السلام ياخواتي اللي لاحظته بعد تجربة الكثييييييييييييير إنه كثيـــر وصفات تكون خراااااافة بعضها أصحابها يبون يكسبون سمعة وشهرة ،، وبعضهم عندهم جهل ويبون يسوون شي جديد قال بس النتيجة يا أخواتي جداً مضرة بالشعر سواء للمكونات القوية والتي لا يتحملها الشعر أو بسبب طريقة الاستعمال ،،،، 3 زيوت فقط تفعـــل العجاااااااائب بشعـــــــــــــرك !!! وأنا أعتبر هالخلطة سر من أسراري لأن بصراحة مافي شي نبتلي شعر وأعطى لشعري حياة بعد ما كان ميت من الصبغات والسيشوار .. ومافي شي ريحني وقوى شعري وغلظه غير هالخلطة ،،، إليكـــم المكونـــــــــات:: علبــة زجاجية فارغـــة ونظيفة (شكلها مثل علب زيت الزيتون في السوبر ماركت فيها فتحة صغيرة من الأعلى لتسهل تقطير الزيت على الشعر ) زيت زيتــون أصلي بكر Extra Virgin Olive Oil - أو يمكن استبداله بـ زيت سمســم (ولكن زيت الزيتون أفضل) زيت خروع أصلي زيت صبـــــــار الطريقـــــة:: ضعي ربع العلبة زيت خروع ونفس الكمية زيت صبـــار (نفس كمية زيت الخروع) ثم أضيفي عليهم زيت الزيتــــون (أو السمسم) حتى تمتليء العلبة .. ومن ثم أغلقيها ... ثم رجيها جيداً وعند الرغبة في الاستعمال .. سخني الزيت لدقائق في حمام مائي (يعني حطي علبة الزيت في صحن فيه ماء حار) ومن ثم قومي بوضعه على شعرك بتقطيره على كل جانب من رأسك بكمية جيدة ومعقولة مع عمل مساج من الأمام إلى الخلف ومن فوق لتحت بحركات أصابع دائرية مع ضغط خفيييييف على فروة الرأس أثناء التدليك ،، ثم قومي بعمل ضفيــرة (عجف، تجديل، تضفير << بكل المصطلحات لووول) مع مراعاة عدم شد الشعر كثيراً حتى لا نرهق خصل الشعر الأمامية والتي يحصل لها عادةً ضعف وتساقط بسبب الشد ،، - وخلي الزيت على راســـك لمدة أقلها 4 ساعات وأكثرها إنك تنامين فيه وبعد ما تصحي غسلي شعرك مع استخدام بلسم مناسب ...ونعيمــــاً فواااائــــــده :: - إنبــــــات الشعر في أماكن الصلع أو الشعر الخفيف ،، - تغذية الشعر الجاف والمضبوغ والمعدووووووم وإعادة الرونـــــق والحيـــــاة له ،، - تقوية الشعــر الضعيف والهش وتغليظـــه وتسميكـــه ،، ملاحظــــة:تستخدم خلطة الزيوت هذه مرتين في الأسبوع أو ثلاثة مرات على الأكثر ... بس أنا شخصياً أنصح باستخدامها مرة أو مرتين بالأسبوع واستخدام زيت دابــر أمـــلا الذهبي لوحده مرة في الأسبوع عشان النتيجة يضاف لها طوووووووووول سريييييييييع ولمعة رااااائعة <<< يعني مرتين خلطة هالزيوت ومرة دابــر الذهبي ..... والنتيجـــــــة = شعر صغير نااابت من خامس استخدام والتغذية والرونق من ثاني استخدام والغلااااظة والكثـــــــافة والقوة فقط بعد 4 أسابيع ........... وحتكون خلطــــــة سهلة وعجيبة وتدوووووم معاكم العمـــر كله دعواتكم ل ( ديمة ) بالشفاء ....
يعطيج العافيه صراحه خلطه سهله ومريحه ومكوناتها حلوه بس ودي اسال اذا ممكن استخدمها لبنتي عمرها سنتين ونص وياقلبي شعرها خفييييييف
الله يعطيج العافيه والله ان هذي الاشياء كلها موجوده ورخيصه ون شاء الله بسويها والله يشافي ديمه امييييييييييين
هلا فيكم [quote=تيبو;101371]يعطيج العافيه صراحه خلطه سهله ومريحه ومكوناتها حلوه بس ودي اسال اذا ممكن استخدمها لبنتي عمرها سنتين ونص وياقلبي شعرها خفييييييف[/quote] هلا فيج اختي الخلطة مافيها اي شي يأذي البنت واستخدميها وانشالله تفيد البنت ... وفي خلطة ثانية حق الكبار بس ( ماي البصل ) تقطعين البصلة وغلينها مع قلاص ماي ولين تبرد تحطين الماي بس على الشعر من الليل لين الصبح وتغسلينه وهذه الخلطة نتايجها مضمونه انشالله 100% استخدمتها شخصيا وفادتني حتى شعري اول كنت اغطيه بباروكة او وصلات وحاله واستحي لما احد يشوفني على طبيعتي شكله يفشل بالمرة حتى من بعض التعليقات الي كنت اسمعها عن شعري اني كنت اتعالج بالكيماوي بس الحين الحمدلله . نصيحة يابنات الي شعرها خفيف تستعمله. طبعا وقفت استخدام الشامبوهات العادية وجبت شامبو صحي استخدمه مرة بالاسبوع وشامبو طبيعي انا سويته علشان طبيعة شعري دهني ويحتاج للغسل كثييييييير.
مرحبا بنات بصراحه كلام ام فهد صحيح لان انا مجربه ونتيجتها وااااااااااااايد زينه حق الكبار والصغار وجرب خلطت البصل واقولكم بس عطوني فترة
تسلمين ام فهد بس الثانيه ماي البصل ويييييييع استحاله استخدمه والله راده بس ادعي لديمة اللهم شافها شفا لايغادر سقما
مشكورات خواتي واتمنى انكم تستفيدون من هالخلطات.... بس حبيت اسأل عن اللي تعرف زيت انوب الهندي عندي خلطة فيها هذا الزيت وبقولكم عليها انشالله بس القاه...
شكرا حبيبتي ام فهد حبيت اسأل خلطه البصل كم مره استخدمها بالاسبوع وتظل ريحتها والاتروح لان مره جربت الثوم كرهت عمري من ريحته ماصدقت طلع
