الخلطة الصابونيه :- 1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم ) 2-صابونه الغار--------------------------- ( تبييض + نظافة وتشيل الحبوب وتصفي) 3-صابونه السحرية------------------------ ( تبييض) 4-صابونه البابايا --------------------------( تبييض + تشيل الحبوب وتوحد اللون) 5-ماي ورد قلاص ونص------------------- ( ترطيب نعومه تبييض) 6-اشوية كركم جسم ------------------------( تبييض) 7-ملعقة كبيره ملح خشن -------------------( تطهر الخلطة + نظافة) 8-ملعقتين كبار سفيد اب مطحون الايراني - ---------- ( تبييض) 9-ملعقة وسط نشا-------------------------- ( تبييض + لتماسك الخلطة) 10 -صابونه يوكوا اللي على شكل بقرا 11- ملعقة زيت اللوز المر 12 ملعقة زيت الجلسرين والحين نبشر صابونه الكركم وصابون الغار و الصابونه السحرية وصابونه البابايا وصابونة اليوكو نبشرهم في المبشاره مالت السلطة نبشرهم ونحطهم في صحن بروحهم راح تصير عندج كميه من الصابون المبشور نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي ملعقة زيت اللوز وملعقة زيت الجلسرين و قفشه النشا على طول واهيا حارة على الخلطة وحركيها عدل وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب طريقة استخدامها: مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والنتيجه شي خيااالي بيااض ولون منور وحلو وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون السنفرة :- - علبه سنفره المشمش الأصلية تلاقونها عند مركز السلطان هذي اللي اضمنها تكون أصليه ميه بالميه - جيس من ملح الحليب يوكو سبا الأصلي تلاقونه عند العطارين وسوق الفلبن - ملعقتين كركم جسم - 3ملاعق سفيد اب حجر ابيض إيراني - 3ملاعق بودرة اطفال جونسون - اشويه ماي ورد حسب حاجه الخلطة *** زيت اللوز المر اشويه للي بشرتها جااافه حيل انا شخصيا ما أحطه بس اللي بشرتها جافه تحط منه بقدر حاجتها *** اخذيلج طاسه صغيرونه وحطي فيها سنفره المشمش فرغيها كلها من العلبة وحطي فوقها ملح الحليب وخلطي عدل مدل وبعدين كركم الجسم وخلطي عدل مدل وبعدين السفيد اب وبودر الاطفال وخلطي وخلطي اذا شفتي المكونات يبست السنفره زيدي اشويه ماي ورد بس اشويه مو تقولون ماااقلت اشويه لانج اذا حطيتي وايد بتسيح الخلطة وعقب حطي الخلطه في علبه جديده واستخدميها مثل أي سنفره وممكن تخلينها في الحمام وانتوا بكرامه عادي مايضرها شي إن شاء الله واذا تبين لاستخدام واحد بس زيديها هرده او ليمون او زيديها طحين نخي او روب او عيش مطحون من هالشغلات الحلوه للجسم انا شخصيه استخدمها بروحها بس انصحكم بهالاضافات لانها حلوه بس تظيفونها للمره الوحده يعني تعزلين الكميه اللي تكفي جسمج وتحطين عليها اللي تبينه من المكونات الطبيعيه <<<>> وطريقة استخدامها<<>>> تتسبحين وتتليفين في أي صابونه عندج او مرتاحه عليها وعقب تغسلين وتحطين هالخلطه على جسمج وزعيها على الجسم كاااامل والإبط والأماكن الحساسة وخليها على جسمج جم دقيقه وبعدين ابتدي في فرك الخلطة على جسمج بشكل دائري في كل مكتن حطيتي فيه الخلطة وعقب ما تفركينها خليها دقيقه بعد قبل لاتغسلين وبعد ماتغسلين تنشفي عااادي ونعيما هالخلطه تبييض وتنعم واااايد وتلاقين نتيجه بالنظاافه والانتعاش و بالنعومه أول شي ومع الاستخدام تلاقين توحيد لون وتبييض انا استخدمها مره الى مرتين بالأسبوع بصراحة تهبل واترك التجربه لكم وهمن عندي خلطه جديده في قيد التجريب اعده اجربها وبوافيكم في نتايجها بعدين كريم جسم بخلطه للتبيض :- المقادير 1- صابونة غار مبشورة ناعمة جدا تنقعينها بكاس ماي ورد طول الليل عشان تذوب 2-علبة جلسرين السائل الشفاف من العطار 3-علبتين جليسوليد الاحمر كبار 4-فنجان قهوة زيت زيتون 5-فنجان قهوة زيت لوز 6-فنجان قهوة زيت الخروع 7-ملعقتين كبار كركم جسم من العطار 8-علبة فكس صغيرة 9- 4 ملاعق كبار سفيد اب الاصلي الايراني . 10- كريم 21 البرتقالي حجم متوسط 12 – ملعقة فازلين تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه. لبياض الايد والارجل :- والطريقة هي غسلي ايدينج بصابون ويفضل الباباي او صابون عادي مو مشكله بعدين فركي ايدينج عدل مدل بليمونه وركزي على المفاصل وفركي المده اللي تقدرين عليها بعدين خلي يدينج تنشف والليمون عليها وييبي سنفرة المشمش وفركي ايدج فيها عدل مدل لحد ماتنشف السنفره وتتشرب وغسلي ايدج في ماي وحطي كريم فير اند لفلي او جولسليد الاحمر وشوفي النعومه والبيـــــــــــــــــــــــــــاض توحيد لون الجسم :- 1- سنفره المشمش الكميه اللي تكفي الجسم 2- ملعقه وحده كركم جسم 3- ملعقتين زيت اللوز المر 4- اشويه ملح 5- ملعقتين سفيد اب وممكن بدونه واهيا تتفركين فيها عقب الحمام وتخلينها من خمس الى عشر دقايق بعدها بللي الليفه المغربيه بماي وفركي جسمج تبييض وتوحد وتنعم مو طبيعيه تجنن نعومه وبياض :- 1- جلسرين 2- جلسوليد 3-كريم أتركس ( لونة فستقي ) كريم موجود بالجمعية نفس الجلسوليد الأحمر بس لونة فستقي وعليه رسمة ايد 4-فازلين حجم متوسط 5-فنجان نشا 6-عصير ليمونة للاكواع والركب :- 1-كريم 21 الأورانج...العلبة الصغيرة 2- ملعقة كبيرة أكسجين....طبعا مو الأكسجين المخصص للتشقير لا الأكسجين النقي المستخدم لتعقيم الجروح... ضعي على الاكواع والاركب كل يوم والنتائج مضمونه مع الاستمرار للبشره ضعي قشور البرتقال وقشور الليمون بماء وضعيهم في على نار هادئه حتى تغلي صفي الماء واخذيه وضيفي معاه فنجان ماء ورد وضعيه في عليه خاصه >>>>>>> يعني الماي الفاح مع فنجان ماي ورد واستعملوه كغسول يومي وضعوه بالثلاجه أشكر اختي الغاليه مزيونه وشقره الخلطه الروعه
