السلام عليكم انا متزوجة من سنة ونص وماحملت وابغى اروح بكرة عند وحدة ممرخة اسمها ام نواف وهي ساكنة في حي الدوحة في السعودية بس ابغى اعرف اذا فيه وحدة منكم تعرفها او راحت لها وكيف تمريخها منه فايدة بعد الله
هلا أختي . . . ربي يرزقج عاجلا غير آجل يااارب . . . والله ما اعرفها وياااريت اخواتنا السعوديات يفيدونج . . .
شنو يعني ممرخة؟؟ حبيبتي عادي اذا ماحملتي اول سنة مومعناتها انج فيج شي بالع** الله يرزقج بالي اتمنينه عاجلا غير اجل يارب
حبيبتى ... روحى لوحدة اسمها ام فيصل بالكويت بمنطقة جابر العلى وهى ممتازة بس انتى استمرى معاها واللى تقولج طبقية ... نصيحة لوجه الله .. والله يرزقك بالذرية الصالحة ..لاطوفج ياما ناس راحوا لاطباء وسوم عمليات .. قال الطب مافى شى .. وراحوا لام فيصل وخلال 6شهور بمشيئة الله حملوا .. وعلى فكرة اهى تقولج اذا لج علاج عندها اولا .. وتوكلى على الله وروحى ..
الله يجزاكم الجنة وعلى فكرة انا سعودية مشتركة في عدة منتديات لكن منتدى سيدات الكويت له مكانة خاصة عندي لانه اول منتدى اشترك فيه وانا سالتكم عن الممرخة قلت اكيد عندكم خبر عنها لاني اعتبر الكويت والسعودية شي واحد
والله ما ادري انت شتقولين يعني شنو تمرخها الحمل بيد رب العالمين مو بيد احد لا تعترضين عن حكم ربج عليج بالدعاء اللهم ارزقها بالذرية الصالحة يا مجيب الدعاء
اشكركم على المرور الجميل اختي {عمري اللي راح}انا اعرف ان الحمل بيد الله وموب بيد احد من البشر بس انا قلت{تمريخها من فايدة من بعد الله}وانا الحمد لله مااعترض على حكم الله لكن الواحد لازم ياخذ بالاسباب ويسعى ويشوف الاسباب اللى تمنع وفي نفس الوقت نحرص على كثرت الدعاء يعني مايصير نجلس وننتظر الفرج واحنا مااخذنا بالاسباب اتمنى وصلت الفكرة
