مشكور يادكتور وعساك على القوة وان شاءالله ربي يعينك على أسئلتنا وعسالله يوفقك يادكتور وبالنسبه حق الحبوب اللي قلت لي استعمليهم حق السمنه (سليملاكس) يفيدوني أنا اذا كانت فيني سمنه مفرطه يعني وزني 110 وطولي 160 ؟ واشكثر يبيلي استمر عليهم على ما أنزل لي الوزن الطبيعي لي ؟ وجم اتنزل بالشهر وشاكرتلك سعه بالك
كتلة جسمك 42 يعني فرصة نجاح الحلول الغير جراحية قليلة 5-10% .. بس طبعا لازم تحاولين اذا ما حاولتي قبل .. لكن اذا حاولتي وما قدرتي انتي تحتاجين الي عملية الاثار الجانبية قليله ومعدل نزولك مانقدر نتوقعه يعتمد هلي حماسك والتزامك بالريجيم والرياضة وسلامات
السلام عليكم ورحمة الله وبركاته الله يعطيك العافيه دكتور وما قصرت بقيت استفسر انا طولي 169 ووزني 87 تعبت وانا اعمل دايت يعني ممكن اقعد 3 شهور وما ينزل الا 3-4 كيلو فقط وهالشي سببلي احباط وخلاني اترك الدايت وسببلي زياده في الوزن مع ان عندي اصرار اني انزل وزني بس وايد بطيئ النزول فيه سبب ومشكور مقدما
مرحبا دكتور ويعطيك العافيه انا وزني 99 و طولي 153 وافكر اسوي عمليه تدبيس المعده او تحويل مسار بس الي مرتاحه لها التدبيس انت شنو تنصحني فيه اي هي احسن وشلون احسب كتلة الجسم وشاكره لك
انتى كتلة جسمك مو بعيد عن الطبيعي عندك قرابة 15 ك زيادة حاولي تاخذين بعض الادوية للمساعده مع الرجيم ممكن تبدين سليملاكس واذا مانفع تاخذين معاه خلوكوفاج واذا مانفع تزيدين عليهم ردكتيل تحت اشراف طبيب بعد 4-6 اشهر ومافي نتجه ممكن تفكرين تحطين بالون معدة وهذي خياراتك وبلغينا شيصير معاك
حسبة كتلة جسمك : وزنك بالكيلو 99 تقسيم الطول بالمتر 1.53 تقسيم طول بالمتر مره ثانيه 1.53 يساوي 42 يعني تحتاجين عملية انا انصح بتدبيس المعدة راسلينا عالخاص نرتب لك موعد وسلامتك
السلام عليكم د بنتي وزنها 112وطولها 162 وعمرها 19سنه هي ماعندها شراهه بالاكل بس نوعية اكلها مو صحيه واهي كسوله شنو تنصحني اسويلهالك جزيل الشكر
د- بنتي الثانيه وزنها 100 اواكثر طولها165 عمرها 14سنه ماشاءالله تاكل زين عكس اختها نوعية اكلها معقوله متنوع شنو تنصحني يادكتور اسوي اكون شاكرتلك
السلام عليكم ورحمة الله وبركاته دكتورنا الفاضل بغيت اسئل انا قبل لااحمل كان وزني 84 ووقت دخولي للولاده مع العلم ولاده قيصيريه كان وزني 118 وبعد 9شهور وزني نزل الى 104 من غير رجيم او رياضه طبعا بستغرب انه ارتفع زياده عن اللزوم انا كنت حامل بتوأم الله يحفظهم وطولي 163 شنو تنصحني فيه انا ماله من قبل من الرجيم وماكو اراده
سلامتهم حاولي اتتابعين مع اخصائي تغذية لتنزيل وزنها واذا ما نفع اللي عمرها 19 اتسوي تكميم للمعدة واللي عمرها 14 تحتاج تحزيم للمعدة
يا اختنا انتي وزنك قاعد ينزل لازم اتكملين اللي انتي قاعده اتسوينه احتمال كبير انه ينزل اكثر وحاولي اتتابعين مع اخصائي تغذىة ولا تفكرين بالعمليات بالوقت الحالي
الله يمسيك بالخير دكتورنا الفاضل - ونشكركــ على تحملكــ للجميع دكتور فى حالة إنى حابة أستخدم حبوب لتخسيس الوزن وإللى لها تاثير على سد الشهية بدون أضرار تذكر ،، فارجوا نصيحتى بأفضل الأنواع - مع جزيل الشكر .
اولا :السلام عليكم ورحمه الله وبركاته دكتور انا عندي الوالده مسويه عمليه شفط دهون لبطنها والدكتور حاطلها شبك داخل بطنها من قبل سنتين بس ماااضعفت ولا شي بس بطنها شوي اصغر ومو بشكل ملحوظ وقطت الى ورها والى دونها عند هل دكتور حسبي الله عليه دكتور عماد نجاده واخر شي صار فيها انتفاخ وعوار من العمليه لليلحين تعاني من ...... دكتور سؤالى ؟؟ هل تستطيع اجراء عمليه ثانيه واهي تحويل مسار علما بان وزنها الحالى 100 كيلو ارجو الرد ويجعله في ميزان اعمالك وشكرا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟