ندور وكل مافي ذا الوجود وذا الحياة يدور حياة نعيشها هذا عرف قصده وذا غادي نحاول في الأماني ويتكرر كل يوم الدور سباق نهايته مابين باكي واخر شادي لها عامين مسجونه مابين العين وفوادي يجض القلب منها جضة اللي بالمنا مجبور سبايب سجنها من خوف عدواني وحسادي تعبت اسامح الايام وأقول الزمن معذور تعبت اشربها سكر حظي المتعوس وانكادي على نفسي كذبت وعشت في كذب الأماني شهور وعايشت الأماني لين ذقت الغبن وسهادي وبدا ميلاد قلبي من عرفتك بالبها والنور وتباهيت بطلايع طلتك في يوم ميلادي هو اليوم الوحيد اللي ترك فيني وفا وشعور وهو اليوم الوحيد اللي حرمني روعة اعيادي وفاق القلب من حلم تنثر واخره مبتور على صوت الحقيقه والفلاح يصيح وينادي ورجعت لخالق يجعل نهايتنا فنا وقبور وطلبت العفو من وجه الكريم المشرق البادي شمـوخ النـوايف و عــابر مديا
