السلام عليكم ورحمة الله وبركاته طبعا اخواتي وحبوباتي كل وحدة صبغت شعرها سواء حق عرس أوعرسها قرب او طالعة من الاربعين أو جذي فصلت وراحت صبغت اكتبلنا تجربتج مع الصبغه ولونها شلون طلع معاج وهل ناسبت ويهج ووين صبغتها واذا قدرتي ترفقين صورة تقريبية للون عشان تعرفون في واااايد حريم وبنات محتارين شنو يصبغون نبي الكل يستفيد ويالله شدواااا همتكم :wink_smile:
موضوعك رائع وبصراحه ماحبيت امر من دون اقول ولو معلومه بسيطه دايما الاحظ المراه اسمراء المايله للبياض تكون صابغه عسلي وهايلايت اشقر اما المراه البيضاء يناسبها الاشقر والبني والاسود اما اللي تعاني من الشيب دايما تصبغ عسلي والهايلايت ثلجي علشان يخفي الشيب معلومااااااات بسيطه وعلى قدي تقبلوها ومشكووووووورين حبايبي
مشكورة هيوفة على المعلومات الرائعة أنا بالنسبة لي مجنونة اصبغ كل الألوان بس محافظة على شعري من التلف عقب الصبغ ودقيت بريك على الأسود حيل حلووو خصوصا للي بشرتها سمرا مايلة للبياض وصافيه
العفو عزيزتي تصدقين انا طول عمري ماصبغت شعري كله خوف من التلف لاني اشوف اللي يصبغون بكثره شعورهم تالفه وعلى فكره اكيد سمعتي بالصبغات الطبيعيه اللي مع الحنا
هيوفة اي والله سمعت فيها روووعة وماشالله الله يتمم عليج انصحج لا تصبغين لانه عوااار راس عندي وحده من رفيجاتي صابغه من صبغات الحنا ماشالله الالوان تطلع مضبوطة
واااااو ريماس اللون روعة والاء دشتي معرووف بالاهتمام بالشعر حتى عندهم كورسات علاجية روعه اذا شعرج طويل وبستين سعرهم حيل حلووو
آنا بيضا حيييل وصبغت كل الألوان بس الحين صابغه شعري بلاتيني حده عجيب يعني بيج فاتح حيل ثلجي كله وصاير علي حلو ومتشيشه حدي أصبغ أسود لأني مجربته من قبل وحلو علي بس مشكلتي أحب الصبغات والأسود معروف ماينصبغ بعده واذا بسحب اللون حرام بيتعب الشعر ومايعطي نتيجه فظليت علي لون شعري وصابغته ب65 دينار صراحه الصبغات غلت حيل وماتسوا
يعطيج العافيه على الموضوع حلو صبغج ياريماااس الاء دشتي بفندق صح ؟ بناااااااااات احلى صبغه للحنطاويه ابي جديده تفتح شنو ودي مع خصل شنو تنصحوني ؟؟
لا الاء دشتي مو فندق بمركز خاص فيها يعني صالونها بالنسبة لصبغه مع خصل صراحة اسود مع خصل ثلجي بالبداية كنت اضحك على بنت عمي مسويتها بلبنان بس والله لما شفتها غيييير غيرت رايي وصارت حلوه وبعدين طايحيين فيها موضه اذا انتي من النوع الجري واللي يحب الصبغ اما اذا ما تحبين غامق روحي للصالون وقولي ابي لون بندقي فاتح باهت ( مثل صبغت جويل ) وخصليها ثلجي شوفي شلون يطلع شعرج مو طبيعي تحياتي
مساء الخير للكل بالنسبه لي اموووووووت على الصبغات واللوكات اليديه ودايما حريصه اني اكون بلوك يديد كل فتره انا قبل فتره صبغت شعري رمادي وخصل ثلجي وبلاتيني طلع خيال وصبغت شعري عند صالون اسمه برونزواج صج كاتن حلو والحلو ان الصبغه بالاعشاب وقالتلي ماينزل الصبغ بسرعه وفعلا هذا الي صار من زمان صابغه وتوها نازله اشوي وبروح اجددها واصبغ الجذور من كثر ماهي حلوه وبالنسبه للصبغات الكل ايي ويسألني شنو الصالون وانا عندي صالونات مااغيرها ولا اجازف بالصبغه علما بان شعري لحدخصري صالون برونزواج يصبغونلي ب70 وصالون بالجابريه 90 نسيت اسمه بس الي يبي اعطيه رقمهم وصالون سوسن ستايل 40 حلو وايد ورخيص واهو الفرع الثاني لصالون برونزواج وصالون ناديه ستايل 60
هلا حبايبي انا صراحه صبغت شعري لون الشوكلاته الفاتح وانا بيضه طلع وايد حلو صبغته بلبنان وشبهوني بالفنانات لووول ونفسي اصبغ اسود او اشقر بخصل ثلجيه اجرب واقولكم يسلمو على الموضوع
السلام عليكم حبيت اقولكم عن صبغتي بس ابي ردكم -خلطت اشقر غير لامع و اشقر رمادي فاتح وغامق ومتوسط واشقر مطفي متوسط واشقر مطفي غمق وكل واحد معه 60 مل من بيرو كسيد طبعا سحبت اللون قبل والالوان هاذي كلها لان شعري كثيف وطويل شوي وبعدين الخلطه كلها من خبيرة تجميل معروفه اللون رووعه الخصل بلاتيني اتمنى انكم ماتضحكون من مغامرتي ودمتم0
يعطيكم العافية انا صبغت لون اشقر فاتح وطلع مره حلو واسم الصبغة لومينانس وخلت شعري ناعم بعد ماصبغت ولا حسيت في يوم بخشونة بشعري.....
السلام عليكم ورحمة الله وبركاته وكل عام وجميع الاخوات بخير انا عضوة جديدة في المنتدى واتمنى الفائدة لي ولكم بالنسبة للصبغة انا دائما اصبغ في البيت من ويللا اللون (( سيكلامي )) خطير اللون خاصة مع الاستمرار فترة من الزمن حقيقي الكل راح يسالك عن اللون بس استمري كل شهر علشان يمسك اللون ( الصبغة عبارة عن عصار وخذي معاها الاكسجين واستخدميهابنفسك معاها طريقة الاستعمال)
