شلونكم بناااااااااات ,, أنا انشاءالله بروح دبي أول مره وماعرف شئ فيها ,,علموني وين أروح وشنو أشتري ,, انا مغرمه بالساعات والعطور والبخور,, نخيييييييييييتكم قولولي وين أروح وشنوأشتري ,,
اختي انا رايحه لدبي اكثر من 6 مرات وانشالله اساعدج المجمعات الكبيره اللي نفس الافنيوز عندنا .. اهي ( مول الامارات _مول دبي _ ابن بطوطه _ سيتي سنتر _ برجمان )<<<<هذول كل شي فيهم في مجمعات صغيره وفيها الساعات التقليد والعطورات التقليد (حمرعين_ المنال)<<<< المنار مجمع صغير حيل بس اسعار الساعات والعطورات تقدرين تنزلين سعرها بالسعر اللي تبينه واذا تبين اي استفسار انا حاضره .. وموفقه بسفرتج انشالله
البخور والعطورات الشرقية بسوق المرشد أما الملافع والعبي بمركز ابو الهيل لاتطوفج القرية العالمية روعة.. وناسة اتمنى اكون أفدتك...تقبلي مروري
لايطوفج مجمع مركاتوو << عجيييييييييييييييييييييب وراااااااااااااااااااقي عجبني حييييييييييل.. البنات كفوو ووفوو
يامرحبا بج في دبي الغاليه عندج المجمعات الكبيرة دبي مول ابن بطوطه مارينا مول مول الامارات دبي فيستيفال سيتي سيتي سنتر برجمان ميركاتو تاون سنتر مركز الواحه على شارع الشيخ زايد دبي اوتليت تحصلين فيه الماركات وبسعر ارخص ابتاون مردف روعه وتحصلين فيه كل شي والاحلى انه سوق مفتوح والجو هالايام روعه بن سوغات سنتر في الراشدية(محل احمد للعطورات العربية) وعندج محل الديوان الملكي للععود والعطور روعه ومحل عبدالصمد القرشي اللي في وافي سيتي-وبعد اجمل في ابراج الامارات مركز الغرير وافي سيتي مركز حمرعين مركز المنال اما بالنسبة للعبي والشيل(الملافع) مركز ابوهيل الاسواق الشعبية سوق الوصل(قطع روعه) سوق نايف سوق عكاظ(دراريع للبيت + عطورات) سوق مرشد وعندج سوق التنين(السوق الصيني) رهييييب وتحصلين كل شي فيه والاهم بعد انج تزورين منطقة جميرا بيتش ريزيدنس(الجي بي ار) رهييييييييييب بمعنى الكلمة واتقولين انج في اوربا وفيه محلات ومطاعم وكافيهات وممشى وممرات ونوافير ومناظر روعه وفنادق وشقق سكنية وعلى مااعتقد في المهرجان يحطون العاب على البحر وتكون فيه فعاليات وبعد تقدرين تروحين الخور فيه مطاعم في سفن تتحرك بمواعيد وتاخذين معاهم جولة في البحر او انج تاجرين القوارب الصغيره(العبرة) وتاخذين جولة في الخور لمدة ساعه بــ 100 درهم :teeth_smile:--وبعد عندج قرية التراث فيها فعاليات حلوه على المهرجان( رقص شعبي-اكلات شعبية طازجه-محلات صغيره)وبعد فيها مطاعم وشيش-ولالالالاتفوتج القرية العالمية وهيه مفتوحه الحين الين 18 فبراير ولازرتيها مره بتحنين لها وبتزورينها مرات ومرات :74_74: امممم :sad_smile: وبعد عندج التلفريك في حديقة الخور حلو هذا اللي يحظرني الحين واي استفسار راسليني على الخاص:smile:
