وزيرة التربية وردة فعل وزارتها تجاه تظاهرات المعلمين الوافدين . . .

السلام عليكن ورحمة الله وبركاته


أكدت وزيرة التربية وزيرة التعليم العالي الدكتورة موضي الحمود أن
«حقوق المعلمين الوافدين محفوظة».

وأبلغ مصدر تربوي رفيع المستوى«الراي» أن الوزارة جادة في دراسة استقطاب المعلمين والمعلمات الخليجيين للتدريس في مدارس وزارة التربية لتعويض النقص والاستقالات.
وأوضح المصدر أنه بناء على توجيهات عليا ستتم الاستعانة بالمعلمين البدون،
الذين يبلغ عددهم 2100 جامعي متخرجين في جامعة الكويت أو الجامعات الخاصة من داخل الكويت وخارجها
، وكذلك بالمعلمين من بعض الدول الخليجية التي تعاني فائضا في المعلمين خصوصاً من البحرين والامارات وسلطنة عمان.
من جهتها، أشارت وزيرة التربية الى ان «العقد هو شريعة المتعاقدين»
وان الوزارة هي اول من يحفظ حقوق المعلمين، وفي حال الاخلال ببند من تلك البنود
«ستقوم الوزارة بتطبيق القوانين واللوائح الخاصة في هذا الشأن».
وبينت الحمود عقب اجتماعها أمس مع مجلس وكلاء «التربية»
ان جمعية المعلمين الكويتية تضم في صفوفها معلمين وافدين ومن حقهم تقديم مطالبهم من خلالها بشكل مؤسساتي راق كون الجمعية هي ممثلهم الرسمي.
وفي سياق التوجه الى اعتصام بعض من المعلمين الوافدين،
شددت مصادر تربوية على اهمية عدم اقحام العملية التعليمية في أي مظاهر تدعو الى التعطيل وخلق فوضى من اجل تلبية بعض المطالب
، موضحة ان ما قام به بعض المعلمين الوافدين «امر مرفوض ولا يعبر عن وجهة نظر كل المعلمين».
وذكرت المصادر ان عددا كبيرا من المعلمين الكويتيين المتقاعدين
بادروا أول من أمس الى الاتصال بالوزارة وأبدوا استعدادهم للعودة الى التدريس في اي وقت تحتاجهم فيه الوزارة لسد اي عجز
«وهي بادرة نقدرها كوزارة ونجلها في اخواننا المتقاعدين، الا ان نسب الاحتياط التي
لدينا كافية وفائض المعلمين والمعلمات من الاحتياط يكفينا
دون ان نتأثر بأي غياب لبعض المعلمين الذين يعتقدون ان توقفهم عن التعليم لتلبية مطالبهم هو السبيل لتحقيقها


المصدر . . .

http://ww.alraimedia.com/Alrai/Artic...&date=04032011

كلنا نعلم دور المعلمين الوافدين الأفاضل ( الصالح منهم والـ ... ) في صناعة الأجيال
أما الآن جاء دور أبناء الكويت والخليج من معلمين ومعلمات في المشاركة في تنشأة
أجيال الغد ..
القرار صائب وإن كان تأخر كثيراً ..
شكراً للسيدة الفاضلة موضي الحمود .
وشكراً أم عبدالله لهذه المساحه الرائعة للتعبير عن آرائنا
بوركتِ

هلا حبيبتي واحة . . .

مشكورة ع ابداء رائج اللي اتفق وياهم بنسبة كبيرة . . .

لا اريد ان اعمم على هذه الفئة ولكن عاثوا في اطفالنا واكبادنا الفساد الخصوصي (دروس خصوصية)

يعني حنى معلم ومعلمة التربية البدنية تدرس خصوصي

وكانهم في معسكرات عمل للعمل فقط وهو الدروس الخصوصية

لدرجة ان البعض من المعلمات الوافدات وبعد ان لهطت الكثير من الخصوصي تركب اخر موديل

من جيب لاندكروزر -وإلا برادو !!

هنالك كفاءات خليجية يعتمد عليها وتستحق الراتب المرتفع انا هؤلاء للاسف لا ولا اعمم

ومن هذا المنطلق كنت ولازلت بالمرصاد لكل واحدة تكتب موضوع انها تدرس خصوصي

ام عبدلله حياتي انا من الفئه الي اخذ دروس خصوصيه بس مو بكل المواد لا في مواد معينه لان في فئه من الابلات ما يفهمون وما يعطون من قلب لا والمشكله الكبيره اقولج شنو عندنا ابله بمدرستي اهي صارلها ثلاث سنين تدرس يعني يديده تخيلي والله قبل اسبوعين اقولج شتقول تقول والله مالي خلق ادرس للحين مخي مقفل من الاجازه واحنا شذنبنا واهي كويتيه وعندنا ابله مصريه والله انها شاطره يعني مو بس الوافدين الي مو زينين لا في الزين وفي الشين وياليت لو المدرسات يشرحون بذمه وضمير
ويعطيج العافيه حياتي

والله حتى انآآ اخذ دروس خصوصيه

لانه في وآيد ابلآآآت مآيفهمون من قلب و المششكله تلآقينهم رئيسآت اقسساام

و مآيستحقون ششغلهم ولا اي ششي يآآخذونـه حتى المعآشش

وانصدمت لمآآ لقيت ابله انقليزي معآشهآ 340

شيكفي استغفر الله

و بعديين في ابلآآت مآيفهمون و لمآ يشرحون يطلعون البنت تجآوب مآ تجآوب صح

ويطلعون السبه على البنت هي الابله الي مآتفهم !!

ويعطيـج العآآآفيه حبيبتي

واضيف على اختي شيتونه ترى كل الكويتيين ومستعده اواجه الكل حتى رفيجاتي متوفقات ياخذون دروس خصوصيه لا والمشكله ان الدروس الخصوصيه قعد يغلونها هالوافدين والله حرااام

فديتج

اي كلهم وصح كلامج

وانا عندي حوالي كل كل المواد الاساسية يدرسوني خصوصي

اي والله حرام

يغلونهآ لآنه على مآاعتقد معآآشهم مآيكفيهم

اي بس لازم وزارة التربيه تتصرف لازم توفرلنا اهم حاطين مركز واحد وبالدسمه والي بالمناطق البعيده شيسوون والدروس الخصوصيه لولاها حان ما نجحنا مو تفوقنا لا احنا يالله ننجح وبعد تبونا نتفوق وادري مداخلتي دخلت عرض بس قعد نوضح الاشياء الي قعد تصير وهذا شي من لا شي لا والمصيبه اذا المدرس الخصوصي ياني اقولكم شيقول يقول ساعتين ما تكفي نعم!! ليش ان شاءلله والحصه بــ10 يعني ثلاث ساعات ب30 دينار ويالله ننجح واهالينا تعبوا والله وملوا

مشكوره يياقلبي

هموم التربية ماتخلص ,,,


يسلمو ام عبدالله

خلاص لمتى وانا نعتمد على اللي برا صار عندنا فايض بالطاقات والمعلمين نبي دورهم الحين

لا تضلموووووووووووونهم البعض وليس الكل
فيه مدرسات اعرفهم حق المعرفه
ومعاااى بالبيت بعد
تضبط حمالها عشان تولد قبل العطله
وتشكهااا اجااااازه
بصرااحه هم بعض خواتى المدرسات الكويتياات فيهم رزقهم



اما بخصوص الاجانب ما اشوف احنا قصرنا ويااهم بشى الا ماخذين حقهم وزياده بعد
وش يبون اكثر
الواحد ما يعض الايد الى تمد له

وفيه بعد بجامعه الكويت
واختى معاهم
سجلو تطوع تدريس باكثر من 200 موضفه واختى معااهم
تهبل ...كاشخه فيهااا


ولا منها حجه حجايجهااا
لا ترا محد يقدر عليناا غير واليناااااااااااااا وبس

والله بصراحه خل يعدلون المناهج الخايسه اول وبعدين يتكلمون عن الابلات و اولهم الانجليزي للثنويه الي حتى الابلات يقولون صعب واحنا ما انعرف اندرسه والفرنسي الي درستي سنه والسنه الثانيه اكتبي تعبير فرنسي والله يستر من الي جاي

الله يعينا جميعااااااااااااااااااااااااااااا و يعين طلابنا المساكينننننننننننننننننننننننننننننننننننننننننننن