السلام عليكم.... خواتي بقولكم عن تجربتي مع مكتب النقا بفحيحيل رحت لهم واخذت اثيوبية مسترجعة وقعدت عندي اسبوعين ياحلوها تهبل وتبي تتعلم تطبخ (اربعة شهور في بيت قبلي يعني كانها جديدة بدون خبرة) وخذوا مني 480 دينار ولمن حولتها على كفالتي من ثاني يوم بالضبط قامت تتخانق مع بناتي وتخربط وايد وقالت مابي اشتغل قلت لها ليش ياماما انتي صغيرة وهذيلا بنات صغار لعبي معاهم بس ماكو فايدة وقامت عضت بنتي الصغيرة ام سنة ولما وديناها المكتب مارضت الاتروح مكتبها اللي اخذناها منه فقالت المسئولة عن الاثيوبيات هناك (اسمها فاطمة) بعطيكم فيها 450 قلت مايخالف خسارة 30 ولا اكثر واليوم لما رحت اخذ الفلوس مارضت تعطيني الا400 وهددتها اشتكي عليكم تقولي بكل برود عادي روحي اشتكي وراهية علي بعد والله حسيت بالقهر اهم عبالهم الفلوس لاقينها بالشارع حسبي الله عليه بعد هالتجربة بس احبيت انبهكم من هالمكتب النصابين مقهورة حبيت افضفض معاكم وتسلمولي
الله يعوضج خير كل المكاتب بدون استثناء نصابين والقانون مقويهم انا مكتب النجدى اللى بالفروانيه نفس العمليه اثيوبيه قعدت شهرين عندى اخذيتها منه 450 ولم رجعتها اخذها تصورى 300 بس ما اقول غير حسبى الله ونعم الوكيل فيهم
ياريت تكتبين لنا اسم هالمكتب . . . شكلهم قاصدين هالحركة حسبي الله عليهم . . . وربي يعوضج يااارب . . .
نفس المشكلة مع مكتب علي مرزوق الشمري اكبر نصاب وجذابين كل اللي في المكتب كل اللي يجيبونهم من اوصخ الاماكن وارداهم وفوق هذا يجيبون خدم مرضى ولسانهم طويل من الاثيوبيات بس ما خليتهم ليما الحين مبهذلتهم لا هم طايلين مني سما ولا ارض والشكوى بالعمالة المنزلية اللي في بيان على هالمكتب
حبيبتي المكاتب حسبي الله عليهم يتفقون مع الخدم لما تخلص الكفالة تسوي سالفة عشان ترجع للمكتب ويبيعونها وهم الكسبانين وأحنا نخسر فيها فوق المية والخمسين الله ينتقم منهم
هاذي مشكله الخدم لي رديتيهم يمرمرونكم لي يعطونكم الفلوس لا وناقصه بعد مره هنديه اخذناها عن طريق المكتب استلمو كاش ولما رديناها طبعا هي الي قالت ودوني ماتبي تشتغل ومرمرونا علا ماردولنا فلوسنا ناقصه
اي والله صااااجين اغلب المكاتب يتفقون مع الخدم يقعدون لين تخلص الكفاله عشان ما يردون فلوسج كامله وبعدين عقب ما تخلص الكفاله تيي الخدامه علي البراااااد تقولج ماما ودي مكتب ما يبي شغل mg_smile: صج حسبي الله عليهم
السلام عليكم حبيبتى انا زوجى عند مكتب خدم وعندى خبرة هههههههههههههههه بس اكيدة انتى مو معطى الخدامة معشها
حبيبتي راجية الجنة الخدامة ماقعدت عندي شهر عشان اعطيها معاشها ثانيا المكتب النصابين (النقا بفحيحيل) خذو خمسين دينار غير الخمسين الاولى حق المعاش وهي مومكملة شهر يعني من ال480 ما استلمت منهم الا350 حارقين قلبي يعله زقوم ببطونهم والمبلغ هذا وبما ان عندج مثل ماتقولين خبرة ماييب خدامة حتى اي جنسية خصوصا برمضان وياريت تقوليلي من واقع خبرتج ليش المكتب يشيش الخدم على النحشة ويقعد ياجرهم ويتاجر فيهم تجارة الرقيق وهم من واقع خبرتج قوليلنا ليش يرفعون اسعار الخدم على الناس حصوصا المسترجع والكفالة وبعد من واقع خبرتج قوليلنا الفلوس اللي قاعدين ياخذونها المكاتب بهالطريقة حلال ولا حرام؟؟؟؟؟؟؟؟؟؟؟؟؟
انا نفس السالفة اختي راجية الجنة ما قعدت عندي حتى اسبوع مع العلم بيتي الحمدلله نظيف جدا وهادي جدا والبيت ما فيه احد ارد من الدوام الساعة 3 تقريبا وما تطبخ لاني ماخلي احد يطبخ لي وانا ماعلمته شغلي - ملابس ماتغسلهم انا بس اغسل ملابس عيالي وزوجي لاني ما احب احد يغسلهم غيري - يعني كانت بس للتنظيف وما قعدت عندي اربع ايام اول يوم وصلت الساعة 9 بيتي قلت لها تعشي وتسبحي ونامي عشان ترتاحين ليما باجر واعلمج شغل بيتي وثاني يوم قعدت متاخر وسكت قلت يمكن تعبانه ثاني يوم اطلع الدوام ارد البيت مو نظيف ليش ما نظفتي تقول لي ليش هو الحين مو نظيف ؟ سكت عنها وتعوذت من ابليس ثالث يوم ارد البيت نفس السالفة ما نظفت البيت قلت ليش ماما ما نظفتي البيت قالت يوه انتي كله تقرقرين وديني المكتب انا اللي بالمكتب قالت لي اذا مو عاجبج الشغل في البيت تعالي المكتب اوديج بيت ثاني بعدها قلت برة هذي ما تقعد مو بس في بيتي بالكويت كلها ما تشتغل مابي ابلي ناس غيري فيها -يعني في هاليومين ما شافت خيري من شري وانا اقول لج اختي راجية الجنة لا تتهمين ناس انتي ما تعلمين عنهم ولا شفتي بعينج اذا ترجين الجنة والله لا يبليكم بمثل ما ابتلانا
