مرحبا .. شلونكم ..بنات حبيت انقل لكم تجربة اختي مع الرشاقه.. طبعن كان وزنها 90 وماكو شي ألا استخدمته .. المهم سجلت بنادي شهر واشتركت بدايت كير شهر واشتركت بشركة دينا ولينا ثلاث شهور وعقبها راحت حق دكتور محمد ربيع وماشاء الله تبارك الرحمن ألحين وزنها 57 بس بعض الاوقات تخربط ويزيد وزنها كيلو وترجعه مره ثانيه .. وبعد كل وجبه تاخذ خل التفاح بس طبعن بعد الريوق ماتاخذ .. واذا تبون النظام انا حاضر ..:wink_smile:
هلا فيج كويتيه كشخه .. اول شي اختي اشتركت بدايت كير ونزلت تقريبا 6 كيلوات واشتركت بنادي وعقبا اشتركت بدينا ولينا وكل شهر كانت تنزل 6 كيلوات وعقبها راحت عند الدكتور وانزلت باجي الوزن الزايد.. واحيانا كانت تمشي .. ولاتنسين خل التفاح قبل الغدا ملعقتين صغار وقبل العشا نفس الشي واحسن خل تفاح تلاقينه بمركز سلطان ماركة أرض الطبيعه .. واذا لاعت جبدج من ريحته حطيه بمكان حبوب البندول وثلجي وبلعيهم نفس الحبوب
هلا فيج انثى المطر .. اوكي راح احطلج النظام الاول اوكي الصبح عالريج كوب ماء حار وفي عصير نص ليمونه الريوق : 5 حبات تمر + حليب وممكن اضافة نسكافيه او شاي والسكر خفيف ويفضل سكر الذره او شريحتين توست + جبن + حليب او شاي الضحي : عصير اناناس كي دي دي او حبة فاكهه الغداء : * نص علبة مشروم + سلطه __>طبعن المشروم تسوينه مع بصل وفلفل بارد وطماط وشوية ملح * 2 همبرجر + خضروات سوتيه بروكلي وزهره وكوسا + علبة روب يفضل خالي الدسم * 6_8 قطع شيش طاووق + سلطه خضراء * نص علبة فاصوليا حمرا او تونه بالماء مع بصل وطماط + خضروات سوتيه او سلطه طبعن تختارين كل يوم شي العصر : نسكافيه او حبتين فاكهه او عصير او 5 حبات تمر العشاء : * 2 توست + لبنه + لبن *فول + شريحتين توست *عصير اناناس كي دي دي + حبتين كيوي تحطينهم بالخلاط وتشربينهم واذا حسيتي انه بعدج يوعانه اكلي روي قليل او خالي الدسم وسلااااااااااااااااااااااااااامتج وباجر احطلج النظام الثاني ...
ماشاء لله عليها الله يتمم عليها النزول ويعطيها الصحه والعافيه اي حطي النظام الثاني بس اهيا النظام الاول تمت عليه جم اسبوع ؟ اسبوعين ولا شكثر + حبوب الخل ولا بعدين خذت حبوب الخل سوري ازعتج بس بضعف لوووووووووووووووووووووول
هلا فيكم .. حبيبتي اختي استمرت عالنظام الاول اسبوعين ..واستمرت عالحبوب فتره واقطعتهم عشان لا تضر معدتها
الله وناسه الله يعطيج العافية بس اختج اشكثر خذت وقت لين انزلت كل هالوزن ؟ طولت والا بسرعة ياب الرجيم نتيجه
