السلام عليكم شلونكم عيدكم مبارك امس اول ايام العيد والناس تفتر ونبارك من بيت لي بيت المهم وقت المغرب دقت علي مرت اخوى قالت بروح وياج ابارك مالي خلق اروح بروحي المهم اهي الواحم اقشر من حملت للين السابع كله تتوحم وانا بسيارتى معاها بروح لعمتى ابارك لها بالعيد المهم مرت اخوى شمت طبخه تفوح بشارع مادرى شلون وانا اشم بس شوى اهي حيل شامتهاا ونقول ابي تكفين مشتهيه الاكل قلت شلون قلت اصبرى والله انى رحت مكان ريخة الطبخه وقالت لانفشلينا قلت افشلج بس ورعنا مايضير فيه شي نزلت عند باب البيت ولا ادق الباب وطلعتلي خدامه قلت وين ماما قالت داخل روحي ناديهاا المهم طلعتلي وحده اضن انها من حريم العيال قالت هلا خير .. تهاوش قلت وانا ماره مرت اخوى شمت طباخكم وتوحمت علي اكلكم وقالت شنو السالفه هذي ماتستحين تطرين الاكل....mg_smile: المهم قلت مشكوره ابي راعية البيت ردت شدعوى عمتى بتعطيج قلت ماعليه ناديها بس وجت مره شوى كبيره وقلت ياخاله مرت اخوى متوحمه علي اكلكم مرينا يم شارعكم وشمت الريحه وقالت تبي وقالت حياكم داخل قلت مشكزره ياخالتى بس بروح للبيت ابي اخذ عيالي وارد بيتى المهم ماقصرت المره جابت لي الاكل وحطته بحافظه بس والله راهيه قلت ياخاله مايحتاح بس قالت لكم بعد بس الصراحه الاكل حيل لذيد مشاء الله عليهاا ومرت اخوى تقول الاكل جلوووو وقامت تاكل الموقف جدة شي قلت حق زوجي زفنى قال انتى شنو ماخذه اكل من الناس
هههههههههههههههههههههه والله موقف مضحك بس صراحة انا لو مكانج مااسوية بس انتي فرجتي للمسكينة اللي تتوحم تكسر الخاطر مشكورة على الموضوع
هههههههههههههه حيااتي انتي و الله سنعه عادي شنوو يعني لووول ولا يصير بالبيبي شي خخخخخخخخخ جان لما طقيتي الباب قلتي أكلكم وااايد حلوو >>>>>>> نبي عيديه >>>>>>>>>> عيدك مباارك نبي عيدية عطوونا عيديه لوول عيدج مباارك فدييتج ..
مسنغربة من رد الحرمة اللي طلعت لج بالاول . . . عليها بالعااافية الطبخة لكن ما قلتيلنا شنو اهي الطبخة وع فكرة موقفج بطولي ترى . . .
ع فكرة اختي توني تذكرت موقف مرت اخوي هم بعد البطولي كنا صوب البحر الميت وشفت عايلة وياااهم موز شكله غريب !! وكنت اتوحم (اتنسى ) وقلت لمرت اخوي مشتهية موزهم >>كانوا ياكلونه بشراهة مدري ليش !! وفعلا راحت لهم وطلبت وقالت لهم اني اتوحم . . . وشتااان وفرق ما بين موقف المرة اللي زفتج وبين هالعااايلة اللي رحبوووا وخمطوا موز وعطوه لمرت اخوووي
اى وانا بعد استغربت ماتقول هذي وحمه مافيها شي الطبخه ياطويله العمر لحم مع عيش الاحمر بس حده عجيب مشاء الله تبارك الرحمن الطبخه شي اى شسوى خفت يطلع في بيتنا شي تسلمين ع الرد ام عبدالله
ياحلوات وانا اشوف مواضيعي تذكرت الموقف وقمت اضحك زين محد شافنى وقال وعلق وقال عسي ما استخفت المهم ان مرت اخوى جابت بنوته حلوه وجيكره شلون مدرى بس كل ماشلتها رجعت عللي يقولون يبي يجيج خير قلت وين الخير دامها خيستنى
