السلام عليكم شلونكم بنات بإختصار انا جلد على عظم طولي 162 ووزني 50 حيل ضعيفه رحت المستشفى سويت فحص قالولي مافيج شي جربت اكل حلبه مع كاس حليب ماصار شي زودت الوجبات هم ماصار شي ودوم فيني دوار وما اقدر اشيل شي ثجيل ساعدوني الله يخليكم لان صج صج تعبت من الضعف وابي امتن ]
انا نفس معاناتج والله طولي 148اوزني لما تزوجت وبعد الولاده صااار 38والله كليت حبوب سبروفيتاا مع حبوب رويال جلي وكنت اقطع زدت كيلوين ونص الحين قطعتهم لان حملت والله يكون بالعون
هههههههههههههه الناس عجيبين محد راضي على حاله اناكنت ضعيفه واخذت حبوبه الخميره ومتنت وصرت ادور الريجيمات لالا خلي عنج هالسوالف اكلي ترى الاكل متعه ما يعرفها الا المحروم اللي يسوي ريجيم
ادري ان الاكل حلو بس الضعف تعبني دوم يغمى علي وماقدر وايد اشيل شي ثجيل كلمن يشوفني من اهلي يعلق بس صج بنات افيدوني لو تعرفون الحل
ملعقة صغيرة حلبة مع قرفه في كوب ماء ساخن للسمنة ملعقة صغيرة حلبة داخل كوب حليب مع قليل من العسل صباحا ومساء تزيد الوزن أخصائي لمدة 40 يوم فقط اوطريقة اخرى زيت جنين القمح تدهني به الاماكن المرادتسمينها مجربة إن شاءالله اكون افدتك
حبيبتي اسهل شي المتن هههههههههههههههههههههههههههههه اكلي قبل لاتنامين كافي شبس مكسرات عليج بحبوب الخميره ورهش شربي 5 اكواب حليب كامل الدسم مع حلبه بس شهر وبتمتنين صدقيني الحلبه مفعول اكيد مع الستمرار معنا الضعف احسن من المتن والله شتبين فيه
هلا حبيبتي كيوت انتظري بعد الزوااااج بتنتفخيييييييييييين وذيج الساعة بتقولين نفسنا كان يا ماكان في سالف العصر والاوان كنت ضعيفة
مرررت اخووووى تستخدم دواء من مره ومتنت شووى وقانت تاكل اذا تبين تخذ منها الرقم اووووكى بس والله الرشاااقه نعمه
اول شيء السلام عليكم .. الله يسلمج اهم شيء انج اتكونين بصحه وسلامه وثاني شيء اذا ما تشكين من امراض النحافه فقر الدم .. او الخمول او الهبوط وغيرها اللي نسمع عنها .......... انه انصحج تحمدين الله علي النعمه اللي انتي فيها .. وبعدين صدقيني خليج تمتنين طبيعي احسن اكلي كل ما تشتهي نفسج .. وريحي بالج واعصابج .. بتمتنين طبيعي. والله يرزقج ان شاء الله عشر كيلوات من الصحه والعافيه.. تحياتي لج ........... من الباحثه عن النحافه .. عاشقه الحريه
والله حاسه بمعانتج 000000 شوفي اختي خذي ملعقه عسل على الريق مع شوي حبه سودا وذوبيها في كلاس ماي وشربيه راح يفتح شهيتج للاكل 0000 شربي حليب مع ماش 000 اكلي ملعقه سمسم مطحون وايد مفيد لزياده الوزن شربي حليب مع موز 0000000000 وان شاء يزيد وزنج بصحه وعافيه00000000
