السلام عليكم اشونكم بنوتات .. بما إني بسافر الإمارات بعد أسبوع بإذن الله حبيت أسألكم شنو الأماكن السياحية الحلوة اللي رحتوا لها وكانت غريبة ومو مثل الكويت .. ؟؟ وهالسنة صج يقولون الإمارات موووت حررر ؟؟ صج ؟؟
المراكز في دبي : مول الامارات بن بطوطه ستي سنتر فندق جزيره النخله ( اتلانتس ) دبي مول , دبي فستيفال ، القريه العالميه .. السوق الشعبي ، سوق عكاظ ، سوق مرشد ، سوق نايف
بصراحه أختى أنا من زمان عنها كنت متولعه فيها وكل سنه أروح لهاوماأستغنى عنها لكن من عقب ما أرتفعت أسعارها وصارت غاليه فى كل شيئ صرت أسافر برا أصرف لى علما بأن اللى كنت أصرفه فيها بأسبوع ..أصرفه برا بأسبوعين ومن غير مجامله..
اختي الغاليه أنا من اهل دبي ونصحج أتين في فترة المهرجان واذا تسألين عن الاماكن دبي فيها وايد اماكن حلوه وراقيه ومراكز من اكبر المراكز في العالم وارقاها صحيح استوت غاليه شوي بس تستاهل اتزورينها وانصحج تسكنين في الانتر كونتينانتال اللي في الفستيفال سيتي بيكون جريب من المطار وجريب من الستي والفستيفال سنتر وفيه كل المحلات الراقيه الهايبر بنده وايكيا وايس هارد وير يعني اذا بغيتي تتمشين فيه ممشى واذابغيتي تتعشيت فيه ارقى المطاعم ونسيت اخبرج عن المركز اليديد دبي مول من اكبر المراكز وارقاها انا شخصيا ماسايرتله بس يقولون وايد روعه ولا تنسين القريه العالميه واذا في اي استفسار انا حاضره
انصحك اذاتبين تسافرين سافري برا والااقضبي ارضك سوق وعندكم مهرحانات وعندكم هلافبراير سافري برا اختاري دوله حلوة دبي غاليه تطفرالواحد تخلي جيبه فاضي مافيه ولا بيزه ولا دردرهم اندنوسيا تايلند سيريلانكا ممرة حلوة ورخيصه انامابي الاخت الاماراتيه تزعل بس انتو مرره اسعاركم شبت نار وعيت تنطفي يبيلنا صرافه مليانه بيزات ---ومششكوورين
هلا حبيبتي في دولتج الثانية الامارات اضافة الى كلام خواتي من الأماكن الي تقدرين تروحينلها هي -سوق البحار بجانب برج دبي و بتستمتعين بلمنظر و يسمونا بعد ال old town و لازم اتتجربين كوفي شوب اسما شكسبير و لا تنسبن اتجربين ايس كريم الليمون اذا اتحبين الحامض -دبي مارينا مول مجمع يديد -The walk -سوق مدينة جميرا و ان شاء الله تستانسين و اذا بغيتي اي شي رحنا جاهزين
السوق الصيني بس قولي ابي السوق الصيني او التنين الكل يوديج له بس نصيحه البسي جوتي رياضه لانه كبير حييييييييييييل وروحي له اول يوم لاني رحت له بأخر يوم لي بالامارات وهلكت ورجولي ورمت من المشي ولان صارلنا تقريبا خمس ايام بس نمشي واليوم الاخير كانا مخصصينه للسوق الصيني وهذي كانت غلطتنا وتعبنا والله حيل
سيري جزيره النخله وفيها فندق اتلانتس من اروع الفنادق دبي عندش دبي مول اكبر مول في العالم بطووطه مول مول الامارات وايد حلو ...ستي سنتر ......فستيفال سيتي وعن الاسعار دبي كله خصومات في فتره المهرجان
