بنات ممكن تساعدوني حبيت شخص بدون ما يدري وبنيت احلام للعلم هو ما قد شافني بس هو من العايله وانا اسمع وايد عن اخلاقه الطيبه بس هو تقدم يخطب اختي اللي اصغر مني حتى هي ماقد شافها بس سمع عنها هي وافقت وعرسهم بعد العيد وانا حزينه ومتضايقه ومااحس بطعم شي كل شي عندي مر ومضلم للاسف صرت اكره اختي وحتى مبروك ما قلت لها للعلم هي ما تدري اني اكنت افكر فيه حتى امي صرت ما احبها ولاايلس وياهم صرت اكرهم وابتعد عنه انا متضايقه من حالتي بس مب قادره انسى واخاف تتطور حالتي السيئه الى اكثر من جي ساعدوني
حياتي حمدلله ان مو تحبوون بعض و راح من ايييدج ادعي لاختج بالتوفيق و بالعكس هذا نصيب و كلن ياااخذ نصيبة باجر ايييج نصيييبج و ينيييج طواايفه اللي ياابوه لا تفكرين جذي واختج مالها ذنب فرحييلها دامج تدرين ان اخلاقه طيبة و بيسعدها و امج مالها ذنب اتعوذي من الشيطان والله يصلح بالج ..
اذا تحبينه صج تتمنين له السعاده هذا هو الحب هو سعادته مع اختج والحب فيه تضحيات وانتي ماواجهتيه بامشاعرج لذلك الحين ينفرض عليج انج تتعتبرينه اخ لج لانه صار زوج اختج والرجال بداله الف لكن الاخت ماتنعوض لاتخسرين اهلج علي شيء صار وخلص تقبل الواقع وقول الله يوفقهم وان شاء الله ربي يرزقج اللي احسن منه
لو شنو ماراح تاخذينة اذا مو من نصيبج الحمدالله الله يوفقهم ويعوضج بالي احسن منة عادي مافيها شي ولاتبيني لاختج تهدمين حياتها عشانج ولاتفرضين نفسج علية اذا ماتقدم لج بيجيج الي ابرك منة خلي الوضع عادي ولايهمج لجل عين تكرم 100 عين والعين اهيا اختج
يا حياتي الله يكون في عونج و الله ادري انج بنار حبيبتي اطردي الشيطان و موكل واحد سمعته بين الناس زينه يكون صج اتمنى يون خطيب اختج ذو خلق و الله يتمم عليهم صدقيني حبيبتي انسي و ركزي على نفسج على شهادتج وركزي يكون شكلج روعه بالعرس ولا تبينين لحد انج متضايقه والله يسعدج و يجيبلج النصيب الي تمنين والي يزين نيته والله والله الله يوفقه حبيبتي توضي واقري القران و اطلب من ربي العون ترا ربي عظيم رحيم مجيب الدعاء و قولي يا مقلب القلوب ثبت قلبي على دينك
شوفي حبيبتي اللى عليج تسوينه انج توقفين مع اختج وتفرحين لها من كل قلبج ولاتبينين لاي احد ان بيوم من اللايام انتى حبيتيه من طرف واحد وكانت مشاعرج مايله صوبه لان ممكن مع الوقت اختج تغار وتصيرلها مشاكل معاج روحي كشخيها وخليها تكون ملاك وهذا نصيبها وانتى بييييج اللى احسن منه وادعيلها بالتوفيييييييق
قلبووووووووو هذا احلااااام طفوله وانتي كبرتيها عسى ان تحبو شيئا ويكون شرآ لكم<<بما معناه باركي لها هي مالها دخل هو جا طلبها وتلاااقينه حاب اختس وواحد يحب احد غيرتس وش تبين به<<سوري ع صراحتي وبكرره ربي يرزقكك خيرن منه تقبلي هذرتي
حبيبت قلبي متوكله كنا وحنا يهال اى شخص انشوفه نحبه ونرسم اشكال والوان عليه وبدون مايعرفنا ولا شيء وندعي بصلاتنا يكون من نصيبنا شنا الخبوله بس الحمدلله كبرنا وعقلنا وانتى مجرد حالت مراهقه لااكثر وافرحي لاختك وصدقينى رح يجيكى الافضل والاحسن واراهنك على ذالك من اخت امجربه لكي حبي ومودتى وطمنينى عليج
تمني لهم الخير وباركيلهم ولا تحسسين اختج بأي شي اهي مالها ذنب هذا نصيب وكل انسان ياخذ نصيبه من هالدنيا والله يوفقج انشالله ويرزقج ويعوضج بزوج احسن من اللي كنتي تتمنينه قولي امييييين
تذكري انه اختج مالها ذنب ابدا وخلي نيتج صافيه علشان الله يوفقج باللي احسن منه اقري قرأن يريح بالج ويطرد الافكار السئه اللي براسج انسي انج كنت تفكرين فيه افتحي صفحه جديده بحياتج
هذا النصيب يايخيب يايصيب وصدقيني الحب بعد الزواج والله راح تنسينه وتضحكين علي نفسج وكثر ماتقدرين حاولي تتقربين لاختج ودعيلها الله يوفقها علشان ربج يوفقج بزوج الصالح وامج مالها ذنب لان هذا ربي كاتبه موبأيد امج او اختج وانتي بنت فاهمه وعاقله ومبين عليج خلوقه وطيبه والله يكتبلج السعاده بدنيتج بس لاتخلين الحقد والكره يخرب علاقتج بهلج صج صعبه عليج بس موبيدج ولابيد اهلج وخلاص صار زوج اختج شلون تحطين عينج عليه والله يعينج ويرزقج بزوج الصالح
حبيبتي هذي اختج تمنيلها السعاده نفس ما تتمنين حق عمرج وادعيلها الله يوفقها وكثري من الاستغفار وقراءة القرآن واختج وامج مالهم ذنب تكرهينهم
ماتدرىن خيره لك من رب العالمين وكل شى فسمه ونصيب ماكو بهالبلد الا هالولد باجر ايج احسن منه ولا يضيق خلقج وتوكلى على رب العالمين وروحى باركى لاختج وساعديها وجهزى وياها فرحى ان شاءالله باجر تبشرينا بخطوبته بزين الشباب
اختي البنات ما قصروا وفعلا اذا تحبينه وقبله تحبين اختج تتمنين لها الخير مثل ما تتمنينه لنفسج ولا تحطين ببالج انه كان لج واختج خذته منج لا هذا الشيطان يبيج تفكرين باهلج بالسوء وهم ما لهم ذنب ادحري الشيطان وحبي لاختج الخير وتمني لها السعاده والله يرزقج الزوج الصالح ويسعدج
