السلام عليكم ورحمة الله وبركاته .. ياحلووووين أبدخل بالموضوع على طول .. فكرة شراء "مقاضي رمضان" للعائلات الفقيره والمحتاجة خل نقول افكار ونساعد المحتاجين في عوايل واجد محتاجه لازم نساعدهم.. الله يبلغكم رمضان وانتم بصحه وعافيه ومبارك عليكم الشهر ماباقي على رمضان الا كم اسبوع قلت بسرعه اكتب موضوع عشان كلنا ناخذ الاجر :teeth_smile: أهداف الفكرة وهي منقوله لأنها تحقق نفس الهدف في نفوسنا: - إعانة الاسر المحتاجة واعطائها نصيبها من رزق الله .. - تنمية القدرة على العطاء في النفوس والبعد عن الشح .. - التذكير بالنعم الوفيرة التى وهبنا اياها الله عز وجل .. - التعاون على نشر الخير والعدل بين الناس .. - تعليم النفس التطبيق العملي لفعل الخير .. وصف العمل : نقوم بشراء كوبونات من العثيم (لأنه الوحيد اللي يقدمها ) قيمه الكوبون 100 ريال , يتم تسليم كل عائله 6 كوبونات بمتوسط عدد افراد العائلة 6 اشخاص .. والهدف من الكوبونات لكي لا نضطر لتسليم مبالغ نقدية في أيدي العائلات ليتحقق الهدف منها وهو التأكد من شراء المقاضي التموينية لهم في الشهر الفضيل .. ( لا أحد يقول يمكن يبيعونها هذا راجع لهم ولكن يجب التأكد من أن العائلة محتاجة وليس لديهم خيار آخر) نوع المؤونة التي يحكمها الكوبون : دقيق- سكر- رز- مكرونة - ش***ية- كويكر- كاسترد- جيلي- كريم كراميل- جبنة كاسات- حليب طويل الاجل-حليب بودرة- ملح- معجون طماطم – شراب التوت- مهلبية – شاي – زيت ذرة – فول – بسكويت اولكر. قهوه - هيل - لحم مفروم - كرتون دجاج - لحوم - أخرى يعني ما يشمل الكوبون شراء ادوات كهربائية وخلافه !! طريقة العمل : هناك طريقتان : 1 - توزيع الكوبونات مباشرة إلى العائلة ومن ثم توجيههم للعثيم مثلاً لشراء المؤونة . 2 - شراء المقاضي من قبل الشخص ووضعها في كرتون ومن ثم تسليمها للعائلة مباشرة بنفسه ويستحب أصطحاب اطفاله واخوانه لتعويدهم مستقبلاً لفعل الخير .. وبعد فكره الوجبات حلوووه انا اخلي الصغار يساعدوني بكذا تعلمينهم على فعل الخير كل يوم اخذوا تمر وخبز ولبن وماي وزيدوا عليها من فطوركم وغلفوها ووزعوها بالمساجد لانهم يفرشون سفر ماراح تخسرين شي 3 وجبات فطور وعشاء وسحور وتذكروا قول الرسول صلى الله عليه وسلم ( من فطر صائما كان له مثل اجره ، غير انه لا ينقص من اجر الصائم شيء ) حبايبي الله يكتب لنا ولكم الاجر. فديييتكم واذا عندكم افكار بعد كتبوها:teeth_smile: يالله ابي دعوووواتكم ماانحرم من امــي وتنجح عمليه اخوي..
اي تذكرت بعد حطوا حنفيه زمزم او ماي بالشوارع كل من مر يشرب منها ويدعيلكم . ووبعد حطوا علب تمر وماي خلوها بالسياره اذا حد من اهلتس رد متاخر من الدوام وزحمه الطريق واذن عليه راح ياكل منها ويعطي اللي بالطريق وياه <<حاله اخوانها دايم متاخرين هع كل ماتذكرت شي بدخل اكتبه وانتم بعد ياحلوووين عطونا من افكاركم :teeth_smile:
حبيبتي والله يسلموو ع الموضوع الحلوو والمفيد وفيه الاجر الكثيررر في ميزان حسناتج وياارب يخلي لج امج وتنجح عملية اخووج ويبلغنا رمضان احنا ووياج والناس اجمعين بخيررر ياارب
جزاكِ الله كل خير . . . جان زين عندنا نفس طريقتكم بالكوبونات مركز سلطان ويبيع لحوم فاسدة !! رفيجتي ثقة اذكر انها قالت لي عن اسرة متعففة بيتها بالمنطقة العاشرة . . . باخذ منها العنوان واللي تبي تتبرع تراسلني خاااص اعطيها عنوان الاسرة وتروح لها بنفسها وتتأكد . . .
افكارج حلوه وتوووورتى الله يخليلكم الوااالده وعسى الله يعافى ويشافى اخوج عبدالله يااااااااااااااارب واذا طرت ع بالى فكره ابشرى ام الافكار هع
