اختي على وشك ولادة وابي افصل لها كفر بس ابي مكان او خياط مو غالي ابي سعر معقول ومنو مجربة حرمة تبيع ادوية نفاس تعطيني رقمها ويصير تاخذ حسو مع مردود وشلون انفسها نفاس سنع وامانة منو جرب نظام فيافي والادويةاللي فية اللة يخليكم ابي اللي ترد مجربة وما ابي اللي يردون لمصالحهم الشخصية وجعلة الله في ميزان حسناتكم
اول شي الله يخليلكم بعض واهم شي هالفترة لان اذا ماتنفست عدل يمكن يطردها زوجها عاد فهميها لو شنو تسوي اهم شي النفاس 30 يوم بس ال10 ايام تفرغ لعمرها صالون ووووو عشان ريحة الدويات ماتبقى بالجسم ثالث شي الدويات امي تجيبهم لنا من وحدة بالسعودية احاول اجيب رقمها بس دزيلي رقمج بالخاص عشان ادزا لج مسج الدويات عبارة اعشاب كل عصر وو مردود نص ملعقة اكل بكوب حليب تشربا مرتين الصبح قبل الريوق والعشا قبل العشا احسن عشان مايقثها العصر سويلها تمر بدون نواة كانها مهروسه عرفتي مع سمن وحبة سودا ورشاد كثري منا خلي تقهوا علية كل عصر سوي بمطبقية كبيرة مايخرب والرشاد يهبل يهبل مع كل وجبة خل تحط فلفل اسود مطحون لذيذ وعجيب للنفاس والاحسن اهيا تحط يعني لاتطبخينا الاكل لازم عشان يشد رحمها وعلى طول دلاغ وملفع قطن وملابس داخلية لا لا لا يدخلها الهوا الكل قبوط مرقوق شوربة بدجاج عيش لحم خل تكثر لاطلعت من الاربعين تسوي رجيم لاتكثر ماي - خل تشرب عل طول اعشاب نعناع زنجبيل حلبة اي شي دافي خليها ترضع طبيعي حاولي فيها لازم اقري بقوقل شوفي الفوايد اذا استمرت جذي بتصير عجيبة ونصيفة لاتحاتي شي اي نسيت المرا تعطيج ب10 شي اسود مادري شنو اخر 10 ايام النفاس تشربا ينضف اخر شي بالنسبة للكفر انا مسويتا ب257 للبيع ب100 لج ب60 مع القميص تصميمي نفرين راقي وغريب نضام امريكي فخم لون بيج الله يقومها بالسلامة يارب
حياج الله حبيبتي وانا للأمانه ماعرف بالنفاس لاني مو متزوجه بس في ناس اعرفهم ثقه جربوا دويات أم نواف 99942485 ويمدحونها وموفقه يالغلا والله يخليكم لبعض
ياعمـــري اللـــه يخلّيــكم لبعض ولا يغيّر عليكم..حبّوبه كــل اللي قالته أم عليا صح اللــه يجزاها خير وهم البقل يمدحونه حييييل..والبيض المفيوح وبكل شي تحط الفلفل الأسود والتمر لااااااازم..لا تكثر من العيوش..والدّويات مو من أي وحــده تاخذ لازم وحــده ثقه ترا صارت تجــاره وفي حريم مايخافون اللــه..حرصي حبيبتي..والأهم انشــاءاللــه ترضع البيبي طبيعي ظروري ظروري ظروووووري..اللــــه يسهــل عليها يارب البيت..
كل شي تاكله إلاااااا::الباذنجان ،الباميا،المشروبات الغازيه،العيوش اهم شي ::المرّه تنقعها مع المحلب،العنزروت،علك بان،المقله وتشرب كل يوم سكانه صبح وليل... الحلتيته::مهمه حيل شويه بفنجان القهوه وتشربها مع القهوه+التمر المعفوس بالرشاد مفيد كلما جاعت الادويه مهمه حقة النفاس .الشوربه دجاج يرم العظم الاعشاب مهمه::الزنجبيل +النعناع+الكمون .... انشاالله افدتج واذا تذكرت رديت
ماراح ازيد اكثر من خواتي بس بغيت اقول ان شاء الله يهون عليها واهم ماا جوع عمرها والمشروبات الغازيه ممنوعه والماي الباردوالبخور اخر ايام النفاس وانا سمعت كذا وحده تقول تحط ثلاث حبات من الكوتكس عشان يرفعون الرحم والدلاغات لا تنزل من رجولها وبالتوفيق
