنون بالعافيه يارب حبايبي موب زين تشترون اعشاب ماتدرون شنو مكوناتها اعرف ناس تعبوا والسبب هالاعشاب تبون تمتنون سوا خلطات من ايدكم بنت خالي جربت حلبه وحليب قبل عرسها داومت جاء عرسها ماشاء الله طلعت تهبل رويانه تختوخه والوجه بدر ماشاء الله والحلبه مفيده وبعد وحدت لون جسمها وفتحتها انا ودي امتن بس باقي ماجربت الحلبه لاني كلش مااحبها يسلموا ياقلبي على هالموضوع
هلا حياتي اهيا مكسرات بس والله طعمها روعه انا بينت معاي بشهر انتفخت بس تعرفين النفسيه هههههه ضعفت وناويه اخذ منها الحلو اللي فيها مولازم تنحط بحليب تلهمينها وتشربين وراها حليب عصير اي شي عني انا كنت اشرب وراها حليب كاكاو انصحكم فيها
جربت خلطة ام فهد لبنتى والله خلتهاا تاكل اليابس والخضر واكثر شى بين بخدودها انتفخوا بشكل واضح حيل بس عيبهاا غالية وتخلص بسرعة والعيب الاكبر اذا هديتها تفشين مرة ثانية وسعرها 30 والله حراااام عليهم هالاسعار بس لازم نسوى حملة ونعرف الخلطات من شنو تتكون ونسويها بنفسناا احسن واضمن واوفر وشراااايكم؟؟؟؟
اخذي اعشاب ام بدر طبييعيه الاعشاب اذا مافادت ماتضر والله رفيجتي مجربتها ومتنت صارت تهبل ولما وصلت للجسم الي تبيه هدته والحمدلله ماردت مرا ثانيه وللحين جسمها يهبل مشاءالله اذا تبين رقمها بلغيني ومن عيوني ياقلبي
والله زين بس عاد راهيه؟؟تسوى سعرها بس بفهم بس مكسرات؟؟ شلون تمتن يعني مافيها اعشاب بعد تساعد عالمتن شكلي باخذ منها لاولد جود امتن وتطلعلي خدود:teeth_smile: الهمها واشرب وراها عصير والله
ايه والله راهيه حييييييييييييييييييييييييييييييييييييل اذا ماغيرت الغرشه وقالتلي ان فيها مكملات غذائيه ورهش واكيد ضايفه شغلات غيرهم بس والله حلوه وعفيه ادعيلي حبيبتي
هلا حبيبتي صبر جيكي عالخاص ارسلتلج رقمها رفيجتي بين معاها من 10 ايام وانتي كلمي ام بدر وهي تفيدج اكثر ياقلبي وموفقه خير فديتج :angel_smile:
