صح لسانك غلاي جد كلامك يختصر كل الكلام دام الموضوع بدا لابد تنتهي بفائدة على الجميع وهذا مايكون الا بالجراة واحتسبو الاجر للجميع
والله الحمد زوجي اغلب الاوقات يتريق بفراشه ولازم الصبح ابوس راسه وقوله صباح الخير ياااااااااااا يوبه والحمد لله حياتي من احسن ما يكون وما بين الزوج وزوجته حزازيات اللي يبي الحب والرومنسيه لازم يتعب بالاول علي شان يرتاح بالاخير موضوعكم مميز وناطرين جديدكم
الحـلــقــه الــثــانــيــه .. كلمات الحب من القلب الى القلب دعوه لك حبيبتي ..لتتراقصي على الحان العشق ابدئي في نطق كلماته .. خلي لسانج يتعودها.. دلعييه جننيه دوخييه خليه يضيع علومه .. مثلا.. اول ما يقعد ..صباح الورد حبيبي لبى طلتك وريحتك كلك وبعد ما يلبس..يالبى هاالرزه والكشخه تعال بحضني خلني اشمك ولما يروح الدوام ..سوي فون او مسج ناري ساخن .. بس مو كل شوي ..لا ما نبي قلق.. واول ما يرجع استقبليه ..اشتقت لك كلك.. للمناقشه.. * اشرايج بالزوجه اللي ما تعبر عن حبها لزوجها ..؟ * شنو اقوى عباره حب قلتيها له ..؟ * شنو ابسط عباره حب قالتيها وكان لها مفعول سحري ..؟
السلام عليكم ... الله لا يحرمنا نور مواضيعج المميزة واحة... اسمحولي اكتب باثر رجعي بخصوص الحلقة الاولى ..لاني كنت غايبة ... عن تجربة حقيقية معاي..ويمكن اللي ماتعرفونه اني رومانسية الى حد المبالغة في المشاعر والعواطف...تقريبا كل امور حياتي اقيسها واعيشها برومانسية حادة جدا ..ومادري اذا هالشي صح ولا غلط تزوجت انسان طيب جدا ...لكن بعييييييييييييييييييييد كل البعد عن الرومانسية ..لدرجة اني لما اكلمه كلام حلو يقول من وين تييبون هالكلام؟؟؟؟ وعمره ماقال احبج ,,لكن كنت احسها فاصريت على رومانسيتي ..وعاندت ..لازم يصير مثلي غصب طيب... وفعلا والله عقب 12 سنة صار زوجي اكثر مني رومانسية وصار يستغرب ويتضايق اذا طاف يوم ماسمع مني كلمة حلوة....طبعا كان السبب بتغييره اصراري وعدم يأسي ..رغم معاناتي لما كنت بروحي اعطي وما اخذ... اصبح يحب الحب ويحب الرومانسية ..وحسب رايه ...مافي رجال مدلل كثره... الحلقة الثانية: اشرايج بالزوجه اللي ما تعبر عن حبها لزوجها ..؟ اسمحولي ..زوجة غبية ..راح تضيع من ايدها زوجها وتضيع احلى ايام عمرها....تحبينه قوليله وعبريله بكل لحظة عن حبج ...خل تكون حياتكم كلها دلع بدلع حتى بالزعل.. * شنو اقوى عباره حب قلتيها له ..؟ اممممم ..والله كثير بس يمكن اكثر كلمة خلته يتغير ...لما قلت له مرة ..الله عطاني اغلى هدية ...اهي انت * شنو ابسط عباره حب قالتيها وكان لها مفعول سحري ..؟ بصراحة كنت طالبة منه شغله رفض وبشدة...فقلت كلمة : ادري دام انت زوجي,, ماراح يبقى شي في نفسي.. وفعلا كان مفعولها سحر ...على طووووووووووول وافق على طلبي..فديت قلبه تسلم افكارج واحة ..وعساج عالقوة..طرح مميز بقوّة..
مشكورة اختي واحه ع الموضوع الجميييل .... بس مثل ماقالوا خواتي كل شي سويته ماخليت شي بس الرجل يبقي جاااااااف معا المرأة وياااااكثر مانعطيه من الحب والدلع والدلااال بس ؟؟؟؟؟ لاجدوة معا ذلك ,,, بس حتى لفطور جبت له بالفراااااش والنتيجه وصخ الفراش علينا هههههههههههههههههههههههههههههههههههههههههه بس الرجل كالطفل ان اهتميتي فيه يحبج ويداري عليج وان اهملتيه دور غيرج بس في نقطه مهمه بالرجل انه حااااااااااار ع بطنه يعنى لو ما اكل شي فجر الدنياااااا وكسرها ولو بطنه ملياااااااان شوفي نفسيته احلى منهاااااماااااكووووووو ,,, واتمنى تقبلووو مروووري ... وشكرآ
بصرااحه انا خجوووله مع زوجى حيل ... وادرى موشطاره بس والله استحى من كل شى الا الهواااش ما استحى منه ... ودى اكوووون جريئه معااه بكل شى فعلا الجرااائه اهى الى نااقصتنى..ومره بس مره جربتهااا وكاانت اياامى سعيده.. بس مادرى شلوون رديت مثل قبل... بس والله يبى لى انى اتجرا شوى مع نفسى ومعاااااه ادعوولى بالجراااائه السنعه........ .............................. اما بخصووص ان المره ماتدلع رجلهااا ...ماافيه وحده متزوجه ماتدلع رجلها ... الا اذا كان يسمعها كلام يسم البدن وابسط عباااره مالى بالدنياا غيرك الله لا يحرمنى منك قلت له وانا ابكى انت ما تحبنى...... وكاان فعلا رد سحرى لانه ضمنى بحنيه ما قد حسيتها من قبل وحسيته صااادق معاااى .............................. واااحوووه صج صج ابدعتى
اي والله هالاشياء بسيطه وما تكلف شي بس تغير وايد بالنفسيه من الناحيه الايجابيه تسلمين على الموضوع حياتووووو
ههههههههه خلي الفراش يتوسـخ .. نهايه العالم يعني . . ! اهم شي عيشي اللحظه .. و اكيد انه بطنه له تأثير على نفسيته .. بس ما أتوقع ان همه الاول .. العفوو قلبوو .. شاكره لج تفاعلـج ..
انتي قلتيها بنفسـج كانت ايامي سعيده لمـآ جربت اصير جريئه .. يا بنت انطلقي .. عبري عن مشاعرج .. عبري عن احاسيسـج .. ما أعتقد ان الثقل بجيب نتيجه .. عباراتج مؤثره حيل .. و باين احساسج مرهف .. الله يديم عليـج السعاده .. مشششكوره هاذي احلى هديه خذيتها اليوم << كل يوم أخذ هدايا ههههههههههه اطلآله مميزه
البطاقه هذي احسها عبرت عن اللي بداخلي فعلا انا جداااا جداااا خجوله لابعد الحدود حتى بالكلام مع زوجي بشي مو طبيعي عموما الخجل فعلا مشكله ومع الاغلب اتوقع .. وبنفس الوقت الجرأه الزايده غير مرغوب فيها .. يالله همتكم يابنات نبي افكار وحلول وتجارب
اكيد كلنـآ ضد الجرأه الزايده .. و الذكيه هي اللي تعرف توازن يعني متى تطلع خـجـلها و متى تطلع جرآئتها .. كيم .. كالعاده اطلآله متميزه و تفاعل قووي :teeth_smile:
