مرحبا حبايبي هذي اول مشاركه لي وياليت القى تفاعل منكم عشان نفيد ونستفيد ........:sad_smile: :52_52: ابي كل وحده سمينه تكتب معاناتها وافضل الحلول الي وصلت لها لضعف ......:angel_smile:
بشارك انا عندي معاناة مع السمنة من الطفولة كنت واااااايد متينة بالنسبة لعمري والمشكلة ان في بنات كبري من اقاربنا كلهم ضعيفات مو الضعف المو حلو لااااااا اجسام حلوه عماتي نحيفات خالاتي نحيفات رفيجاتي مافي الا 2 امتن مني والباقي نحيفات يعني لما اقعد يم وحدة منهم احس مدري شلون اني ضخمة وما احب اطلب جينز وحدة من خالاتي (ترا ميانة وياهم ) لانها مو مقاسي افضل حمية الى الان وانا ما انسب الفضل لها 100% بس بعد توفيق ربي انا ارادتي صارت اقوى اللي هي رجيم الشربة الحارقة اخذتها من هني والى الان نزل 3 كيلو في ظرف 9 ايام ادري مو وايد بس احسن من لاشي ووسلامتكم
انا كنت متينه قبل الزواج لما كان عمري 17 سنة فجأه انفجرت وزدت 15 كيلو خلال 3 شهور وبعدها بدأت معاناتي مع السمنة وخاصة بعد التحرج من الثانوية زاد وزني زيادة ولما دخلت المعهد الكل تفاجأ من سمنتي بس بعد الزواج حملت بعد 3 شهور وبعدها ضعفت حيل وتعبت من الحمل وبعد الولادة زاد ضعفي وصار وزني 54 كيلو والكل انبهر وكلهم كانوا يسألوني شنو السر والحين وزني 64 بس من 4 سنين هذا وزني ما تغير وانا مواظبة على الشاي الأخضر مع الزنجبيل الطازج حتى في الدوام لازم اشربه والحمد لله وزني ثابت
أما أنا ما خليت رجيم يعتب عليي لكن ما ماكو فايدة أنزل وأرد أزيد يبل والمشكلة مع الزيادة صارت الارادة صفر
السلام عليكم بنات بصراحه موضوعج وايد شدني انا معاناتي بلوه والله انا وزني واااااااااااااايد فوق الميه والمشكله مو راضي نزل وسويت كل انواع الرجيم واستعملت كل انواع الجاي اللي تخطر على بالك بس لا يوجد حل تعباااااااااااااااااااااانه بنات ابي حل واللي يعافيكم انا على ويه ملجه وابي اضعف قبل عرسي
يعطيكم العافيه انا كنت مثلكم واكثر كان وزني 120 وتعبت من انواع الرجيم والحبوب والادويه لين استقريت العام اني اسوي العمليه ورحت عند د خالد العنزي بمستشسفي الاميري بما اني اشتغل هناك وسوالي يها بداية هالعام شهر 1 والحين وزني 77 تخيلوا الفرق يعني الحمدالله الحمدالله ماعانيت من اي شي بس شوية تعب بداية العمليه وانتي بالمستشفى صج انصح كل وحده مو قادره عالرجيم ولا الحبوب تسويها شكلي فرق 99 %
