قوه ياحلوين مثل ماوعدتكم اليوم انزل القصه الثانيه للاخت أميرة البجع واتمنى من كل الي يقرون القصه يتفاعلون معاها وراح انزل كل يوم بارت بس باارت واحد :wink_smile: وبنقل القصه كما هي اللهم بس مقدمة موضوع القصه إلي اهي كاتبته *القصة تتكلم عن بنت.. صحيح انها أخطأت كثيــــــــــر بس الحمدلله انها تابت فبنات رجاااءا.. عشاني.. أترجاكم... مابي وحدة تغلط عليها أو تسبها تذكرو.. قول الرسول الأكرم صلى الله عليه وآله وسلم "كل ابن آدم خطاء... وخير الخطائين التوابون" حبيباتي عنوان قصتي في كذا كلمة.. وكل كلمة بالترتيب تعني فترة من فترات حياة بطلتنا حتى اسم نقاء راح يكون اسمها بالقصة وآخر فترة من فترات قصتها وليس حياتها.. لأن ان شاء الله حياتها طوييييييييييلة وتدوم حياتها بالطاعة والاستغفار يااااارب * البارت الأول ******* (فقدان) نقاء بنوته صغيرة ناعمة كيوته سميرة شوي.. عمرها تسع سنوات.. كانت الجعدة والمدلله بين بنتين وولد خلونا نتكلم عن عايلتها شوي بو خالد.. أب حنون وطيب ويحب عياله .. لكن راح يصير في حياته تغير جذري أم خالد.. حنان وطيبة الكووون كله .. تمووت على عيالها وبالأخص نقاء بما انها الصغيرة والقريبة من أمها حيل خالد.. عمره 25 متزوج على حب من بدور عمرها 23 وكل شي عندها فري مشاعل اخت نقاء العودة .. عمرها 27 متزوجة وعندها ولد جنان اختها الثانية عمرها 20 سنة.. مو متزوجة وامها بعدها خذت مانع حمل لمدة 10 سنوات لكن الله كتب انها تحمل بنقاء ببساطة حياتهم كانت روعة بكل معنى الكلمة نقاء كل شي تطلبه .. كان ملبى من غير أدنى نقاش وكانو يسافرون تقريبا كل ويك اند أي مكان يروحون.. دبي.. البحرين .. مصر.. وبالعطلة الكبيرة يروحون أوروبا بوخالد.. أم خالد.. جنان ونقاء كانو مستانسين بسفراتهم وحياتهم وكانت زوارة خالد ومشاعل يوم الأثنين عندهم لأن مثل ماقلنا بالويك اند اهم مو موجودين في يوم من الأيام.. نقاء كانت بالمدرسة دخلت الاخصائية صف نقاء وكلمت المدرسة بصوت واطي المدرسة (راحت عند نقاء.. وبصوت هادي): حبيبتي لمي أغراضج وروحي مع الأبلة نقاء (ببراءة): ليش أبلة؟ آنا شنو سويت؟ المدرسة: لا حبيبتي ما سويتي شي انتي شاطرة.. بس روحي معاها تبيج نقاء (تلم اغراضها): حاضر نقاء مشت مع الاخصائية ليه غرفة الناظرة وهناك لقت خالد نقاء: خالد.. شفيك؟ خالد (عيونه حمرا.. خذا ورقة الخروج من مديرة المدرسة.. ومارد على اخته): مشكورة أبلة.. يلا نقاء تعالي معاي بالسيارة لا خالد تكلم ولا نقاء سألته صج ان عمرها تسع سنين .. بس حست ان في شي خطير ويخرع صاير واللي متأكدة منه انها ما تبي تعرف شنو وصلو البيت لقو االكل متيمع .. شافت الملابس سودة والعيون حمرا اخترعت.. من الأشكال.. وافترت بعيونها بين الحريم.. لين طاحت عينها على مشاعل فاتحه لها ايدها .. قطت روحها بحضنها تبجي وخايفة تسأل لين فجأة صرخت جنان: لالالالالالا يما لا تروحين وتخلينا نقاء وخرت عن مشاعل وطالعت بعينها.. من غير ما تسأل أو تتكلم ركضت غرفة أمها لقتها خالية.. دورت مني مناك حتى الكبتات افتحتهم.. مالقت شي تأكدت ان الله اخذ أمانة أمها.. طاحت على السرير تبجي يما يا يما يالحبيبة يا يما انا جيتج يا يما وما لقيتج.. وما لقيتج..وتابوت الخشب يم باب بيتج مالحقت ليج وودعيتج..عسان قربت منيتي ولا منيتج أنا الكظيت تابوتج بيديه..وانا شبيدي يا يما على المنيه؟ جنتي مراد كل صبح ومسية.. وأقامط بيج لو عالو عليه عشرتج حلوة جانت يالحنينة.. خلافج بعد من ينشد علينا بعدنا بهالعمر تونا بدينا.. ليش من الطفولة تيتمينا؟ عد راسج أون هل بس تسمعين؟.. حاجيني يا والدتي شتريدين؟ لوردت انا اذكرج يا ضوا العين.. اعاين عالمجان البيه تقعدين يما يااا يما.. يالحبيبة يا يما يالشلت الجنازة بالله خلها.. أريد الليلة اعاتبها وأقلها المصايب هاي قلبي ما حملها.. مدري منين اجيبن ام مثلها أنا الفزيت من نومي واجيتج.. وعلى فراشج يا يما وما لقيتج صحت يما يالحبيبة ونخيتج.. اششفت من الدنيا انا وفارقيتج وين اهلي يادار الضيعتهم.. أهم عافوني لو انا عفتهم؟ اريد ايامي ذيج القضت عدهم.. شلون انطاني قلبي وودعتهم يما يا يما يالحبيبة يا يما ظپظٹط¯ظٹظˆ ظƒظ„ظٹط¨ ظ†ط¹ظٹ ط±ط§ط¦ط¹ ظ…ظ† ط§ظ„ط·ظپظ„ ط§ظ„ط¹ط±ط§ظ‚ظٹ ط¹ظ„ظ‰ ط§ظ„ط§ظ…. ظƒظ„ط´ ط*ط²ظٹظ† ظˆظٹط¨ظƒظٹ | ط¹ط§ظ… | ظپظٹط¯ظٹظˆ ظˆظƒظ„ظٹط¨ط§طھ ظ…ظƒطھظˆط¨ – ظ…ظƒطھظˆط¨ Yahoo!‎ راح الحنان.. راحت الطيبة.. راحت ايامنا الوردية يه المجهول والله يستر من المجهول **************** هذا البارت الأول واتمنى اشوف تفاعل ياحلوين وان شاءالله البارت الثاني باجر ينزل :smile:
حدها والله روعة القصة وتكسر الخاطر :sad_smile: اي والله شفتي شلون هذا اولها تاليها شنو والله يسلمج حبيبتي وهذا من ذوقج وبخصوص الاصنام الي يدشون ويقرون ومايعلقون :emoticon_U: ماكو شغل مثلا
وهذا البارت الثاني ******* بعد فقدان الصدر الحنون احتارت نقاء بحياتها.. وكانت مشتتة بين بيت أبوها وبيت مشاعل البيت صار خالي من أي احساس ودفى.. البيت اللي كان متروس أوادم داشة وطالعة والضحكة في ما تنقطع.. صار مظلم شبح السكون خيم عليه.. الأكل بدون صوت والتنفس صار أيضا بدون صوت وبعد خمس شهور.. كانو متيمعين على الأكل .. بس محد يسولف مع الثاني والكل ياكل بصمت بو خالد (يطالع صحنه): يا عيال بقولكم شي خالد: آمر يبا بو خالد: انتو شايفين البيت شلون صاير.. الفرحة والبسمة راحت منه.. ومحد قادر يطيق القعدة فيه.. حتى نقاء الجعدة صارت بالويك اند تنام عند مشاعل الكل رفع راسه يبي يعرف بوخالد شعنده.. بس نقاء حست بغصة مو طبيعية.. وخنقتها العبرة بو خالد: آنا يبا قررت أتزوج مشاعل: تتزوج يبا؟؟ بس أمي ما طاف عليها 5 شهور بو خالد: يبا انتو كل واحد لاهي في بيته .. وباجر جنان ونقاء يتزوجون ويخلوني.. وآنا روح وأبي روح وياي.. والحي أبقى من الميت نقاء (قامت من الطاولة.. بس ما رفعت راسها.. لأن عيونها متروسة دموع): الحمدلله شبعت.. عن أذنكم بو خالد: وين يبا نقاء؟؟ خليج معانا نقاء: لا يبا الحمدلله شبعت بروح غرفتي بو خالد (مد ايده لها): تعالي عندي حبيبتي نقاء راحت له من غير لا تتكلم.. وبس لمها قطت راسها على صدره وقامت تبجي بو خالد (يمسح على راسها): لا تبجين حبيبتي أصلا آنا أبيها عشان تباريج انتي وأختج.. وانا ترى ما دورتلي ويبتها فجأة.. آنا قلت حق عمتكم تدورلي وحدة تخاف الله فيني وفيكم انتو أغلى شي عندي بهالدنيا بعد المرحومة.. يلا بابا مسحي دموعج لا تبجين مسحت دموعها نقاء.. وابتسمت غصبا عنها.. عشان لا تضيق خلق أبوها ولا خواتها زيادة وفعلا بعد جم يوم لقت العمة زوجة لبو خالد.. بس للأسف ماكانت بالمواصفات اللي بغاها بو خالد لعياله يعني من أول ما دشت البيت .. محد ارتاح لها .. الا بوخالد من شافها نسى كل اللي طلبه في الزوجة وأكثر وحدة كانت تكرهها نقاء لأنها حست انها ماخذه مكان الغالية.. وكان شعور متبادل.. اهي كانت تكره نقاء لأنها دلوعة أبوها بو خالد (يأشر لها تدخل وينادي على البنات): حياج تفضلي البيت بيتج.. نقااااء.. جناااااان .. وينكم يبا تعالووو نزلو البنات.. وطالعو ماجدة (مرت أبوهم).. وانقمت قلب نقاء الصغيرة بوخالد: تعالو يبا تعالو حبايبي سلمو على خالتكم ماجدة.. يو البنات سلمو عليها ببرود.. واهي ردت عليهم بالمثل.. بس بابتسامة خبيثة طلبت من نقاء توصفلي مرت أبوها قالتلي كلمة وحدة (حية) مرت الأيام وماجدة كرهها حق نقاء يزيد.. كل ما تشوف بو خالد قاعدة عندها ويسأل عنها والا اييبلها شي.. كانت تمووت من الغيرة وعشان تطلع حرتها قامت تفرق بين نقاء وجنان.. قامت كله تطلع مع جنان بروحهم وما ياخذون هالصغيرة المسكينة واذا طلعت بروحها بس تشتري حق جنان.. مو حبا في جنان ولكن عشان تحر نقاء وبيوم يت مشاعل بيت أبوها مشاعل: السلام عليكم الكل: وعليكم السلام نقاء ركضت قطت روحها على اختها ولمتها.. تتذكر ريحة الغالية مشاعل : هلا حبيبتي شلونج؟ نقاء: حبيبتي انتي من أشوفج أصير بخير بو خالد: بييه بيييييه كل هذا حق مشاعل؟؟ واحنا مالنا شي؟ نقاء: انت حبيبي بس هاذي الحين امي ماجدة (تعوي حلجها): عشتو وانا وين رحت.. مادرسج .. ما ازهبج حق المدرسة نقاء: امبلا ما نكر.. بس انتي مرت أبوي وهاذي أمي بوخالد: بس عيب .. قولي انتي خالتي مو مرت أبوي نقاء: يبا ماقلت شي هذا الصج بوخالد: قتلج عيب.. والحين يلا صعدي غرفتج نقاء عفست ويهها.. وطالعت ماجدة والا تشوف على شفايفها ابتسامتها الخبيثة كرهتها زيادة. لأنها تدري انها قامت تبعد بو خالد عنها مشاعل: يبا بغيت اكلمك بموضوع بو خالد: هلا حبيبتي شبغيتي؟ مشاعل: بروحنا لو سمحت ماجدة (نطت بعصببية): قولي جدامي ترى ما يخش عني شي.. وانا مو غريبة بو خالد: قولي يبا شفيج؟ مشاعل: يبا احنا الحين قاعدين نرمم بيتنا.. وبغينا نسكن عندكم شوي ماجدة: بس احنا ما عندنا مكان مشاعل (طالعتها بنظرة.. يعني مالج شغل): يبا فترة بسيطة.. بس على ما نخلص الترميم ماجدة: أقولج مافي مكان وين بتقعدين؟ فوق رووسنا؟ مشاعل: انتي لج الدور الأول كله وانا ماني مقربة منه.. انا بقعد مع البنات بالأرضي بوخالد: خلا يبا على راحتج.. بس ماراح تتضايقين؟؟ لأنج بتقعدين بغرفة من غرف البنات مشاعل: عادي يبا..بنام بغرفة نقاء.. وتصير نقاء مع جنان بالغرفة (قامت باست راس أبوها) مشكور يبا ما قصرت بو خالد: العفو.. البيت بيتكم.. متى بتييون؟ مشاعل: باجر ان شاء الله.. عن أذنك.. وراحت غرفة نقاء مشاعل (طقت الباب): شفيها الحلوة مبوزة؟ نقاء: شفتي أبوي شلون زفني؟ مشاعل: هههههههه بعد انتي زودتيها.. طقيتي مرته بالطوفة نقاء: أحسن انتي ما تدرين شيمسويه فيني.. تكره بابا فيني.. تبيه يحبها بروحها مشاعل: أبوي مستحيل يكرهنا.. خصوصا انتي.. تدرين شكثر يحبج.. وما يرفضلج طلب.. ولا يرضى يزعلج نقاء: عدل والدليل توه مشاعل: ههههههه انزين بلا دلع يلا قومي نادي جنوون عندي لكم خبر نقاء: شنو شنو؟ مشاعل: قتلج روحي نادي جنان وانتي تعرفين نقاء: طيااااااااار الحين.. (وركضت غرفة جنان.. طقت الباب) جنووون فتحي البااااااب جنان (طولت شوي وبعدين فتحت): شتبين؟ ليش تصارخين؟ نقاء: آنا بعرف انتي شعندج كله قافلة الباب وماخذه تليفون البيت.. تكركرين مع منو؟ جنان: مو شغلج بلا لقافة.. وبعدين قاعدة اسولف مع رفيجتي شتبين خلصيني؟ نقاء: تعالي مشاعل بغرفتي وتبينا.. عندها لنا خبر جنان: صج؟ يلا امشي خنشوف شتبي؟ ردو غرفة نقاء جنان: يا حيا الله من زارنا (وراحت باستها) مشاعل: الله يحييج.. شلونج؟ وينج يالقاطعة؟ جنان: موجودة بالدنيا نقاء: أي بالدنيا؟ الا قولي كله بغرفتها ما تنشاف جنان خزت نقاء.. وطالعت مشاعل: خير هالملسونة تقول بغيتينا؟ مشاعل: اي بغيت اقولكم بقعد عندكم فترة نقاء: هيااااااااااااااااااااا جنان: ليش عسى ما شر؟ متزاعلة مع ريلج؟ مشاعل: لا يبا الله لا اييب الزعل.. بس بيتنا قاعدين يرممونه وبقعد شوي نقاء: الله وناسة.. يعني بنام عندج كل يوم مشاعل: ههههههههههههه لا انا بنام عندكم كل يوم .. بس انا بنام بغرفة نقاء.. وجنان انتي اخذي نقووء عندج جنان: هااا؟ لا ماعرف انام وأحد عندي بالغرفة مشاعل: ليش؟ جنان: بس ما أرتاح متعودة انام بروحي.. وهاذي بتضايقني نقاء: ليش شفيني شبسوي؟ جنان: ما تسوين شي.. بس ماعرف مشاعل: انتي ماتبيني عندكم؟ جنان: امبلا بس خلي نقووء تنام بالصالة عادي عندها مشاعل: لا خلاص انا اروح اي مكان.. مو الا عندكم نقاء: لالالا تكفين انا راضية.. والله عادي عندي انام بالصالة بس خلج عندنا مشاعل: أوكي ثاني يوم يت مشاعل ويابت اغراضها وأغراض ولدها عشان تنام عندهم من أول ليلة نامت هناك.. ماجدة انتهزتها فرصة تأذي نقاء نقاء كانت نايمة بالصالة.. يت ماجدة تطالع تلفزيون .. وتطول عليه حده نقاء (مغمضة عيونها): لو سمحتي طفي التلفزيون بنام ماجدة: بطالع.. وانتي ما لقيتي مكان الا الصالة تنامين فيها؟ نقاء: كيفنا هاذي صالتنا.. أنام وين ما أبي.. وانتي عندج صالتين فوق.. روحي طالعي فيهم على راحتج ماجدة: مابي مو عاجبتني صالاتي نقاء: اللهم طولج يا روح.. وفرت ويهها صوب الطوفة تحاول تنام مشاعل (يت على صوت التلفزيون): شنو هذا؟ ما تقولين ناس نايمة؟ ناس تعبانة؟؟ ما تشوفين نقاء نايمة باجر وراها مدرسة؟ ماجدة: والله اهي راضية انتي شدخلج نقاء (رفعت راسها): لا والله مو راضية.. مشاعل قتلها روحي فوق .. تقول مو عاجبتها صالتها تبي هني.. وانا مو قادرة انام مشاعل (خذت الريموت بعصبية وطفت التلفزيون): لوسمحتي صعدي صالتج.. احنا ناس ورانا دوامات مو فاضين للمشاكل والصيحة وعوار الراس ماجدة خزتهم بس قامت من غير ما تتكلم.. كانت تحسب حساب حق مشاعل وبيوم كانت جنان بتطلع مع بدور.. مرت اخوها.. نقاء شافتهم عند الباب نقاء: وين رايحين؟ جنان: بنروح الجمعية بنشتري شغلة نقاء: اخذوني معاكم جنان طالعت بدور بدور: لا حبيبتي انتي قوليلنا شنو تبين واحنا نييبل اياه نقاء: لا بيي معاكم.. متمللة من البيت جنان: لا مانبي ناخذج.. عندنا شغل نقاء: شنو شغلكم؟ بدور (غمزت حق جنان): خلاص تعالي معانا مو مشكلة وصلو الجمعية.. جنان نزلت تشتري.. وبالغصب خلو نقاء تقعد بالسيارة مع بدور وبعد فترة.. نقاء: مو جنه جنوون طولت وايد بدور: لا طولت ولا شي.. كاهي الحين تيي نقاء(فتحت الباب ونزلت بسرعة): خل اروح اشوفها بدور (نزلت وراها بسرعة): تعالي وين رايحة؟ نقاء: مادري بدور على جنوون قلبي ناغزني بدور: مافيها شي تعالي نقاء ما ردت عليها وقامت تدور جنان بالجمعية.. لين لقتها بين الممرات واقفة تسولف مع واحد وتضحكله نقاء (تخصرتلها ونادتها بصوت عالي): جنووووووووووووون.. هذا شغلج.. آنا أراويج.. وهدتها وقامت تركض جنان لما شافت نقاء اختبصت وركضت مع بدور وراها ركبو السيارة كلهم.. وبدور وجنان حاولو يقنعون نقاء انها ما تقول حق أحد لكنها كانت مصممة تفضح أختها.. ياهل وما ينحط ببطنها شي.. لا وشايفته محد قايلها؟! أول ما وصلو البيت جنان دشت غرفتها لأنها كانت خايفة فعلا انها تنفضح ونقاء سيييييده على غرفة مشاعل نقاء: مشاعل .. مشاعل مشاعل: شوي شوي شفيج؟ نقاء: بقولج شفت جنون واقفة مع واحد ما نعرفه بالجمعية؟ مشاعل (بققت عيونها): شنو؟ نقووء انتي شقاعدة تقولين؟ نقاء: والله شفتها بعيوني.. حتى بدور تدري.. وقالولي ما اقول حق احد.. بس انا قتلهم ماني ساكتة وبفضحها والحين بروح أقول حق أبوي مشاعل: تعالي قعدي وين رايحة؟ تدرين لو أبوي درى بيذبحها.. سكتي خليني آنا أكلمها.. قعدي هني لا تتحركين مشاعل راحت غرفة جنان.. وزفتها عدل.. على هالسالفة.. وقالتلها انها هالمرة طوفتها وسكتت نقاء بس المرة الياية ماراح تسكت وتعرف شيتسوي فيها جنان مسكينة كان حبها عذري يعني بس تليفونات ورسايل.. تدرون قبل الغزو ماكو نقالات وجذي الا القليل ************************************** اتمنى رايكم
هههههههههههههههههههههههه حلوه هذي الاصنام اللي يقرون ومايعلقون مت من الضحك ما ادري ليش ما يعلقون مع ان التعليق ابلاش ) حبي كملي الروايه رووعه
يحليلها نقاؤه ياهل قثيثه نوعها فضيحه مايطيح ابطنها سر لووووووووووووووووووول جنها انا يوم صغيره فضيحه حدي هههههههههه
البارت الثالث ******* مرت الأيام بين مد وجزر.. حتى بعد ما ردت مشاعل بيتها وتزوجت جنان من اللي تحبه الحمدلله وقبل الغزو بشهر سافرت نقاء مع أبوها ومرته.. لكن ماجدة كانت مضايقتها وااايد ماكانت تكلمها.. ولا تطلعها .. بس اهي وبوخالد بروحهم يطلعون جنه هالسفرة عقاب.. مو وناسة حق نقاء لين طقت جبدها وقررت تدق عل مشاعل مشاعل: ألووو نقاء (تبجي): تعالوووو اخذوني مابي اقعد هني مشاعل: نقووء شفيج حبيبتي؟ ليش تبجين؟ نقاء (تشاهق): مابي أقعد عندهم.. جنهم مسفريني معاقبيني.. مابي اسافر وياهم.. ردوني الديرة مشاعل: قوليلي شصاير؟ نقاء: هاذي كله تناجرني.. وما تطلعني وياها.. انا كله بالفندق ماطلعت ولا استانست.. واصلا مابي اطلع معاها تغثني.. أبي ارجع الديرة مشاعل: اوكي اوكي.. اهدي حبيبتي.. خلاص انا أكلم أبوي واخليه يردج الديرة.. يلا حبيبتي سديه الحين وروحي غسلي ويهج نقاء: ان شاء الله .. بس كلميه بسرعة.. مع السلامة مشاعل دقت على أبوها وقالتله عشان يرجع نقاء الديرة.. وبوخالد وافق بدون تردد.. لأن ماجدة بس سمعت جذي استانست حييييييييل وبالمطار بعد ما ودعت ابوها.. افترت والا تشوف ماجدة تضحكلها ضحكة الحية.. ما اهتمت .. اهم شي انها بترد وتفتك من هالخبيثة بعد ما رجعت نقاء الديرة (كان عمرها 14) وقعدت عند مشاعل باسبوعين صار الغزو طبعا كانت هالمرحلة عصيبة وصادمة لكل الكويتيين والحمدلله انها عدت ونقاء طلعت من الكويت بالغزو مع اختها وولدها وريل اختها لكن رجعو بسرعة بعد التحرير ******************************** وبعد مارجع أبوها ومرته راح الكل يسلم عليهم نقاء (ركضت قطت روحها على ابوها): اشتقتلك يبا حبيبي بوخالد: هههههههههه وانا اكثر نقاء: بعد من اليوم ورايح ماراح اخليك طوووول العمر بوخالد ساكت ماجدة: شنو شنو؟ يلا ماعندنا مكان انا الحين عندي بيبي والمكان صغر علينا.. خلج عند أختج خالد: شلون اتم عند ريال غريب وبيت أبوها مفتوح؟ ماجدة: والله بيت أبوها صغير.. ومافي مكان وبناخذ غرفتها حق البيبي خالد: غرفة جنان موجود اخذيها ماجدة: غرفة جنان للخادمة مشاعل: انتي شنو؟ قاعدة توزعين بيت أبونا على كيفج؟ بوخالد: بس خلاص.. يبا مشاعل خلي نقاء عندج خالد: لا شلون تبقى عند واحد غريب؟ بو خالد: تراددني يا ولد؟ خالد: آسف يبا.. بس ما عندي مانع تبقى نقاء عندي بو خالد: خلاص كيفكم نقاء: بس آنا أرتاح عند مشاعل مشاعل: اي والله حتى آنا ابيها تكون عندي خالد: خلاص عيل شوي تيين عندي وشوي تروحين عند مشاعل.. بعد ما نبي نضايق ريلها اكثر من جذي نقاء سكتت وبعينها الدمعة تذكرت أمها الله يرحمها " وينج يا يما؟ لو انتي موجودة جان مافرطتي فيني" ************************************ وتنقلت نقاء بين أخوها خالد واختها مشاعل والحمدلله ارتاحت وااااااااايد وكانت لما تنام عند أخوها كانت تنام عندها اخت بدور.. سلوى (بعمر نقاء) سلوى صارت رفيجة نقاء الروح بالروح سلوى: سكري الباب نقووء نقاء: انتي تسولفين مع منو؟ سلوى: مع منو بعد؟ مع حبيبي نقاء: امبييييييييييه انتي ما تخافين؟ سلوى: اخاف من شنو؟ أخوج وطالع.. واختي وفري نقاء: والله انج جريئة سلوى: هههههههههههههه انزين سكتي.. (ردت تكلم اللي بالتليفون) اي حبيبي أقولك أكلمك بعد شوي..باي سلوى: بقولج نقووء .. ليش ما تكلمين؟ نقاء: لالالا يبا .. آنا أخاف سلوى: تخافين من شنو يالخبلة؟ والله وناسة نقاء: لا يبا احنا بعدنا يهال.. شنو يعني أكلم عمري 14؟ سلوى: انتي سمعيني.. شوفي حبيبي يقول انه رفيجه يبيج.. ويبي يكلمج نقاء: وهذا رفيجه وين شايفني؟ سلوى: يالمينونة لما نطلع اهو ايي.. ويكون معاه رفيجه وشافج.. وكذا مرة قايل حق حبيبي يبي يكلمج نقاء: ههههههههههه الله وناسة يعني آنا مرغوبة؟ سلوى: هههههههههههه والله مينونة.. انزين شقوله؟ تكلمينه؟ يلا عفيه عاااااااد لا تصيرين بايخة.. جربي نقاء: مممممممممممم أوكي سلوى: هياااااااااااا خل أدق عليه أقوله يعطيج رقم رفيجه ****************** وبجذي تعرفت نقاء على (فيصل) أول واحد بحياتها وبعدها ما كملت 15 سنة!! نقاء: هههههههههههههه والله انك مونسني يا فيصل.. كلامك حلو فيصل: بعدج ما شفتي شي نقاء: انزين فصول ما قتلي.. انت جم عمرك؟ فيصل: ليش.. سلووو ما قالتلج؟ نقاء: لا.. يلا عاد انت قووول. فيصل: آنا أكبر منج ب3 شهور نقاء: هههههههههههههه يا حليلك ياهل فيصل: شنوووو؟ استحي لا تقولين ياهل.. آنا ريااااااااااااال نقاء: انزين يالرياال.. آنا بخليك الحين لأن بعد شوي أخوي بيي.. يوديني بيت اختي فيصل: بييييييييييييه.. انتي ليه متى جذي؟؟ تتنقلين بين أخوج واختج نقاء (تتنهد): لين ربك يفرجها فيصل: وطبعا ما راح أقدر أكلمج في بيت أختج؟ نقاء: انت تدري.. أختي كله مجابلتني.. ماقدر آخذ تليفون البيت وأتحجى منه فيصل: شنو.. انتي ما تدقين على رفيجاتج؟؟ ما تسألينهم عن الواجبات أو شي؟ نقاء: امبلا فيصل: خلاص قوليلها بدق على رفيجاتي.. ودقي علي.. حتى لو تكلميني عن الواجبات.. كافي أسمع صوتج نقاء: ههههههههههههه والله فكرة.. خلاص.. أكلمك عيل بعدين من بيت اختي.. بااااااااااااي فيصل: باااااااااااي ******** وتمت نقاء على هالحال مع فيصل لمدة سنة.. تكلمه وتضحك وياه وليه بغت تشوفه تطلع مع بدور وسلوى وتخليه ايي وتشوفه من بعيد.. لين يه يوم واهي تكلمه فيصل: هههههههههههههههههه يالمينونة.. ليش طقيتيها؟ نقاء: أحسن.. ليش تعيب علي؟؟ تقولي بنت البطة السودة فيصل: ههههههههههههه انتو بنات والا صبيان؟ نقاء: اسكت أبلة العربي بتفاككنا.. جان اييلها بوكس واهي ماتدري فيصل: هههههههههههههههههههه أم فيصل (دشت عليه الغرفة): انت قاعد تسولف مع منو وهاد دراستك؟ فيصل: هاااااااااا؟ يما قاعد أسولف مع حمود رفيجي أم فيصل (خمطت منه السماعة): حموود هااا.. ييب السماعة ..(معصبة) ألووووو نقاء (متوهقة): أ..ل...ووو أم فيصل (بصراخ): انتي ما تستحيييييييييين؟؟ ما عندج أهل يربونج؟؟ ليش تكلمين الصبيان؟؟ نقاء: آ..ن..ا.... أم فيصل: جببببب.. لا تتحجين.. وشوفي ان شفتج داقه عليه مرة ثانية.. ايي بيتكم وأتلج من شعرج أوديج المخفر.. (والتفتت على ولدها) وانت ان شفتك تكلمها لعنت خيرك.. وخليت أبوك ينتفك.. (ردت تكلم نقاء).. بعدج عالخط؟ ليش ما سديتيه؟؟ يلالالالالالالا سدي.. وما أشوفج داقة مرة ثانية ورقعت التليفون بويه نقاء نقاء.. قامت ترجف.. فعلا خافت من تهديد أم فيصل.. وقررت تقطع علاقتها فيه بالفعل ************* بعد تجربتها مع فيصل.. ما اهتمت نقاء انها تكلم أي واحد من الشباب صحيح انها استانست وارتاحت معاه .. لكنها بنفس الوقت خافت لا تصادف أم ثانية من أمهات الشباب وهالمرة ما تسلم الجرة.. بمعنى انها فعلا تييلها وتفضحها عند أهلها كانت تطلع وتستانس مع سلوى.. ويتحرشون فيها الشباب ب من غير ما تتعرف على احد فيهم بس كانت هوايتها مع سلوى ان كل ويك اند بالليل يمسكون تليفون البيت ويدقون على رقم عشوائي واذا طلعلهم شاب يسولفون معاه.. بس ما يردون يدقون على نفس الرقم مرة ثانية وكانت هاذي حالتهم لين كبرت نقاء.. وتخرجت من الثانوية .. ودشت كلية الدراسات التكنولوجية *********************************
البارت الرابع ******* (ضياع) **** كبرت نقاء .. عمرها 18.. وصارت جميـــــــلة.. ما شاء الله شعرها أسود طويل.. ليه تحت ظهرها.. وعيونها كبار.. مسحوبة شوي.. لونهم أسود سميرة سمار التان.. شفايفها ممتلئة.. وخدودها ناطة شوي.. خشمها صغير.. وفي طول خفيف طولها حلو.. لا قصيرة ولا طويلة دشت معهد التكنولوجيا.. وشافت حياة مختلفة صج ان كانو البنات كلاساتهم بروح.. والشباب بروح.. بس كانت الدخلة والطلعة مع بعض كانت تشوف البنات شيلبسون.. ويسوون عشان يلفتون الأنظار لهم وتشوف نظرات الشباب لها.. مع انها في البداية ما كانت تهتم مثل باجي البنات.. بس لأن جمالها كان ملفت حتى من غير لا تلبس ولا تحط مكياج أووفر وتعرفت بالمعهد على صديقتها مي.. قامت تاخذ كل الكلاسات معاها.. وتروح تدرس في بيتها مي ونقاء صارو أكثر من خوات.. ومرة كانو يتمشون بسيارة مي.. مي: أوووووووووه نقوووء ليه متى انتي جذي؟ الولد يبيج نقاء: ميووو مالي خلق أكلم.. مابي أكلم مي: ليش بعرف لييييييييييييش؟ جربي هالمرة وراح تستانسين صدقيني نقاء: أووووووووووووف ومن قالج آنا مو مجربة.. تذكرين فيصل؟؟ آنا مسولفتلج عنه مي: هههههههههههههههه اي اللي حصلتي زفة من أمه.. يبا هذا غيييييييييير وجاسم غييييييييير.. هذاك ياهل.. وانتي بعد كنتي ياهل.. بس الحين انتي كبيرة وجاسم بعد مو صغير عمره 22 نقاء: لالالالالالالالالا واايد كبييييير ليش جذي؟ مي: تتطنزين حضرتج؟؟ والله الشرهة علي اللي أبيلج الخير نقاء: ههههههههههههههه أهم شي تعالي قوليلي.. اهو حلو مي (نطت): قطعة.. جميييييييل.. نقاء: لالا صج أوصفيلي اياه مي: وليش أوصلج اياه.. كانا واصلين وبتشوفينه نقاء: انتي وين موديتني؟ مي: يبا آنا بشوف حبيبي.. وتدرين جاسم رفيجه.. شوفيه وكلميه نقاء: الله ياخذ ابليسج.. وليش ما قلتيلي عشان أتسنع؟ مي: هههههههههههههه بغيت أسويها لج مفاجأة.. وبعدين شفيج جنج البخت؟ وصلو المكان اللي كانت مي مواعدة فيه حبيبها ونزلت ركبت معاه السيارة ونزل جاسم.. يسولف مع نقاء عند سيارة مي صج كان قطعة مثل ما قالت مي.. طوله متوسط.. وجسمه شوي متروس ومعضل.. شعره ناعم لونه بني فاتح.. وعيونه عسلية.. حتى شفايفه وردية نزل وبيده جيس كبير.. جاسم (بكل ذرابة): السلام عليكم نقاء (مبتسمة): وعليكم السلام جاسم (مد ايده بالجيس): تفضلي نقاء (مستغربة): شنو هذا؟ جاسم: هاذي هدية بسيطة.. كل عام وانتي بخير.. آنا أدري ان تو الناس على عيدميلادج باقيلج يومين.. بس بغيت أسبق الكل.. وأه*** بعيد ميلادج نقاء: مشكوور.. بس شدراك عن عيد ميلادي؟ جاسم: عشان تعرفين اللي يحب.. يعرف كل شي عن محبوبه نقاء: اللي يحب؟؟ هههههههههههههههههههه انت تحبني؟ جاسم: اي والله أحبج نقاء: ههههههههههههههههه متى مداك تحبني؟ واحنا بعدنا ما تعرفنا على بعض جاسم: بس انا اعرف عنج كل شي نقاء: وناااسة ليهالدرجة.. تحبني؟ جاسم: ويييييييييييييييه .. بعدج ما شفتي شي تمو يسولفون فترة.. ونقاء خذت رقمه.. بس ما عطته رقمها لأنها للحين ما عندها موبايل مي (ردت ركبت السيارة): بسكم سوالف.. ورانا محاضرة نقاء خزت مي.. يعني شيايبج الحييييييين؟ جاسم: والله ما شبعنا.. تونا بادين مي: العمر جدامكم لا تخافون.. يلا بنمشي جاسم (يكلم نقاء): انتظرج لا تطولين علي.. ابيج تدقين اليوم نقاء: ان شاء الله.. مع السلامة وبس ابتعدو شوي من الشباب مي: الله الله شنو هذا؟؟ شهالجيس؟ نقاء: يالعيارة يعني تسوي روحج ما تعرفين؟ مو انتي قايلتله عن عيد ميلادي؟ مي: ههههههههههههه اي قتله.. بس ما توقعت اييبلج هدية.. آنا صارلي سنة مع اللي عندي عمره ما يابلي هدية نقاء: ههههههههههههههههه مووووتي حرة مي: انزين انزين.. يلا فتحيها خنشوف شنو؟ نقاء (فتحت الجيس.. ولقت جنطة وبوك ماركة): اللللللللله ما شاء الله وايد حلوين.. امبييييييييييه غالين مي: يه يه والله ذوقه حلو نقاء: أكييييييييد ذوقه حلو.. مو يحبني؟ مي: ههههههههههههههه شنو شنو؟ يحبج؟ نقاء: ايييييييييي يحبني.. اهو قال مي: هههههههههههههههههه والله ضحكتيني نقاء: هههههههههههههه مسكين حتى آنا ضحكت عليه.. بس والله جنتل.. مسكيييييييين.. تصدقين اول مرة أحد أييبلي هدية غالية؟ مي: ايا شقوووول.. يعني آنا ولا مرة يايبتلج هدية؟ أرااويج نقاء: يالغبية آنا قلت غالية .. انتي تييبين شي غالي؟؟ حدج عطر بو خمسين مللي مي: هههههههههه ويخب عليج بعد **************** وتمت نقاء تكلم جاسم فترة من تليفون البيت لأن ما عندها موبايل فليه بغت تطلع معاه يتفقون على ايام معينه .. تروح معاه السوق.. المطاعم.. ومو أي مطاعم..كله مطاعم فنادق كان يشتريلها هدوم وأغراض.. وتكرمون حتى جواتي كان طاير فيها واهي بعد كانت مستانسة منه واااااااااايد يعاملها على انها بنته يخاف عليها ويداريها.. وأي شي تبيه كانت تطلبه منه بروحه حتى أهلها ودراستها والكلية صارو بالهامش.. كانت تغيب وايد عشان تطلع معاه وماكانت تخاف منه.. وتأمن فيه لآخر درجة بعد 4 شهور من تعرفهم على بعض كانو يتمشون جاسم: حبيبتي بطلب منج طلب؟ نقاء: عيوني لك.. انت ما تطلب.. انت تامر جاسم: ما يامر عليج عدو.. أقوول يعني شرايج؟؟ مو ملينا من الفرارة بالشوارع؟ نقاء: عادي يعني وين تبينا نروح.. كل مكان قاعديمن نروحله جاسم: أقصد ما بين تقعدين بمكان على راحتنا؟ نقاء: مليت من السيارة؟؟ انت يوعان تبي ننزل بمطعم؟ جاسم: لأ.. مو هذا قصدي.. أقصد ليش ما تيين عندي بالبيت؟ نقاء سكتت شوي جاسم: لا تخافين عمري.. تدرين اني ما أسويلج شي.. بس نروح بيتنا ونطلب ريوق ونقعد على راحتنا نقاء: ومن قالك آنا خايفة منك.. بالعكس آنا واثقة فيك.. يلا امش خنروح بيتكم جاسم: بعد عمري والله وراحو بيت جاسم.. وطلبو ريوق وقعدو يسولفون ياكلون مستانسين.. حتى نقاء ما كشت منه.. وشافت هالشي أريحلها ومحد يشوفها هني.. وتاخذ راحتها وتمو فترة طوييييييييلة يتلاقون في بيت جاسم بعد فترة واهم قاعدين يسولفون جاسم: نقاء نقاء: هلا حبيبي جاسم: انتي تعرفين شكثر أحبج؟ نقاء: اي أعرف.. وانا بعد اموت عليك جاسم: عيل غمضي عيونج نقاء: هههههههههههه والله حبيبي كافي.. انت وايد يبتلي وسويتلي.. والله قمت أستحي منك جاسم: أفا عليج باباتي لا تقولين جذي.. مو انتي تقولين انا ابوج واخوج وامج وحبيبج.. وكل شي بدنيتج؟ نقاء: اي والله صج.. انت كل هذا جاسم (بصوت كله حنان): عيل سكتي وغمضي عيونج نقاء غمضت عيونها مبتسمة.. وجاسم قرب منها شوي شوي.. وقرب ويها من ويهها.. شفايفه من شفايفها غمض عيونه وباسها بنعومة.. شاف ان نقاء ما تجاوبت ولا وخرت شالسالفة؟ وخر منها لقاها.. **********
البارت الخامس ********** وخر جاسم من نقاء لقاها ما تتحرك ومغمضة عيونها اخترع.. حطها بحضنه.. قام يطقها على ويهها عالخفيف جاسم (دمعت عينه): نقاء.. نقااء.. حبيبتي ردي علي نقاء (صحصحت شوي): اممممممممم جاسم؟ جاسم (لمها على صدره): حبيبتي خرعتيني.. الحمدلله يا ربي الحمدلله نقاء: شفيك؟ جاسم: خفت عليج.. عبالي انج متي نقاء: هههههههههه لا ما مت.. بس مادري شصار فيني جاسم: هههههههههههههههه مدام ما متي .. عيل.. (رد يبوسها بقوة مرة ثانية) وشوي شوي جاسم قام كل يوم يتمادى اكثر.. والمشكلة ان نقاء كانت تتجاوب معاه.. بس عمرهم ما تجردو من ثيابهم لين مرة يا حق اسم رقم غريب جاسم: ألوو نقاء: ألووووووووو.. حبيبي جاسم: نقووء.. هذا من رقمه؟ نقاء: هذا رقمي.. اختي توها يابتلي موبايل.. وعلى طووووووووول دقيت عليك جاسم (مستانس): بعد عمري والله اختج نقاء: هيييييييييي.. ترى آنا أغاااار جاسم: ههههههههههه.. شتغارين يا مينونه؟؟ انا احبها لأنها شرتلج موبايل .. الحين اقدر احصلج أي وقت نقاء: هههههههههههههه ا هذا اللي مستانس عليه.. تبي تحصلني أي وقت جاسم: أفااااااا.. يعني ما تبين تكلميني على طووول نقاء: هههههههههههههه أكيد حبيبي قاعدة اتغشمر جاسمك انزين حبيبتي يلا بشوفج.. مشتاقلج نقاء: ان شاااء الله واستمرو بيوم طلعاتهم ياخذها من المعهد.. ويروحون بيت جاسم يتريقون.. ويتحاببون.. وبعدين يطلعون يروحون يتغدون بمطعم ويردها مرة ثانية المعهد ليما يه يوم جاسم (كان يبوسها): عمري.. خلينا نسوي شي يديد نقاء: آمر حبيبي جاسم قعد يفصخها ملابسها ويفصخ ملابسه شوي شوي.. وقامو يسوون كل شي بس من غير ما تفقد عذريتها وتمو على هالحال أشهر بعد لين دشت مرة غرفته ولقته مسويلها جو.. شموع ومطفي الليتات ومبخر الغرفة.. وحاط موسيقى سلوو وكان يايبلها هدية جاسم: شرايج عمري نقاء(واهي مبهورة بالوضع والغرفة): الللللله شنو هذا؟ جاسم: عاجبج؟ نقاء: وااااااااااايد.. والله حلو جاسم: انزين فتحي هديتج نقاء: ليش جذيي؟ حبيبي والله مو ناقصني شي جاسم: مايخالف فتحي الجيس وشوفي نقاء (فتحت الجيس لقت موبايل كشخة و200 دينار): وااااااااي حبيبي مشكوووووووور.. ليش مكلف على عمرك؟ جاسم (مبتسم يطالعها): تستاهلين كل خير وبعد ما تريقو.. بدا شوي شوي يبوسها ويتلمس جسمها. وبسرعة تطور الوضع هالمرة.. ونقاء حست بشي غلط.. دزته بسرعة عنها.. لقت دم نقاء (ترجف.. مخترعة): انت شسويت؟ جاسم (منصدم): مادري ماادري ما توقعت نقاء (قامت تبجي.. وتصارخ): شنو هذا؟ من وييييييييين؟؟ شصاااااار؟؟ جاسم (يحاول يهديها.. بس مو عارف شلون): حبيبتي لا تبجين.. انتي تدرين اني أحبج.. وراح آخذج نقاء (تبجي زيادة): انت تدري شسوييييييييييت؟ انت ضيعتني يا جاسم ضيعتني جاسم (يبي يلمها بس تدزه): لا تقولين جذي عمري.. والله أحبج.. وراح أتزوجج نقاء(تشاهق): أمبيييييييييييه.. حراااام عليك.. آنا حبيتك ليش تسوي فيني جذي؟ آنا وثقت فيك جاسم: انتي الحين ليش تبجييين؟ والله باخذج.. ماطلع ريال ان ما خذيتج (قام يمسح على راسها) حبيبتي لا تبجين.. أحبج لا تخافين نقاء (هدت شوي): جاسم آنا خايفة جاسم (لم راسها على صدره): لا تخافين حبيبتي انتي من الحين زوجتي.. وماراح اتركج.. قرييب نتزوج ان شاء الله نقاء (رفعت راسها وعيونها متروسة دموع.. وترجف): جاسم أحبك.. لا تتخلى عني جاسم (باسها): أتخلى عن روحي.. ولا اتخلى عنج وقام يقول لها كلام حلو.. ويمسح على جسمها بيده .. ليما داخت نقاء.. وردو يكملون.. وهني كمل بقوة.. ونزل دم واايد جاسم (بعد ما خلص.. حده مستانس): حبيبتي .. أموووت عليج.. الحين صرتي ملكي نقاء (منسدحة على صدره): بس حبيبي لا تنسى وعدك لي جاسم: لا تخافييييييين.. شفيج انتي؟ خلينا الحين مستانسين نقاء: ههه على شنو مستانس؟ شنو آنا زوجتك؟ جاسم: بالنسبة لي اي انتي زوجتي.. بس ناطر تكونين زوجتي جدام النااس نقاء ارتاحت من كلامه حيييل.. وصدقته.. جاسم وصلها السيارة.. وراحت البيت وقفت تحت الدش تفكر.." شنو صار اليوم؟ والله اني قمت اخااف.. الله يستر.. يارب يتزوجني ياااااااااارب" بس كل ماراحت عنده نست كل مبادئها ومناجاتها لربها.. وتدش الفراش معاه ابليس الله يلعنه مزين لهم.. لأن بالحرام.. صاير حلو.. وكل يوووم تقريبا بهالفترة كان جاسم يحاول يخطب نقاء.. بس أمه مهي راضية جاسم: يما يعني ليه متى؟ آنا أحب البنت.. وأخاف تروح مني أم جاسم: قتلك لأ.. يعني لأ.. هالبنت ما تاخذها جاسم: لييييييييش؟ أم جاسم: ليش تسأل وانت تعرف؟ انت تدري ان مذاهبنا مختلفة.. ولا يمكن تتزوجها جاسم: بس آنا راضي واهي راضية.. تكفين يما.. لا تفرقين بيننا أم جاسم: قتلك لا.. لا تعور راسي.. وبعدين ما تستحي.. تييبها البيت؟ جاسم: اووووووو يما آنا وييييين؟؟ وانتي وييييييين؟؟ أقولج أبي البنت.. بتزوجها.. اخاف تروح مني أم جاسم: ختروح.. ربي يسهل دربها ويستر عليها.. بس انت ما راح تتزوجها جاسم: أووووووووووف.. وقام طلع من البيت معصب هني صارت العلاقة كريهة.. الغيرة بين جاسم ونقاء زادت.. يمر عند بيتها يتأكد ان سيارتها موجودة وقام يدق عليها كل ربع ساعة يجيك اذا طالعة أو لأ جاسم: ألووو نقاء: هلا عمري جاسم: انتي وينج؟ نقاء: بسم الله .. الناس أول يسلموون جاسم: خلصيني انتي وييين؟ نقاء: آنا بالبيت.. مو انت قبل ربع ساعة داق وقتلك بالبيت جاسم: اي.. ديري بالج مو تطلعييييين وما تقولين لي.. وبعدين ليش تطلعين؟ قعدي بالبيت نقاء: الحين آنا قتلك بطلع؟ آنا قاعدة مو رايحة مكان جاسم: اي تمام.. عيل أخليج الحين نقاء: وين وين؟؟ اقعد كلمني جاسم: لا وصلت الديوانية.. بس داق أتطمن عليج نقاء: تطمن علي.. والا تطمن اني بالبيت؟ جاسم: أووووووه انتي ليش تراددين؟ خلاص يلا انا بنزل الديوانية.. أكلمج بعدين.. باي نقاء: باي.. وسدته " ياربي ليه متى؟ شفيه صاير جذي؟ صاير لا يطاااااااااق.. متعبني.. أوووووووووف.. خل أقوم أدرس أحسنلي.. شوي ألهي عمري من التفكير" وتذكرت نقاء.. ان كتابها بالسيارة.. نزلت من غرفتها تييبه.. راحت يابته من اليارة واهي راده.. والا جاسم يدخل الفريج نقاء اخترعت " ولييييييييييييه هذا شيايبه؟ مو قال راح الديوانية.. الحين بيسويلي سالفة" صعدت غرفتها بسرعة.. والا جاسم قاعد يدق نقاء (بصوت خايف): أ..ل..وو جاسم (يصارخ): يالكلبة.. يا حمااارة.. ويييييييين كنتي؟ نقاء: والله مارحت مكان جاسم (يقاطعها): لالالا تجذبين آنا شايفج راجعة من السيارة.. وييييييين كنتي وربي الحين أدش عليج البيت.. أنتفج نقاء (تبجي): والله العظيم كنت ناسية كتابي بالسيارة.. رحت أييبه جاسم (سمعها تبجي طخ): انزين ليش ما قلتيلي بتطلعين من البيت؟ نقاء: مادري ما حطيت في بالي.. يوم سكرته منك.. قلت أدرس.. والا الكتاب بالسيارة.. نزلت بسرعة بدون تفكير جاسم: انزين سكتي لا تبجين.. ومرة ثانية لا تعيدينها نقاء: ان شاء الله.. آنا آسفة جاسم: خلاص ما صار شي.. روحي غسلي ويهج وقعدي درسي.. أكلمج بعدين باي نقاء: أوكي.. باي.. " يا ربي وين لي خلق أدرس.. بعد اللي سواه فيني؟" *********************
البارت السادس ********* وتمت نقاء.. على هالحال مع جاسم.. غيرة.. وحب .. وبجي.. وفراش بس هم ملت من معاملته.. ومن حكرته.. فقامت تطلع من وراه.. بس بسيارة مي وتخلي سيارتها عند المعهد ومرة من المرات.. كانت بتروح سوق شرق مع مي.. ومتأكدة انها اذا قالتله مستحييل يرضى فراحت من وراه كالعادة..لكنها وهي بالمجمع دق عليها نقاء: امبيييييييه.. جاسم دق شسوي؟ مي: اوووووو.. عادي ردي عليه نقاء: مينونة انتي؟ تبينه يذبحني؟ طالعة ومو قايلتله مي: انتي ليه متى تخافين منه جذي؟ انتي ما تخافين من اهلج.. ليش خايفة منه؟ اهو منو؟ ريلج ابوج؟ نقاء: انتي سكتي بروحي خايفة تعالي الحمام اكلمه وراحو الحمام.. وجاسم للحين يدق نقاء: ألوو جاسم: انتي وينج شكثر ادق عليج؟ نقاء: حبيبي انا بالمحاضرة.. اكلمك بعد شوي جاسم: اوكي .. عيل يلا باي نقاء: باي (تنهدت) وااي الحمدلله صدقني مي: هههههههههه والله تضحكين نقاء: ههههههههه مع ويهج.. تضحكين علي.. امشي خنشتري كريم من مركز سلطان ونرد الكلية مي: اوكي يلا نقاء.. خلت جاسم.. وما دقت عليه " يلا ادق عليه لما أركب السيارة" ولما رجعو الكلية.. كان وقت الكل طالع فيه من المعهد قطتها مي على سيارتها.. ركت تبي تدق.. والا تحس بسيارة سافطة يمها.. لفت ويهها والا جاسم بسيارة مو سيارته يالها والشرر يتطاير من عيونه.. جاسم: وين كنتي؟ نقاء (خايفة ترجف): حبيبي شفيك؟ كنت بالمعهد.. بس صافطة بعيد.. ومالي خلق أمشي قطتني مي على سيارتي جاسم: لالا صج؟ وهذا شنو بيدج؟ نقاء: هذا كريم.. آنا موصية مي عليه.. فيابتلي اياه جاسم (مد ايده): صج والله؟ عطيني الجيس نقاء: ليش؟ جاسم: أقولج عطيييييييني الجيييييييس نقاء.. مدت ايدها بالجيس خايفة جاسم (فتح الجيس.. طلع الفاتورة وقرا التاريخ والوقت.. قط الجيس بويهها وسحبها من السيارة): بعد؟؟ قمتي تجذبيييييين؟ (طرااااااااخ .. كف عالويه) يالحمارة.. يالجلبة.. يالحيوانة وتعرفين تجذبين وقام يطقها طق.. طراقات وبوكسات على الويه والجسم كله.. وطاحت على الأرض.. أخذ التراب حطه بحلجها يو رياييل .. يفاككونه: وخر يالطيب.. هدي شوي.. بس لا تموت بيدك بنت الناس جاسم (يصااااااارخ): وخرووووو .. مرتي محد له شغل.. وخروووو ورد يطقها.. وسحبها ليه سيارته جاسم(يصارخ): يالحيوانة.. آنا كنت يايبلج هدية.. شاريلج هالسيارة.. حق عشان تكشخين فيهاااا.. ياي أراويج اياها.. تفوووووو عليج مشى في الشوارع وهو ينافخ.. ما يدري وين يروح.. والا شيسوي.. ونقاء بس تبجي.. شافها تبي كسرت خاطره جاسم (بصوت هادي بس متضايق): خلاص لا تبجين (وصل عند فندق) نزلي دشي الحمام غسلي ويهج وتعالي نقاء رفعت راسها تطالعه خايف جاسم: يلا نزلي بسرعة وتعالي.. آنا ناطرج بالمطعم نقاء دشت الحمام (عزكم الله) غسلت ويهها وعدلت شكلها شوي.. وراحت المطعم.. جاسم طلب أكل وقعدو ياكلون من غير محد فيهم يتكلم لما خلصو ركبو السيارة.. وبالطريج جاسم دق على أمه: ألوو.. يما وينج؟ أم جاسم: هلا حبيبي آنا بالبيت.. شبغيت؟ جاسم: يما آنا يايج الحين لا تروحين مكان أبيج بموضوع أم جاسم: ان شاء الله حياك.. بس دير بالك على نفسك.. مع السلامة جاسم (بعد ما سكره من أمه): سمعي.. اليوم بتكونين لي نقاء ما تكلمت ولا كلمة.. خايفة جاسم: شفيج ساكتة؟ آنا الحين بكلم أمي نقاء: ما فيني شي.. انت مينون؟ شتبي تقولها؟ جاسم: بتعرفين بعد شوي ********** وصلو بيت جاسم.. ودخلو على أمه جاسم: السلام أم جاسم (تطالع نقاء من فوق ليه تحت): سلام جاسم: يما هاذي نقاء أم جاسم: اي أعرفها.. بعد انت مرزز صورها بكل مكان بغرفتك.. شلون ما عرفها نقاء كانت حدها مفتشلة.. ومنزله راسها.. بس راحت باست راس أم جاسم وقعدت جاسم: يما بدخل بالموضوع سيده.. يما آنا أحب وأبيها.. وأخاف تروح لغيري أم جاسم: بس اهي مذهبها غير عنا جاسم: اي تدري.. واهي راضية نقاء: خالتي آنا مستعدة أغير مذهبي.. ومقتنعة أم جاسم: متأكدة؟ نقاء: اي متأكدة أم جاسم: ووين بتسكنون؟ جاسم: أكيد بناخذ لنا شقة؟ وآنا أشتغل ونعيش على ما تتخرج نقاء وتساعدني أم جاسم: يصير خير جاسم: يعني شنو؟ متى بتخطبينها؟ أم جاسم: آنا ما قلت بخطبها.. آنا قلت يصير خير جاسم (عصب.. وباعها): لو سمحتي.. آنا باخذ نقاء فوق.. اهي تعبانه وتبي ترتاح أم جاسم (عصبت): آنا شفت قلة أدب بس مثل جذي ما شفت.. شنو هذا؟ انتي ما تستحين؟ على أي أساس تصعدين غرفة ريال.. ما يعرفج ولا تعرفينه جاسم: يما رجاءا لا تغلطين أم جاسم: انت جب ولا كلمة.. يعني قلت تييبها من وراي.. عبالك آنا مدمغة وسكت.. أما انك تقولها بويهي.. انتو شنو.. لا احترام ولا حيا.. ولا خوف من الله؟؟ جاسم: انتي شفييييييييييج؟ أم جاسم: آنا اللي شفيني؟؟ قوووم اطلع بره انت مع هال**الة اللي يايبها يلالالا.. مابي أشوفها في بيتي مرة ثانية.. لا أخلي عاليها واطيها.. لا تربية ولا أدب.. اطلع بررررررررره جاسم مسك ايد نقاء وطلع من البيت معصب ومن يومها وأم جاسم.. حييل متضايقة من جاسم.. وكارهة نقاء ****************************** علقتهم خمس سنين.. نقاء تخرجت واشتغلت..بوزارة من الوزارات.. وكانت حياتها مع جاسم مد وجزر.. والجزر أكثر بواااايد بس مع هذا جاسم ما فقد الأمل: يما الله يخليج.. آنا احبها.. وما راح أتزوج غيرها أم جاسم: والله عاد كيفك.. عساك ما تزوجت.. بس الا هاذي ماراح تاخذها جاسم: انزين لييش؟ أم جاسم: ما حبها.. شنو اييبلي جنة والا علة على قلبي؟ جاسم: يما صدقيني اذا عرفتيها عدل بتحبينها.. مثلي ويمكن أكثر.. (راح باس راسها) يما الله يخليج.. لاتعذبيني وتأذيني اكثر من جذي.. يما آنا ولدج.. ريحيني الله يريحج أم جاسم (انكسر خاطرها على ولدها): انزين خلاص.. بخطبها لك.. بس بشرط جاسم (حده استانس.. باس راسها): انتي تامرين يالغالية أم جاسم: مابيها تسكن معاي.. ولا اشوفها عقب الزواج.. ماحبها.. ومابي اجابلها جاسم: ههههههههههههه ان شاااااء الله.. بس انا متاكد بعد الزواج بتموتييييين عليها.. هدها وركض غرفته يبشر حبيبته ام جاسم (تصارخ من تحت): دير باالك لا تطيييح جاسم (دش غرفته.. ودق على نقاء): الووووووووووو.. أم حموووووود نقاء: هههههههههه أم حمووود؟ خل أمك توافق بالأول جاسم: أمي وااافقت يالخبلة.. اليوووووم بي أخطبج نقاء (مو مصدقة): صج؟؟ جاسم: اي والله صج.. أقولج اليوم بييلج نقاء: واااي مو مصدقة أخيرا جاسم: هههههههههه حبيبتي والله يلا عطيني رقم اختج.. عشان تكلمها امي الحين نقاء: حااااضر.. هاك.... جاسم عطا رقم مشاعل حق أمه.. وأم جاسم كلمتها بالبداية رحبت مشاعل بالموضوع وفي أم جاسم.. بس لما درت انه مذهبهم اعتذرت لها بكل لباقة مشاعل دقت على أبوها وخالد وجنان.. اجتمع الكل في بيت بو خالد.. وقالتلهم مشاعل الموضوع بو خالد نادى نقاء.. ولما نزلت قالها جمله وحدة بو خالد: سمعيني زين.. مستحيل تاخذين.... **********************
