حبيباتي انا محتاجه المكبس الحراري ماكينه طباعة التي شيرت والملابس والمسطحات وين اقدر احصلها بسعر معقول واللي عندها وماتبيها لاتبخل علي انا محتاجتها ضروري هذي صورتها
هنيه بالكويت ياقلبي اتوقع صعب تحصلينها لاني من سنه كنت ادور عليها ناوية اشتريها وسعرها فوق 300 دينار فحصلت بالنت شركة تستوردها وتبيعها هنيه الحين مااتذكر اسمها بس بعدين عرفت انها تستوردها من الصين ومن بحثي بالنت عن الي شارين هالالة بره الكويت الكل كان يذم الصناعة الصينية وانها بسرعة تخترب واذا ماغلطت الصناعة الاصليه لها هي الالمانية وهي الي تدوم معاج المهم اذا سويتي بحث بقوقل عنها تحصلين بالسعودية يستوردونها الصناعة الي مو صينية لاني كنت ناوية من هناك اييبها بعد ماحصلت جم رابط عن جم شخص يشحنها بس المشكلة هنيه بالشحن لازم تضمنين الجمارك تمشيها لج هذا الي عندي ياقلبي وياليت كنت اقدر افيدج اكثر بس سوي بقوقل بحث وبتحصلين ان شاءالله غايتج وبالتوفيق
