السلام عليكم ورحمة الله وبركاته شلونكم شخباركم حبايب قلبي بنااات أبي فستان عرس يكون فخم حييييل بلبسه بعرس أختي ياليت يكون نظيف وموديل 2011 أبية تأجير اللي عندها تصوره لي وتعرضه على الخاص أو على الايميل والله يوفق الجميع ملاحظة : اللي تعرف رقم وحده تأجر فساتين عروس (سهره طبعًا ) تسدح رقمها
شنو مقاسج ؟ عندي نفنوف ملجتي اوف وايت بذهبي سويته بالبيت حيل فخم وكشخه ماخذته من ليلى جالاري بس والله نسيت اسم المصمم موديل 2007 اذا بغيتي تشوفينه قوليلي ادزه لج عالخاص بس مقاسي اكس سمول او سمول
هلا وغلا حياج حبيبتي عندي هالبدلة تهبل وغريبة مآخذتهآ من مشغل وتصلح بدلة عرس ثلاث قطع فستان ، ومعاه حزام ، وفوق مثل الجاكيت والخامة جاكار خفيف لونها نحاسي على كلفة غريبة من برآ وهدب اسود
عندي بدل روعه في قمة الاناقه والفخامه وموديلات يديده توها وحده شهر 2 ووحده توها صار لها اسبوعين اذا حابه تشوفينهم ادزهم لج بالواتس اب وصدقيني شي يديد ونظيف جنه يديد
السلام عليكم انا عندي نفنوف فخم بمعنى الكلمه لابسته برد اسبوعي بعرسي لونه اسود ببيج وفخم فخم حيييل مقاسي سمووول اذا جاده بالموضوع دزيلي بالخاص عشان ادز لج الصوووره.....
اوكي حبيبتي طرشيلي الصور على الخاص بشوفه مع ان الموديل حيل قديم كنت ابي موديلات 2011 بس ان شاء الله يكون حلو اهم شي ناطرتج
اهوا موديل قديم بس والله مو لانه نفنوفي امدحه بس والله حيل فخم وملكي بس متى تبينه لانه اهوا ببيت اهلي وهالاسبوع زوارتي اذا رحت اصوره لج بس اذا مستعيله عادي امرهم واصوره
بصراحه انا ما اعرف شي بالارسال عن طريق الخاص وما اعرف انزل الصور لان بنت خالتي اهي تعرف وكانت تساعدني الحين مو موجوده مسافره اذا عن طريق الايميل ممكن دزي لي ايميلج
سلام انا عندي تفصال من الخبر لون الوردي الباربي اينن خذيته حق عرس حماتي كلمن قالي انتي باربي العرس شي خيال وحيل فخم حتي مع اكسسواره فصلته وعندي بدله اوف وايت هم نفس مستواه خذيته حق حفلتي بعد طلعتي من الاربعين بس مالبستها لبستها اختي حق عرس اهل ريلها راحت 4 ساعات ورجعت بس صدقيني شي خيال ماراح تطلعين مني الا وانتي ماخذه وحده منهم ابصملج بالعشره اذا حابه هذا رقمي 97341238 ام ريماس
