شو الاخبار ان شاءالله الكل بخير طريقة العيش اليووم فظيعه هي طريقه هنديه بس فعلا النكهه والطعم روووعه ادري مدحت الاكله زياده عن اللزوم ما بطول يلا نبدأ المقادير عيش بصل مفرووم حبات كازو عود قرفه حبات هال حبات مسمار كركم شوي زعفران كزبره للزينه الطريقه في جدر صغير فوري الماي ويا الزعفران في الجدر الرئيسي اللي بتسوين فيه العيش حطي شويه زيت وقلي فيه الكازو وحطي عليه القرفه والهال والمسمار وخليه لين يتحمص الكازو ولين تفوح ريحة البهارات حطي البصل المفروم عليه وخليه لين يذبل حطي الكركم وعقب العيش والملح وصبي عليه الماي مال الزعفران لين يستوي ازيد شوي عن العيش وخليه يطبخ مثل المكبوس طبعا هذا النوع من العيش تقدرين تقدمين وياه لحم مشوي او دجاج مشوي يعني اي شي على كيفج وانا بخبركم شو سويت وياه قليت البصل والثوم والزنجبيل وحطيت عليه قطع الدجاج وعقب ضفت عليه قطع الطماط وحطيت البهارات(كزبره +كمون+كركم+ملح) وحطيتله شوية ماي لين غطى ثلاثه ارباع الدجاج وخليته يغلي لين نشف الماي تقريبا نقلت الدجاج لصينيه الفرن وفي نفس الجدر مال الدجاج حطيت البطاط المقطع وخلطته عشان تتمتزج نكهة الدجاج والبهارات في البطاط حطيت البطاط ويا الدجاج ودخلتهم الفرن اول شي غطيت الصينيه بالقصدير لمدة ربع ساعه عقب خليتها مكشوفه عشان الدجاج والبطاط يتحمرون وقدمته ويا العيش وبالعافيه عليكم منقول
لالالالالالا خطييييييييييييييييييييرة ياأم رشودي ... ماشاءالله عليج يعطيج العاااااااااااااااااااافية
واااااااااااي شهيتيني عاد انا احب الاكل بالطريقه الهنديه والبهارااات خاصه اني مسويه رجيم ومن زمان ماذقت هالسوالف يسلمو على هيك موضوع ولاتحرمينا من جديدج يالغلا
