بنات أبي نفس قماش هالعبايات من وين وين يقدر فصلها لي بثمن حلو و مو مبالغ فيه اللي تدري يا ريت تفيدني و يعطيكم العافية بنات أدري ما بتقصرون
حبيبتي اذا ماني غلطانه خامة( القفردين) ... وفي بعد عندك القطن المصري بس عيبه يتعفس بسرعه ... والاولى ممكن تلقينها (درجة اللون ) بالخام الرجالي ..(في بنات ياخذونه للعبايات-المانتوهات- لان فيه درجات حلوه ) وكل هذا تلقينه بأي محل خام الا الرجالي بالرجالي ,,, اتمنى اكون فدتك حبيبتي ,,,
اذا ماني غلطانه هذي الخامه الي تصير يابسه شوي؟؟ جنج حاطه عليها نشا اذا اهي بالعكس وايد حلوه وما تتكسّر بسرعه بتلاقينها بمجمع الأيوب في محل بويهج على اليمين مال عبي تلاقين عنده ألوان اختي فصّلت عنده يونيفورم مالها للمستشفى حلوين وأسعارهم حلوه بعد
تسلميين يا قلبي على الرد بس سؤال واحد هو القاش اسمو بالظبط شنو لأن في بنات قالو قبر دين و في اللي قالو قمر الدين مادري شنو أقول للبياع يعطيك العافية
هلا فيك حبيبتي ... كلها اسامي لنفس الخامه ... اسمعيها عدل من البايع واتوقع بقول قفردين ...الفاء الخفيفه تلفظ بحرف الv الانجليزي ... عليك بالعافيه ..
