السلام عليكم شلونكم حبيباتي؟؟ اليوم بكتب لكم موضوع لوووعه بس مو عشان ألوع جبدكم .. لا عشان اغلبكم عيالكم يحبون الكرواسان فا حبيت انبهكم وتديرون بالكم وتنتبهون عدل على التاريخ لانهم غشاشين .. يحطون تاريخ جذبي و يصرفون منتجاتهم على حساب صحتنا وصحت عيالنا حسبي الله عليهم تبون تعرفون شصار فيني ؟؟؟ انا متعوده لمن اقعد الصبح اكل كرواسان واشرب حليب .. يعني شي خفيف وسريع <<< كسلانه وطايحتله كرواسان .. المهم كليت اليوم الصبح كرواسان والله احس لايعه جبدي .. وييت بليل قلت باكل شي خفيف وانام .. فكرت شنو اكل .. وشفت الكرواسان جدامي قلت خل اكل كرواسانه وانام .. ييت فتحتها وابي آآآآآآآآآكل جااااااااااان انصدممممممم !!! شفت عفن عفن عففففففففففن يا بنات بشكل يلوع الجبد حسبي الله عليهم والله لاعت جبدي وقمت ارجع.. وانا عرفت ليش الصبح لمن كليت الكرواسان حسيت بطعم مررر وووووووووع حسبالي طعم المر لاني حامل !!! وقلت لازم اصوره واوريه حق خواتي بالمنتدى .. بنات شوفوا بنفسكم واحكمووو شوفو التاريخ متى ينتهي وشوفو انا متى كاتبه الموضوع وقارنو باقي حق الكرواسان 4 ايام وينتهي طبعا انا شفت العفن قبل ماتصير الساعه 12 وقبل ما ينحسب يوم يديد.. انا باجر بوديه للجمعيه بوريهم وبروح حماية المستهلك بنات ماتخيلون نص القوطي معفن هذا غير اللي بلعته من غير لا ادري علبونه التاريخ يديد لكنهم اكبر غشاشين هذا مو زيتون ... ترى هذا عففففففففففن وووووووع شوفو القطن اللي حوالينه وووووع مقططططططططن ومعففففففففن شوفي زاوية اليسار فيها عفن وشوفي العفن اللي تحت واذا تلاحظون تحت كلمت جبن فيه عفن ابيض وفوقه اسود هذا التاريخ اللي عالعلبه بس مو واضح شوي (( يخلص بتاريخ 23-7-2010 )) وهذا التاريخ اللي عالجيس مال الكرواسان نفسه شوفوا التاريخ اللي على جيس الكرواسان وشوفو انا متى كاتبه الموضوع تاريخ اليوم الحين صار 20 لانه طاف الساعه 12 لكني شفته قبل الساعه 12 يعني كان تاريخ 19-7-2010 اذا شريتو شي شوفوا التاريخ عددددددددل حسبي الله عليهم بنات سووه ايميل ونشروووووووووه
انا اول مره اشوف هالنوع كيفكو احنا كله الفيصل شحلاته فرششش وحلو وهالشغلات لازم ماتشترين منها واجد لانها تخرب بسرعه مع الجو الحين بعد
مشكورة ع التنبيه . . . تلاقين التخزين جدااا سيئااااااا وبالتالي الشركة مالها شغل الجمعية مسؤولة عن هالنتيجة حسبي الله ع المسؤول بس . . .
حبيبتي انا اموت على كرواسان الفيصل لكن دايما مو موجود بجمعيتنا مافي الا هالنوع قتلج انا احط هالشغلات بغرفتي وفيها تكييف 2 << مكيفتين والغرفه بارده مو رطوبه
لاحول ولاقوة الا بالله زين الله ستر عليج وعالبيبي يابعد عمري ماتشوفين شر والحمدالله على سلامتج يالغاليه حسبي الله على اللي كان السبب سواء الجمعيه او الشركه نفسهااااااااا وااااااااااااااااي قطيعه تقطهم
