اختي اسئله مقابلة العربي عاديه اصلا لو ما تجاوبين ما يأثر على القبول احسن الدكاتره فاطمه العزمي وهزاع المرشد يحيى مير علم عبدالناصر فخروا اقري موضوعي تقييم دكاتره التطبيقي بهالقسم وان شاء الله بتستفيدين
انا تخصص عربي واسئلة المقابله مثل ما قلت اسئله عامه وعاديه انا سألوني نسبتج عاليه ليش ما دخلتي الجامعه شنو تخصصج المساند شنو البرامج الثقافيه اللي اتابعينها بس والعربي تخصص حلو ونادر ولج مكافأه تخصص نادر 500 دينار تنزل اخر الكورس بس فيه صعوبه شوي واي سؤال انا جاهزه والله يوفقكم حبيت اضيف ان التخصص المساند للعربي الاجتماعيات اسهل من الاسلاميه
السلام عليكم يابنات الي حاصل له تخصص رياض اطفال او رسم لا يطوفه انا الله بلاني في تخصص الاسلاميه ومساندي عربي ومتعذبه حدي وتعب وصعوبه ومحاتاه انا مااخوفكم بس صج صج يبيله فراغه ووطوله بال اشكثر فكرت اطلع من الكليه بس الحمدلله ضغطت على نفسي وبالموت مشيت لكن باقيلي كم كورس بالنسبه لدكاتره العربي عندكم يحي مير علم وهزاع وفاطمه العازمي وراشد جراري ومحمد نعناع واحمد العلي حيل زينين الله يوفق الكل والجميع يارب
الي كانت تسأل عن الهام المفتي شوفي هالمقرر هاذا عند الهام بالذات رح اتمشيج فيه وتنجحج عاادي اما اذا اخذتي عندها ادب اموي واسلامي وعباسي ومعرفش ايش لا والله بتطلع عيونج وبعدين انا ماتعجبني في المحاضره طريقتها غير مباشره وماتفتح الكتاب معاج يعني تقراا من مخها وبعدين انتي روحي حزه الامتحان وتذكري الي معاش والي مو معاش نصيحه ادب جاهلي عند محمد نعناع الله يوفقه
حبيبه f بسألج يختي انتي اي سنه ؟ ومساندج اسلاميه ولا اجتماعيات اذا اسلاميه هل يعطونكم مقرر تجويد ولا لاا؟
بنات بغيت اسأل عن الفنيه هل الطالبه الي تخصصها فنيه تأخر بالتخرج ؟؟ لاني سمعت انه محاضراتهم 4ساعات و3ساعات احس انها اتأثر عالتخرج .. يعني لو باخذ محضارات 3او 4ساعت بكورس واحد ماراح اخذ الا3مواد او4 .. اتمنى الرد بأسرع وقت وشكراا ... وهل موادكم واجد والا شويه ؟؟ وعدد الوحدات للماده واجد والاشويه ... انشالله فهمتو علي وشكرااا
لا بالعكس بخصوص التخرج اشكثر بنات اعرفهم تخصصهم فنيه ومرتاحيييييييييييين اخر رااحه ماشاءلله ويتخرجوون ب3 سنين ونص او 4 سنين وبعدين اذا المقرر الواحد 3 او 4 وحدات ف اكيييييد في حل يعني مثلاا المواد بتكون شويه او يدبلونها عليج انا اقول رااجعي التسجيل او المرشد العلمي اضمن لج موفقه يارب
بنات التربيه الاساسه انا الكليه فيها شي باط جبدي انتم ملاحظين المشرفات الي توهم حاطينهم @@ يعني تجيج الوحده تعلق عليج من فوق لي تحت انا اذكر وحده من المشرفات هزئت بنت والسبه انهاا قاعده تحط حمره مدري يعني وين قاعدين :/ بس مرات اقول زين يسوون على الاقل يضبطون لنا البنات انتم اشرايكم ؟؟
قــــــوــوـوه بنات كليتي شلونكم شخباركم ؟! مشتاقين للكليه أبي إجابه صريحه مع ذكر السبب << حشى امتحان هههههههههههههه
