قصيدة ام في دار المسنين لولدها

حمدان يا حمدان .......... أمك توصيك

قصيدة كتبتها عجوز بعد أن أودعها بنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأمالله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة
..
..
..

أترككم مع القصيده

منقول لكم ،،،

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك .. والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

مما تصفحت ...

تشكرين اختي على ايراد هذه الابيات .
لان فيها عبره لمن يعتبر جزاج الله الف خير.
قصيده نابعه من صدق .
يظهر فيها حنان الام رغم القسوه .
التي واجهتها من ابنها.
القصيده مؤثره جدا جدا ...
اللهم اصلح ابنائنا واجعلهم برره آمين...​

مشكووووووره .......

مشكوووووووووووووووووورة
والله كلام يقطع القلب!!
الله يعطيك العافية
ويرزقنا برهم دنيا واخرة !!

خواتي
زهرة الياسمين
ام عبدالعزيز
رحيل

اشكركم عالمرور الطيب

وامطر تراب القبر بدموع عينيـك .. ما عـاد ينفعـك النـدم والنعايـا

كلاآآآم مؤثر ,,, :emoticon_U:

الله يعطيييج العاآفيه عالـــ نقل


ودي واحترامي

مرة اخرى اصافحك غاليتي ريكاد
بعد ردك على موضوعي(طفلتك)
مشكووورة عالمرور
وماننحرم

ربي اجعل ذريتي ممن رضيت عنهم ولا خوف عليهم ولا هم يحزنون.
ربي ارزق ذريتي عيش السعداء وموت الشهداء ومرافقة الصالحين والحشر مع الانبياء .

ربي ارزقهم صحبة الاخيار وخصال الاطهار وتوكل الاطيار .

اللهم اعني على تربية ذريتي التربية الصالحة التي تحبها وترضاها .

ربي بلغني فيهم غاااية املي ومناي ومرادي فيهم في الدنيا والاخره

ربي قد بذلت في تربية ذريتي في سبيلك وعلى سبيلك جهدي ووسعي وطاقتي واجتهادي فاللهم لا تخيب سعي من سعى من قصدك ورجاك وبلغني فيهم ربي طموحي وفوق ما اطمح بحولك وقوتك وهدايتك وابرأ اليك من ثمرة جهدي وسعيي
ربي متعني ببرهم في حياتي واسعدني بدعائهم في مماتي وشرفني بهم برضاك عني وعنهم يوم نلقاك

وصلى اللهم وسلم على سيدنا محمد والحمد لله رب العالمين

تسلم يمينش على النقل
وعسى ربي يعينا على برهم وطاعتهم ويرزقنا رضاهم عنا دايما يارب العالمين
جزاش الله خير وفي ميزان حسناتش ان شالله

اللهم آمييييييييييييييييييييييييين
مشكورة عالمرور

غاليتي/ ريوم 2009
اشكرلج مرورج..

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا


قصيدة في قمة الألم والنزف ... الله يهديه حمدان ويرق قلبه عليها ... اللهم آآآآآآآآآآآآمين

غاليتي الامل دايم موجود/
جزاج الله خير على هالدعوه الصادقة
وشاكرتلج مرورج الرااااااااااااااااااااااقي.