البارت الثالث عشر (شتات) كان الكل قاعد بالصالة.. خالد وبدور ونقاء ومشاعل الكل كان يحاتي.. لين فجأة قطع صمتهم صوت مسج خالد (فتح المسج.. وقبل لا يقراه ابتسم): الحمدلله هذا من عبدالله.. خنشوف شكاتب وبدا يقرا المسج بصوت عالي " آنا مابي أختك.. باجر بروح المحكمة.. أطلقها.. بس قولها اني بذلها ومو اهي اللي ترفضني.. وربو بنتكم.. الله يستر عليها" لما قرا خالد المسج.. تغير ويهه: الكلب ابن الكلب.. آنا أراويه نقاء (لما سمعت المسج.. وقفت من الصدمة.. مشت خطوات وعيونها تصب دموع حراقة.. لين فجأة طاحت عاللأرض تبجي بصرااخ): سواهااااا فينييييييييييي.. سوااااااهاااااا فينييييييي مشاعل (ركضت حق نقاء.. شالتها وحطتها بحظنها تمسح عليها): خلاص خلاص حبيبتي نقاء (قامت تبجي بهستيريا): آنا ليش حظي جذي؟ لييييييييش؟ مشاعل: استغفري ربج لا تقولين هالكلام؟ شفي حظج؟ كاج جنج البخت وبدال هالجلب في مليووون ريال نقاء: لالالا خلالالالالاص لحد اييبلي طاريهم بس كافي كاااااااااااافي ******************* وفعلا بعد جم يوم وصلتها ورقة طلاقها تمت نقاء فترة مكتئبة وكله تفكر " ليش سوا جذي؟ ليش بغى يذلني؟ هم أهو خايني.. هم يذلني؟" " منو الخسران فينا؟ آنا والا اهو؟" " وااااي يالقهر.. مقهورة حدي.. رااااااح أموووووووت" " يلا بعد هذا اللي الله كاتبه.. ليه متى بقعد أقهر بنفسي؟" آه منك منقهر.. ولا بقى عندي صبر آآآه منك منقهر لا تبررلي خطاك.. ما أبي أسمع عذر.. ما أبي أسمع عذر روح وانساني خلاص.. خلاص خلاص وقول فرقنا القدر كم شلتك في العيون.. بين رمشي والجفون ماهقيت انك تخون.. تالي تجزيني غدر روووح وانساني خلالالالالالالاص كيف يهنالك منام.. وانته ظالم في الغرام؟ بعت حبي يا حرام.. من بعد عشرة عمر رووح وانساني خلالالالالالالالالاص ياما دللتك دلال.. واعتبرت انك مثال كنت الهام وخيال.. في مواعيد الشعر رووووح وانساني خلالالالالالالاص يا عسى عمرك مديد.. وتحيا أيامك سعيد لو أنا عنك بعيد.. ومن فراقك منقهر روووووووح وانساني خلالالالالالالاص YouTube - ط§ظ‡ ظ…ظ†ظƒ ظ…ظ†ظ‚ظ‡ط± ظ„ظ„ظپظ†ط§ظ† ط±ط§ط´ط¯ ط§ظ„ظ…ط§ط¬ط¯‎ نقاء تمت فترة في بيت أخوها.. لكنها ملت وحست انها مضايقة أخوها ومرت أخوها مع انهم حرام ما بينو ولا تكلمو.. بس تدرون بعد ما كانت لها مملكتها الخاصة لازم تحس بهالشعور وحس فيها خالد.. وياها على يوم واهي بغرفتها.. طق الباب ودخلته خالد: نقاء أبوي وماجدة يايين يتفاهمون معاج نقاء(وكانت زعلانة على ابوها حيل لأن على قولتها اهو السبب بان عبدالله يذلها): على شنو؟ خالد: مادري.. بس اهم تحت .. نزلي معاي نقاء: اووووووو خالد مالي خلقهم خالد: عفيه نقاء.. فشلة أبوي والا هذيج خل تولي نقاء: أوكي بس والله عشانك.. مو عشان أحد ثاني خالد: الله يعز شانج ونزلت نقاء مع خالد تحت بالصالة سلمت على أبوها وباست راسه.. وسلمت على ماجدة ببر ود بوخالد: ها يبا نقاء شلونج؟ نقاء (ببرود): زينة بو خالد: يبا انتي زعلانة مني؟ نقاء: ليش أزعل؟ بوخالد: يعني على سالفة عبدالله؟ نقاء: لا خلاص اللي صار صار.. وكل واحد ياخذ نصيبه بالدنيا بو خالد: ماودج ترجعين البيت عند أبوج؟ نقاء (حيييل ودها.. بس..): ودي.. بس مرتك ترضى؟ ماجدة (طبعا لازم تنط): طبعا أرضى ليش ما أرضى؟ انتي بنت الغالي نقاء (طالعته مستغربة): سبحان الله بوخالد: يبا هذاك البيت بيتج.. انتي الداشة واحنا الطالعين نقاء: بس أدش بيت صاحبته ما تبيني؟(وجهت كلامها حق ماجدة) انتي حتى تحقريني وما تكلميني من غير سبب ماجدة (تتمسكن): آنا حرااااااام عليج نقاء: امبلا انتي.. تزعلين وتتضايقين مني وانا حتى مادري ليش؟ ماجدة: لالالالالالا عاد انا شكثر احبج.. حتى سألي أبوج.. بوخالد مو انا شكثر قتلك خل نروح نييب نقاء من بيت خالد؟ بو خالد: اي صحيح صحيح نقاء (تطالعهم مو مصدقة طبعا): على العموم آنا الحين موظفة ومابي منكم شي.. بس برجع البيت أرتاح أكثر.. وماراح تشوفوني وايد عشان أضايقكم ماجدة: لا تقولين هالكلام حبيبتي بالعكس انتي تونسينا نقاء: المهم بس ودي أرجع.. لأن مو حلوة قعدتي في بيت أخوي أكثر .. هم اهو عنده مسؤوليات ومو متكفل فيني خالد: لا تقولين هالكلام يا نقاء أفا عليج نقاء: انت ماقصرت مشكورة يعطيك العافية.. بس أبوي ملزوم فيني بوخالد: على خير .. عيل تروحين تلمين أغراضج عشان ترجعين معانا؟ نقاء: ان شاء الله ***************** ورجعت نقاء مع أبوها وماجدة البيت وكانت ما تشوفهم ولا يشوفونها الا كل جم يوم ساعة أو بالكثير ساعة ونص كانت تروح الدوام ترجع.. تنام.. تقوم تطلب اكل من أي مطعم وتاكل وشوي شوي تأقلمت على هالوضع وكانت مرتاحة لأن ماكان في مشاكل كلش بعدها بفترة.. حاولت نقاء شوي شوي تطلع من العزلة اللي فيها لكن ما كان لها خلق تطلع من البيت فدخلت عالم الانترنت الواسع قامت تدش أي موقع تطيح عينها عليها.. لين تعرفت على موقع البال توك.. (موقع دردشة.. بالكتابة والصوت) هالموقع كان في رومات (يعني غرف محادثة) وكانت تدش بنك SAD_LADY وكانت تفتر بين هالرومات لين شدتها رووم.. كان صاحبها خفيف دم.. ويضحك.. يعني استانست عليه.. ويهتم بالبنات بشكل خاص كان يجامل البنات بشكل مبالغ فيه فتمت بهالرووم.. بس كانت مستمعة وتعليقاتها خفيفة لكنها كانت موجودة دايما.. وتقرا الكلام لين صارت هالغرفة ادمان.. تجابلها باليوم 10 ساعة تقريبا .. وأيام العطل تواصل الليل مع النهار وكان صاحب الروم يحن عليها.. يدش عليها خاص.. يقولها تكلمي بسمع صوتج بس كانت دايم ترفض بذرابة بس اذا لزم عليها وعطاها المايك.. ما تتكلم بس تحط أغاني حزينة كان نكه LOVE_LIFE وبيوم كانت حاطة نقاء اغنية حزينة عن الفراق والخيانة بعد ما خلصت الأغنية..LOVE_LIFE: تسلم ايدج يا SAD_LADY بس ليش هالحزن ماعلقت نقاء بس حطت ابتسامة LOVE_LIFE: عيل هاذي اهداء مني للكل.. فرفشي شوي YouTube - Comp TV - ظ…ط´ط§ط±ظٹ ط§ظ„ط¹ط«ظ…ط§ظ† ظ„ط§ ط§ظ„ظˆ ظˆظ„ط§ ط¨ط§ط¨ط§ ظپظٹظ† ( Video #2 ) سمعوها
البارت الرابع عشر ********** وشوي شوي توطدت علاقتها بصلاح .. وكان هذ اسم love_life لين بيوم طلب منها ايميلها ومن غير تردد عطته اياه وبدو يكلمون بعض بالمسنجر صلاح: نقاء صارلنا الحين 3 شهور نسولف بالمسن.. وأربعة نسولف بالبال توك.. ولا قلتي تبين تشوفيني وخليتيني أشوفج.. ولا كلمتيني بالتليفون ليش؟ نقاء: جذي أحسن.. مالي خلق تعارف وعوار راس صلاح: يعني انتي رافضة المبدأ من الأساس؟ نقاء: اي صلاح:ليش؟ مع انج قلتيلي قصة حياتج.. وانج كنتي تحبين واحد من قبل نقاء: اي صحيح.. عشان جذي مابي .. شفت شلون تعبت.. تبيني أتعب مرة ثانية صلاح: انزين واللي يقولج يبي يدخلج دنيا لا فيها تعب ولا عماة عين نقاء: على ايدك يا معوود وييييييييين؟ صلاح: بصراحة نقاء.. آنا عندي شقة.. وأسوي فيه حفلات.. شرايج تيين تفرفشين وتطلعين من الجو اللي انتي فيه؟ ولا تخافين هناك شبعانين يعني محد بأذيج والا يجيسج الا برضاج.. ها شقلتي؟ نقاء (ومن غييييييير تفكير): أوكي ما عندي مانع.. بس وين ومتى؟ صلاح (ههههههه شنو هاذي؟؟ ايزييييي): خلاص تمام (ووصفلها المكان واليوم والساعة) بعد ما سكرته" اي والله ليش ما اروح؟ اهو في أحد سائل عني أو يدري عني؟ خل أروح أشوف الدنيا اللي يقولون عنها" ********************** وراحت نقاء على الموعد لين الشقة بريولها وبرضاها دخلت لقت الشقة حلوة وااايد والوضع عادي جدا شافت بنات يدخلون بشي للغرف ويطلعون مبدلين ليه شي ثاااااااني كانو البنات والشباب أشكال وأرناق وابتدت الموسيقى والأغاني وكان الكل يرقص الا نقاء.. قعدت شوي وطلعت بالسيارة "آنا شسويت؟ آنا شكو أروح هالأماكن؟ ماني رايحة مرة ثانية طاف" *********************** مر تقريبا شهرين كان فيهم صلاح وايد يدق عليها.. ويدزز لها مسجات.. طبعا اهو أخذ رقمها عشان يدليها الشقة على قولته بس اهي كلش ما كانت ترد على مكالماته أو مسجاته لين مرة كانت نقاء بالبيت متمللة دق تليفونها والا رقم غريب.. شالته: ألوو --- (موسيقى ولووية): ألوووو.. قوة نقاء: يقويج يا هلا.. نعم ---: نقاء؟ نقاء: منو انتي؟ ---: آنا ريم.. شفتج ليما ييتي شقة صلاح ذاك اليوم نقاء: خير.. مطرشج صلاح؟ ريم: لاحشى. بس آنا دايم أسأل عنج.. ييتي مرة وماشفناج بعدها نقاء: بس ييت أشوف الوضع..وما عجبني.. لقيت الدرب مو دربي.. وانا مو من هالنوع ريم: شدعوة يبا؟ ترى كلنا مو من هالنوع.. واحنا بس يايين نفرفش.. انزين طلبتج نقاء: خير؟ ريم: اليوم عيد ميلادي وأبيج تيين.. تكفين لا تكسرين قلبي.. تعالي عشاني نقاء (اي والله آنا متمللة.. ومتضايقة حدي ليش ما أروح أفرفش؟): أوكي خلاص .. ألبس وأيي ريم: خوووووووش.. عيل ناطرتج ماراح أطفي الشموع من غيرج نقاء: أوكي باي قامت نقاء لبست شي كشخة... نفنوف قصير سلفر وكانت قاصة شعرها توها..مع انه متحجبة.. بس طبعا اللي تروح هالأماكن لازم من غير حجاب.. وحطت مكياج صارخ بعيونها والحمرة فوشية كانت زووغة.. خصوص نها ضعفانه 10 كيلوات عن المرة للي طافت قبل شهرين وراحت.. وبالطريج دقت على بو خالد: ألوو قوة يبا بوخالد: يقويج نقاء: يبا ترى آنا بنام بره البيت بو خالد (من غير ما يسأل وين ومع منو): أوكي .. يلا باي.. وسكره نقاء " هه حتى ما سأل.. أصلا مادري ليش دقيت آنا وجودي مثل عدمه" وكملت طريجها للشقة أول مادشت.. لقت بويهها صلاح: خير يبا؟ منو انتي (لأن محد يدش شقته اهو ما يعرفه) نقاء: هههههههههههههههه صلاح شفيك آنا نقاء.. ما عرفتني صلاح (طلعت عيونه بره وده ياكلها): نقاااااااااء.. الله الله شهالزييييييين شهالحلالالالالالاة؟؟ واااي قطعة.. الا كييييييييييكة كاااملة نقاء: ههههههههههههههه مشكور صلاح: أي مشكوووووور أي بطييخ.. حياج يبا حياج.. الشقة شقتج وراح قعدها على الغنفة الرئيسية.. وكل شوي تييها بنت تسولف معاها ريم: هااااااااااااي نقاء.. آنا ريم نقاء: أهلين ريم.. كل عام وانتي بخير.. سامحيني دعوتج كانت مفاجئة وما يبتلج هدية ريم: وانتي بخير وصحة وسلامة.. شدعوة أفا عليج.. مابي منج شي.. صلوووحي ما يقصر صلاح (مبتسم): نقاء تبين أييبلج شي تشربينه؟ نقاء: اي ماعليك أمر.. أبي ماي صلاح: هاهاهاهاهاهاهاهاهاهاها ما عندنا ماي نقاء: عيل شنو عندكم؟ صلاح: انتي أول شي متعشية عدل؟ نقاء: اي ماكله صمونه صلاح: لحظة شوي.. (قام يابلها خبز صاج.. فيه مرتديلا وجبن) هاج اكلي نقاء: مابي صلاح: اكليه.. عشان اييبلج الماي نقاء كلتها.. عقبها يابلها قلاص فيه عصير صلاح: تفضلي نقاء: لايكون خمر.. ترى آنا ماشرب صلاح: ههههههه أي خمر؟ شربي بس نقاء: لا مابي أخاف يغمى علي صلاح:ههههههههههههه لا ماراح يغمى عليج.. شربي وبتستانسين وشربته.. وقلاص ورا قلاص.. حست انها دشت بعالم ثاني قامت تشوف الناس يضحكون.. ويرقصون.. وقامت تضحك وياهم نست اهلها.. نست جاسم.. نست عبدالله.. نست انها مطلقة بس صارت تضحك.. وترقص معاهم وبهالوقت يتها ريم بيدها زقارة: هاج اخذي.. ما يحلى الجو الا بزقارة نقاء: لا مابي.. ماحب ريحتها ريم: جربيها والله حلوة ومسكتها نقاء.. ودخنتها.. طبعا أول شي قامت تكحكح وظلت على هالحال.. لين شافت النور شق ليما شافت الشمس.. طلعت تليفونها.." يمكن أحد داق علي؟" " طبعا كالعادة.. لا أبوي .. ولا خالد.. ولا خواتي" " منو يبيني آنا" ومن يومها.. ونقاء كل يوم تروح هناك.. تقعد من العصر.. لين الساعة 12 بالليل ترجع البيت وكل ويك اند تنام هناك ولا مرة أبوها قالها.. وينج؟ ولا تروحين وين ومن معاه؟ كانت شايل ايده منها تماما وكانت تامة على هالوضع سنة بس في شغلة.. ولا مرة أحد دخلها الفراش معاه يعني مثل ما قتلكم.. هناك شبعانين.. ومحد يغصب بنت تنام معاه لكن أكثر الشباب ودهم فيها بس اهي كانت ترفض.. ومحد يقدر يقرب منها.. لأن صلاح كان محذر الكل يبيها اهي تيي من كيفه وتطلب هالشي تدرون البنات اللي يروحون هالأماكن مردهم يسوون جذي وبعد سنة... ***************
البارت الخامس عشر بعد سنة حست نقاء ان الوضع مو مريح نقاء: صلاح آنا بقطع صلاح: ليش؟ شصاير؟ نقاء: موصاير شي بس مليت صلاح: في أحد يمل من هالوناسة؟ قوليلي الصج منو مضايقج؟ أحد من الشباب والا البنات؟ نقاء: صدقني محد.. بس مليت صلاح: على راحتج.. والمكان مكانج ما بغيتي ترجعين حياج نقاء: اوكي .. باي وطلعت نقاء من الشقة.. وكل الشلة اللي سمعت انها بتقطع حاولت ترجعها كل يوم واحد أو وحدة داقه عليها تبي تردها بس نقاء كانت مصرة ما ترجع.. وبالأخير غيرت أرقام تليفوناتها عشان تفتك منهم ******************** بعد فترة مو قصيرة.. دقت عليها ريم (الوحيدة اللي تعرف رقم نقاء اليديد بس هم ماكانت تدق الا ويييييييييييين وويييييييييييييين) نقاء: يا هلالالالالالا ومرحباااااا ريم: هلا فيج يالقاطعة وينج؟ نقاء: والله ماكو .. بين الدوام والبيت ريم: عياارة.. قولي شايفتلج شلة يديدة نقاء: ههههههههههههههه لا حشى.. قتلج بين البيت والدوام.. حده ملل ريم: اي بعد شلونج شخبارج؟ نقاء: يا معودة أي أخباار؟ أقولج كله في البيت.. قوليلي انتي شلونج.. شخبارج؟ شخبار الشلة؟ ريم: آنا تمااااااام وعااال العااال.. والشلة مادري عنهم قطعتهم من زمااان الحين عندي شلة بروحي نقاء: صج؟ يعني عندج شقة؟ ريم: لالالالا وييييييين؟؟ الحين نتيمع بقهوة.. حياج نقاء: قهوة؟؟ شيتسوون هناك؟ ريم: نشرب شيشه ونسولف.. ونقزرها .. وكلنا حريم.. تعالي جربي.. والله الجو فظييييييييع راح يعجبج نقاء: خلاص عيل أمركم.. أي قهوة ريم: تمام عيل.. قهوة.... وراحتلهم.. واستانست حيييييل.. شيشة وضحك وسوالف بنات.. كيفت على الوضع وقامت تروح لهم كل يوم من الظهر بعد الدوام.. لين الليل وعقبه ترجع البيت تحط راسها وتنام ***************************** وبيوم.. وهي قاعدة بالقهوة ياها اتصال نقاء (شافت الرقم استغربت حيل): ألووو بو خالد: ها نقاء.. وينج؟ نقاء: طالعة يبا.. يبا خير في شي؟ بو خالد: تعالي البيت الحين.. بكلمج مع خواتج وأخوج نقاء (شصاير؟): أوكي الحين يايه راحت البيت لقت الكل متيمع نقاء: السلام الكل: والسلام مشاعل: هلا نقاء شلونج؟ نقاء (ببرود): تمام انتي شلونج؟ مشاعل:آنا بخير.. اشتقنالج.. ما تمرين.. ولا تبينين نقاء (باستهزاء): مو لما تسألون بالأول؟ بو خالد: الحين مو وقت معاتب.. سمعوني خالد: خير يبا آمر؟ بو خالد: آنا طلقت ماجدة اليوم نقاء (بسرعة): فككككة مشاعل (خزتها): ليش يبا عسى ما شر؟ بو خالد: ماكو بس ماصار نصيب نكمل مشاعل: بس يبا وبنتها؟ الي اهي اختنا نقاء (يالحنووووووونة) بوخالد: بنتها عندها.. واذا بغيتو تشوفونها ماراح تمنعكم خالد: اللي فيه راحتك.. سوه بوخالد: انزين بس بغيت أبلغكم نقاء (والله عبالي عندك سالفة.. يايبني عشان تقول طلقتها؟ بالطقاق روحة بلا ردة) والكل تطشر مرة ثانية.. مشاعل وجنان وخالد كل واحد راح بيته.. وبوخالد صعد غرفته ونقاء رجعت مرة ثانية حق شلتها بو خالد بعد ما طلق ماجدة كان دايم يسافر.. ونقاء كله بروحها.. يعني لمدة شهور عاادي ****************************** وصار في شي يديد.. كل ويك اند شلة نقاء يسهرون بمكان.. حفلة وخرابيط وسوالف مرة بشاليه .. ومرة بشقة.. ومرة بمزرعة..ومرة بمخيم.. ومرة بفيلا ونقاء كانت معاهم.. أي مكان يروحون تروح وياهم وهناك عرفت أشياء وايد.. شافت بنات.. ومتزوجات.. أمهات و (واللي صدمني آنا ) يدااااات (الله يستر علينا وعلى كل بنات المسلمين.. شي يخرع) شافت بنات مثل الورد اعمارهم تحت العشرين.. يشربون ويخربطون.. ويسوون كل شي المهم كانت كل ما تروح سهرة.. طبعا لازم يكون فيه واحد أو أثنين يبون يتعرفون عليها.. بس اهي ولا مرة تعرفت على احد فيهم كانت حدودها.. الشرب.. والتدخين والرقص والفرفشة وبس (أدري بتقولون شنو ناقص.. وكلامكم عدل قلته قبلكم) ******************** لين يوم عيد ميلادها.. وبهاليوم ماكان لنقاء خلق تروح أي مكان.. أو تحتفل مع أي أحد.. قالت انها بتقعد بالبيت رن تليفونها.. شافت الرقم اخترعت " وااااااااااااي هذا رقم منو90*****.. كله متشابه؟" نقاء: أ...ل..ووو ---(الصوت اينن.. وقمة الذرابة): ألوووو.. السلام عليكم نقاء: وعليكم السلام ---: نقاء شلونج؟ نقاء (شعرفه باسمي؟): الحمدلله بخير.. منو معاي؟ ---: معاج عادل ال... (ممثل مشهووور جدا بس طبعا غيرنا بالاسم) نقاء (اخترعت): اي هلا والله.. خير آمر عادل: كل عام وانتي بخير نقاء: وانت بهير وصحة وسلامة.. بس شدراك ان اليوم عيد ميلادي؟ عادل: دريت وخلاص.. ومو بس جذي.. آنا مسويلج حفلة بعد نقاء: لا مشكور مابي حفلات عادل: لا تبين.. وتدرين منو يبتلج يغني لج.. ( قال اسم أكثر مطرب نقاء تحبه) نقاء (طاارت): صج؟ عادل: اي صج.. يلا قولي انج منتي يايه؟ نقاء: لالالا أكييد بيي.. يلا الحين أقوم أبدل عادل: لالالالا الحين بييج السايق ياخذج نقاء: وين ؟ خل أبدل؟ عادل: انتي لبسي الحين أي شي.. واهو الحين يمرج نقاء: أوكي .. يلا آخذلي شاور بااااااااااااااااااااااي 10 دقايق.. ويرن تليفونها.. والا هندي: مدام آيم آوت سايد نقاء: أوكي ويت وزرعته طبعا على ماخلصت تنشفت ولبست أي شي.. خذت وياها بدلة ركبت السيارة.. والا ليموزين مرسيدس.. ووداها الصالون.. والسايق عطاها ظرف مكتوب عليه " سلميه للريسبشين" دخلت الصالون.. (معروووف) وسلمت الظرف للريسبشن الموظفة(فتحت الظرف): أهلا وسهلا.. احنا ناطرينج من زمان نقاء: شنو؟ شالسالفة؟ الموظفة: ههههه لا تخافين.. في لج عندنا برنامج تجهيز كامل.. تعالي معاي نبلش فيج وابتدو فيها بالمكياج.. والأظافر.. وطلعوها تينن بعدها قالت: آنا يايبة بدلة.. بروح ابدل الحين الموظفة: لا حبيبتي في لج عندنا بدلة.. وجوتي (وانتو بكرامة) يوم شافت البدلة زاغت عيونها.. فز قلبها.. كانت البدلة.. نفنوف أبيض سواريه طويل.. وفيه ذيل بسيط متروس شوارفسكي.. والاكسسوارات واااااااااااااااو شوي عليهم لما لبست وخلصت دق عليها عادل.. ****************
البارت السادس عشر ********** بعد ما خلصت دق عليها عادل: نعيما نقاء: الله ينعم بحالك.. مشكور شنو هالمفاجأة؟ تهبل عادل: بعدج ما شفتي شي.. الحين يلا روحي السايق ناطرج نقاء: أوكي باي طلعت نقاء.. والا السايق يايبلها أكل.. قعدت بالليموزين تاكل.. وماتدري وين رايحة وكانت الساعة صايرة 9 بالليل قامت تدق على عادل.. خطه مغلق.. تدق على البنات شلتها..اللي حاقرتها.. واللي مغلق.. واللي مفصول لين صارت الساعة 10 واهم للحين يمشون نقاء: لو سمحت احنا وين رايحين؟ السايق: ويت مدام.. الحين يعرف شوي والا يوصلون ذاك الشالييييه.. الفخم الروعة وسيايير مترووووسة بره وصلو ولما بغت تنزل نقاء.. قالها السايق: نو مدام ويت نزل السايق.. وقام يتكلم بالتليفون.. حاولت نقاء تعرف من يكلم بس ما قدرت وبعدين ركب السيارة.. ودخلها من البوابة لييه داخل.. والا يطلعلها عادل فتح باب السيارة.. ونزلت.. جان يلمها.. عادل: كل عام وانتي بخير نقاء(امبيييييييه يا زينه.. يهبل.. كاشخ.. وعطره يهبل): وانت بخير وصحة وسلامة وكانت بيده علبتين..وحدة طلع منها دهن عود.. وحطلها شوي.. عادل: عشان ما يحسدونج نقاء: ههههههههههههههه وبعدين طلع من الثانية.. خاتم ألماس رووووعة.. لبسها اياه واهي حدها مصدومة من الخاتم أول ما دشو الشاليه.. والا يبتدي المطرب اللي تحبه يغني هابي بيرذ دي تو يو.. بطيئة ونقاء الغافلة كانت حدها مستانسة وشافت ناااس واااااااايد.. من ضمنهم ممثلين وممثلات.. مطربين ومطربات ومشاهير ورجال أعمال.. وشلتها.. يعني أشكال.. وأنواع كانت الحفلة بالنسبة حق نقاء.. وايد حلوة.. الكل رقص.. وهيص واستانس (طبعا هالوناسة الضايعة) وكانو يايبيلها هدايا واايد وكل شوي مطرب يغني.. وسهرو لين الساعة 9 الصبح عادل: نقاء.. شرايج بالحفلة؟ نقاء: وايد حلوة.. مشكور عادل (يبوس رقبتها): تستاهلين أكثر.. (وقف مسك ايدها.. وسحبها عالخفيف) نقووء تعالي أبيج شوي نقاء قامت وياه وصعدو فوق.. بغرفة من غرف الشاليه أول ما دشو.. بدا عادل يبوسها ويلمها.. وحاول يقط ملابسها نقاء (تحاول توخره): عادل شقاعد تسوي؟ عادل (مكمل): أحبج.. أبييج نقاء (وخرته): عادل آنا مابي عادل: ليييش؟ نقاء: آنا مو مستعدة أبني علاقة معاك الحين عادل: عيل متى؟ نقاء: شوي بعد.. آنا أول مرة أشوفك اليوم عادل: خلاص على راحتج.. تدرين آنا ما أغصب أحد.. بس عالأقل أبوسج نقاء خلته يسوي اللي يبي.. قام يبوسها.. ويلمس على جسمها.. ويسوي كل شي.. الا الجايد وكل ما حاول.. يقرب هناك.. توخره ********************** وتمو فترة مع بعض كانت كل ويك اند تسهر معاه ولما ترجع منه.. كانت تصادف واحد.. سيارته عادية.. بس فيه شي يجذبها صادفته 3 مرات وماكان يكلمها.. ولا شي.. بس لما يشوفها يبتم لها.. ويلحقها ليه بيتهم وبيوم عادل.. كان يبوسها.. وهم مو لابسين شي.. وهو كان فوقها بس يحاول يسوي أكثر.. جان تدزه عادل: نقاء.. يعني ليه متى ما تخليني أنام معاج نقاء: عادل مابي.. انت قلت ما تبي تغصبني عادل: اي صح انا ما أغصبج..بس عاد قدري مشاعري.. يعني احنا مو يهال.. تبوس وتلملم وبس نقاء: عادل.. آنا ما عندي غير هالشي.. قتلك الحين مابي عادل: أوووف أوووف يعني متى؟ نقاء: مادري بس مو الحين عادل: شوفي.. يا الحين الحين تعطيني اللي أبي.. يا كل واحد يروح بطريج نقاء (سيييده قامت لبست): خلاص عيل.. تلقى غيري عادل: ما صدقتي.. بسرعة قمتي؟ نقاء: عادل.. آنا ما أصلحلك.. انت جوك غير جوي.. انت تقعد مع ناس يخرعون.. وانا موقدك.. نبتعد أحسن عادل (هدى شوي.. قف باسها): خلاص.. على راحتج.. بس تأكدي اني دايم.. موجود بقربج نقاء (ردت باسته حييل): مشكوور مع السلامة وطلعت نقاء من حياة عادل.. أو اهو طلع من حياتها ورجعت مرة ثانية لشلتها قامت تسهر واهم كل ليلة بقهوة.. وكل ويك اند بمكان مثل قبل ******************************* وبيوم كانت طالعة من البيت عالمغرب.. وصادفت هالريال.. وهالمرة تجرأ..وصفطها.. ونزل لها نزل والا هذاك الطول.. والجسم العريض.. حده رياضي.. أسمراني غامج عنده قفل.. عيونه كبااار وااايد.. حلجه صغير. خشمه طويل شوي ---: السلام عليكم نقاء(مبتسمة): عليكم السلام ---: شلونج؟ نقاء: الحمدلله بخير ---: معاج حمد ال... الاسم الكريم؟ نقاء: تشرفنا.. اسمي نقاء حمد: الله اسمج حلو نقاء: حلت دنياك حمد (مبتسم): بوجودج.. شدعوه يبا؟ تشوفيني لحقج.. ما تحنين عليظ نقاء: ههههههههههههههه مادري.. يعني تبيني آنا اللي أكلمك.. انت لا قربت ولا حاولت تكلمني حمد: عيل كا الحين بكلمج.. ممكن تاخذين الرقم؟ نقاء: اي تفضل حمد: 97********.. دقي عاد مو تكشتين نقاء: ههههههههههه الحين ادق حمد: خلاص ناطرج الحيييييين.. باي بعد ما حرك فعلا نقاء دقت عليه على طوووووووووووول *****************************
الله هداها حمدالله بس اقري القصه كلها وراح تعرفين وتدرين وايد في بنات جذي لان مافي لا ام ولا ابو يهتم فيهم والاخوان لاهين ببيوتهم والله يعينها يارب
البارت السابع عشر ************** (عذاب) ***** نقاء: ألوو حمد: يا حيا الله هالصووت نقاء: ههههههههه الله يحييك حمد: شلونج شخبارج؟ نقاء: الحمدلله بخير حمد: شدعوة يبا ماكو انت شلونك؟ نقاء: هههههههههه شلونك؟ شخبارك؟ حمد: لوني أسمر غامق.. وأخباري الحين أقولج اياها كلهااا نقاء: هههههههههههههه سمعنا عيل حمد: شوفي الله يسلمج اسمي حمد ال.. وموظف.. وعمري 30 سنة.. وكمل يقولها عن حياته.. وان اهو مطلق وعنده بنت نقاء: انا اسمي نقاء.. موظفة.. وعمري 26.. وقالتله مقتطفات عن حياتها تمو ساعتين.. يسولفون بالتليفون.. نقاء تفتر بالسيارة.. وحمد يفتر بعد بالسيارة حمد: نقاء آنا ودي أعزمج غدا او عشا شرايج؟ نقاء: على راحتك.. اللي تشوفه حمد: شعندج باجر؟ نقاء: ماعندي شي.. آمر حمد: عيل خلاص باجر آنا عازمج غدا نقاء: أوكي.. عيل أشوفك باجر حمد: على خير.. يلا باي ********** وفعلا طلعت نقاء مع حمد.. ثاني يوم ومن طلعت معه ارتاحت له حييل.. حست ان اهو الانسان اللي كانت تدور عليه كان يسولف.. واهي بس تطالعه " الله شكله حلو.. كلامه حلو.. اسلوبه حلو.. كل شي فيه حلو" ودخل قلبها.. واهي ماتدري شلون بهالسرعة وقامت تطلع معاه يوميا.. غدا أو عشا كانو متفاهمين بكل شي.. تفكيرهم ..سوالفهم.. أكلهم.. شربهم كانو طووول اليوم مع بعض.. وما يهدون بعض الا وقت النوم وأول ما تقعد من النوم تلقاه داق عليها فكانت تحس انه مهتم فيها حيل.. فتعلقت فيه وحبته بسرعة حمد عيش نقاء.. جنها مراهقة.. قام يخاف عليها.. واهي قمت تحسب له ألف حساب وطبعا قالتله قصة حياتها.. مع بعض التحفظات عشان ما تطيح من عينه وبيوم كانو طالعين.. حمد: نقاء بمر واحد من ربعي شوي.. بعطيه شغلة نقاء: أوكي ولما وصلو المكان .. لقت حمد مطلع عدة الغوص.. وعطاها حق رفيجه ولما ركب السيارة.. نقاء: انت تعرف تغوص؟ حمد: هاهاهاهاهاها آنا مدرب غوص نقاء: ليش ما قتلي من زمان؟ حمد: مادري ماصارت فرصة.. (وبعدين قعد يسولفلها عن الغوص) نقاء: عاد تصدق.. طول عمري أتمنى أغوص.. بس ما أعرف حمد: خلاص آنا اعلمج نقاء (نقزت من الوناسة): صج؟ حمد: اي صج.. (مد ايده بالكشن الوراني.. أخذ كتاب) هاج اقريه.. وبعدين اشرحلج نظري.. وعقبها عملي نقاء مسكته بقوة.. جنها طفلة تمسك كتب المدرسة *************** وفعلا خلصت نقاء الكتاب.. بفترة قصيرة.. وبيوم النظري.. كانو طالعين من الصبح حمد: ها شلون لقيتي الكتاب؟ نقاء: بصراحة معقد.. ما فهمت منه وايد حمد: هاهاهاهاهاهاهاها.. عادي لما أشرحلج نظري ونطبق عملي.. بسرعة راح تستوعبين نقاء: يلا على ايدك حمد: متى تبينا نبتدي؟ نقاء: اليوم اذا ما عندك شي حمد: حتى لو عندي.. تدرين ان مافي شي يعطلني عنج نقاء (باسته على خده): حبيبي والله حمد: انزين نقووء بقولج.. تذكرين شقتي اللي سولفتلج عنها؟ نقاء (ذاكره بس..): لا أيهي؟ حمد: اللي قتلج.. آنا مشترك فيها مع اثنين من ربعي؟ نقاء: اييييي شفيها؟ حمد: شرايج نروح هناك.. نشتري ريوق ونقعد وأشرحلج نظري نقاء: بس... حمد: بس شنو؟ لاتخافين ماراح يصير شي.. انتي تخافين مني؟ نقاء(خايفة ما تبي يصير شي.. وحاسة لأنها حبته انها راح تضعف جدامه): اممممممممم لا حمد: عيل ليش ما تبين تيين؟ نقاء: لا ولاشي.. خلاص خل نروح حمد راح حق مطعم.. وشرا ريوق.. وراحو الشقة دشو.. افترت نقاء بالشقة كانت حلوة ومرتبة.. وبعدها قعدو يتريقون وقعد 3 ساعات ونص يشرح لها النظري.. وكان بقمة الأدب معاها.. وكلش ما قرب منها بعد ما خلصو الشرح.. حمد: ها ما يعتي؟ آنا يعت من كثر ما تكلمت نقاء: ههههههههههه حتى آنا يوعانة حمد: شتبين تاكلين؟ نقاء: كيفك آنا عادي آكل كل شي حمد: خلاص خل نطلب برجر كنج وفعلا طلبو.. وقعدو ياكلون نقاء قامت تحس بحرارة بالصالة.. لأنهم ياكلون بهدوء وحمد كل شوي يطالعها ويبتسم.. ابتسامة تذوب الجبل بعد الغدا.. حمد قرب منها: نقاء.. بصراحة آنا مو قادر أقاومج نقاء (تبولع بريجها): لا حمد .. الله يخليك حمد: ليش حبيبتي احنا صارلنا شكثر مع بعض؟ نقاء: 4 شهور حمد: وليش ما تبيني؟ انتي ما تحبيني؟ نقاء: امبلا واايد والله.. بس آنا مابي أخسرك حمد: ليش تخسريني؟ نقاء: ممكن اذا صار شي بيننا.. اخسرك حمد (قرب منها وباس رقبتها): حبيبتي هالشي يقربنا حييل من بعض (باس حنجها) آنا أحبج (باس خدها) آنا أبيج (باس شفايفها) واندمجوو حيل.. قام يبوسها وتتجاوب معاه.. فصخها ملابسها.. ومسح على جسمها.. واهي حطت ايدها تحت ملابسه.. وفصخته.. ولمته حييييييل ليما دشو بالعميييييق.. وحست نقاء بألم شديييييييد ولما خلصو.. وقامت نقاء.. لقت دم حمد (اخترع): نقاء شنو هذا؟ نقاء (اهي بروحها منصدمة): مادري حمد: انتي مو قلتي انج متطلقة؟ نقاء: اي حمد: عيل هذا شنو؟ نقاء قولي الصج انتي بنت؟ نقاء: لا والله انا مطلقة.. بس انا حسيت بعوار.. يمكن انت جرحتني حمد: اي انا حسيت انج مو بنت.. بس الدم خرعني نقاء (باسته.. واهي نايمة على صدره): ههههههههههههه *****************************
البارت الثامن عشر *********** وتمو نقاء وحمد مع بعض سمن على عسل.. على قولتها وتعلمت نقاء الغوص عملي وبيوم.. حمد: حبيبتي باجر زهبيلج جنطة صغيرة نقاء: ليش؟ حمد: انتي بس زهبي نقاء: اي مو قولي ليش عشان أعرف شزهب؟ حمد: باجر راح تعرفين نقاء: خلاص.. أمري لله.. أوكي وصار اليوم الثاني حمد أخذ نقاء.. وسيييده عالمطار نقاء: حمد انت وين موديني؟ حمد: بنسافر نقاء: شنو؟ نسافر؟ حمد: هاهاهاهاها اي نسافر شفيج مخترعة؟ نقاء: لا مو مخترعة.. بس غريبة حمد: ليش غريبة؟ انتي مو تعلمتي الغوص؟ ما تبين تغوصين وتشوفين الشعب المرجانية؟ نقاء: الللللللللللله امبلا.. ودي حديييييي حمد: خلاص بنروح شرم الشيخ.. وتغوصين هناك نقاء (قطت روحها عليه.. لمته): مشكووووور مشكوور حبيبي حمد: هاهاهاهاها انزين وخري خليني أعرف أسوق نقاء:هههههههههههههه وسافرو شرم الشيخ.. 3 أيام.. غاصو هناك واستانست نقاء حيل.. شافت دنيا يديدة تحت البحر وتكررت سفراتهم.. وطلعاتهم.. وغلطاتهم مع بعض ************************ وبيوم كانت طالعة معاه.. نزل يشتريلهم غدا ومن الملل.. قامت تتعبث نقاء بالسيارة.. فتحت الدرج.. لقت دفتر التموين فتحته.. لقت اسم حمد وزوجته " ايييي يمكن مو شايلها من البطاقة التموينية" بس بعدين لقت اسم بنته.. ولقت اسم بنت ثانية له.. اهني انصدمت واللي زاد الطين بله ..لقت صورة حق زوجته.. شكلها كان جواز أو شي جذي.. استغربت نقاء حيييييل ركب حمد السيارة .. لقى ويه نقاء مقلوب: شفيج؟ نقاء ساكته حمد: نقووء قاعد اكلمج.. شفيج؟ نقاء نفسيتها بخشمها.. ومو قادرة تكلمه بس لما حن عليه وااايد.. نقاء (ودها تنفجر من القهر): انت عندك بنت ثانية؟ حمد (انصدم.. جنه واحد معطيه طراق): شنو؟ ليش؟ نقاء (طلعت دفتر التموين.. أشرت على اسم البنت الثانية): هاذي منو؟ حمد (بلع ريجه): حبيبتي.. اي انا عندي بنتين نقاء (دمعت عيونها): يعني ليش ما قتلي؟ ليش جذبت علي؟ حمد: خفت أقولج وتكشين نقاء: بلا أعذار.. آنا لو بكش.. جان كشيت من قتلي عندك بنت أصلا حمد: خلاص حبيبتي سامحيني عاااد نقاء: حمد قولي الصج.. انت صج مطلق حمد: اي اي صج مطلق نقاء (هدت شوي): والبنات عند أمهم.. والا عندك؟ حمد: لا عند امهم طبعا نقاء: حمد الله يخليك لا تخش عني شي حمد: لا تخافين والله مو خاش شي.. خلاص انتي الحين عرفتي كل شي نقاء سكتت.. وطوفت الموضوع *************** بس بعده بيوم.. حست نقاء ان حمد متغير.. مو طبيعي فيه شي " يمكن متضايق من الدوام.. او ويا أحد من ربعه" اليوم اللي وراه.. حمد: نقاء وينج؟ نقاء: موجودة .. بالبيت خير آمر حمد: تعالي الشقة بشوفج نقاء: أوكي دقايق وأكون عندك راحت نقاء الشقة.. واهي كلها شوق.. ولهفة.. لأن أمس بطوله ما شافته.. وكان متضايق.. فمابغت تضايقه أكثر دشت الشقة.. نقاء (مبتسمة): قوة حبيبي حمد (ويها مقلوب.. لحيته طالعة شوي.. وشكله تعبان): هلا نقاء (اخترعت من شكله): شفييييك؟ حمد: آنا يومين مو نايم نقاء: ليش عسى ما شر؟ حمد: نقاء بقولج شي نقاء (قعدت يمه.. وحاوطت جتوفه بذراعها): قول حبيبي حمد (طالعها فترة): نقاء آنا.. آنا.. متزوج نقاء (طالعته مو مستوعبة): يعني شنو متزوج؟ يعني تزوجت توه؟ حمد: لا متزوج.. ماطلقت زوجتي.. وفي ياهل بالطريج هني الصدمة حاشت نقاء بشكل مو طبيعي وقفت طالعته.. قامت دموعها تنزل بسرعة بسرعة: شنووووووووو؟ شنو متزوج.. وما طلقت قامت تصارخ وأي شي جدامها تكسره: ليش جذبت علي ليييييييش؟ ليش خليتني أحبك ليييييييش؟ قامت تبجي بهستيريا: ليش ما قتلي من البدااااااااااية؟ آنا قتلك ما أتم مع واحد متزوج.. لييييييييش سويت فيني جذيييييييي راحتله.. قامت تله من قميصه: جااااوبني كلمنييييييي.. شفييييك ساكت؟ حمد بس يطالعها وعيونه مغورقة.. مايدري شيقول نقاء (تبجي وتطق روحها): ليش خليتني أتعلق فييييك.. حراااااام عليك.. حمد حس فينيييي.. قلبي يعورننننننييييي يوم شافها جذي خاف عليها.. راح لها ولمها .. حمد: مابي اخسرج.. حبيبتي مابيج تهديني.. جذبت عليج لأني أحبج وأبييييج نقاء (تبجي): وانا .. وانا يا حمد.. ما فكرت فيني؟ مافكرت شبيصيرلي؟ حمد: انتي حبيبتي وماراح يصيرلج شي.. وانتي معاي نقاء (طاحت تحت ريوله.. تبوسهم وتبجي): تكفى حبيبي تكفى عشاني.. قولي قاعد تجذب علي.. تكفه قول انك ما تبيني وتبي تهدني عشان جذي قاعد تجذب علي.. الله يخليييييك الله يخليك.. قولي انك مسوي فيلم عشان تهدني.. بس أترجاك أبوووس ريولك لا تقولي انك متزوج.. لالا حمد انت مو متزوج حمد (قام يبجي معاها.. رفعها من الأرض وقام يلمها): بس خلاص حبيبتي لا تسوين بعمرج جذي.. صدقيني مو قادر أهدج.. وايد حاولت ما اكلمج بس ما قدرت.. والله أحبج.. نقوء والله نقاء (دزته): لا تقول تحبني.. اللي يحب ما يعذب حمد (رد لمها.. وكمل كلامه): والله انتي البنت اللي أتمناها.. من شفتج بطريج الشاليهات وانتي ما غبتي عن بالي لحظة.. كل شي أحبه انتي تحبينه.. وكل شي أكرهه انتي تكرهينه.. مابي أخسرج نقوء والله مابي نقاء تمت فترة بس تبجي.. وخرت عنه وقعدت عالغنفة.. تطالع جدامها.. تطالع المجهول حمد قعد يمها.. بس يطالع جدام.. وتمو فترة ما يتكلمون كل واحد فيهم سرحان بشي جدامه.. بعد فترة.. طالعته نقاء وعيونها متروسة دموع حمد مسك ايدها نقاء (بصوت متقطع): آنا.. آنااا حمد (حط ايده على شفايفها): آنا ماقدر أهدج نقاء (نزلت دموعها): حتى آنا بعد ماقدر باسها على عيونها.. ومسح دموعها.. ولمو بعض حييييييييل.. فترة طوييييييييييييلة ************************************ وتمو مع بعض نفس قبل وأكثر.. تمو يسافرون ويروحون واييون وكل مالها نقاء وتتعلق فيه أكثر وأكثر وبيوم نقاء: حمد احنا لازم نتزوج حمد: ليش؟ نقاء: شنو ليش؟ مو انت تقول تحبني وما تحب زوجتك؟ حمد: اي نقاء: خلاص عيل.. تزوجني حمد: ماقدر حبيبتي نقاء: شنو ماتقدر؟ مو الشرع محللك أربع؟ يعني شنو ما تقدر؟ حمد: نقووء حبي.. انتي تدرين اذا تزوجتج.. رح تطلب الطلاق.. وأخسر عيالي.. وانتي تدرين ان روحي وحياتي هاليهال نقاء (متنرفزة): يعني عادي تخسرني؟ حمد (لمها.. باسها): انتي روحي مستحيل اخسرج.. تبيني أموت؟ نقاء: اسم الله عليك لا تقول جذي.. بس انا تعبت من هالوضع حمد: صبري.. وان شاء الله راح نلقالنا حل وسكتت نقاء مثل كل مرة لكن في شي دش بينهم وما تقدر تسكته دشت الغيرة.. غيرة نقاء من زوجته ما كانت تنام الليل.. كل يوم تقعد تبجي " أكيد الحين قاعد عندها.. أكيد الحين نايم معاها.. أكيد الحين قاعد يلمها.. أكيد الحين.. وأكيد الحين" لما قربت على حافة الينون.. الا قولو ينت وقعدت تدرون ليش؟ شوفو طلبها من حمد *************
