السلام عليكم اول شي كان في تجمع حق الي مسوين علمات التجميل بس كان قديم وكان حق كل انواع العمليات لكن هني بخصصها بس حق الي مسوين علمات تجميل حق الخشم الي مسويه او تعرف احد مسوي ياريت تفيدينا تكتبين اسم الدكتور واي عياده وبأي دوله وشلون النتيجه وجم كلفتج "السعر" ؟؟؟ انا ناويه انسالله اسوي خشمي بس مو عارفه وين اسويه بالكويت ولا بأيران .. احس ايران خبره اكثر من الكويت من كثر الي يروحون يسوون عندهم .. وبيني وبينكم ارخص من الكويت .. فياريت تساعدوني منو مسوي بايران ومنو مسوي بالكويت ؟؟؟ ملاحظه : ياريت محد يخرب ويطلع عن الموضوع وياريت بعد محد يدخل بسالفه الدين لان في ناس سائلين وقايلين حلال حق العيوب الخلقيه وتشوهات وياريت يتثبت الموضوع عشان اي احد عنده استفسار يدخل هني :>
بما اني اندقرت حدي 30 مشاهده ومحد رد انا راح ارد ولا تصير بخاطري :wink_smile: اختي سوت خشمها عند عبدالمحسن جعفر .. النتيجه مو حلو حلو ولا يلوع الجبد صار عادي من جدام شوي منتفخ المشكله مو من الدكتور من اختي ثاني يوم شالت الحديده الي تنحط على الخشم عشان بتشوف شكله عاد بعدين ردت حق دكتور حطه لها وكان ضاغط حيل عشان يمسك وضغط على الخشم لمن طلع من خشمها دم شالته اتوقع لو مخليته يمكن يصير اوكي خصووصا وايد مادحينه لها وطلعت عمليتها مع اقامه يوم بمستشفى خاص نسيت اسمه قريب 2000
انا ارد هلا حبيبتي بصراحه انا سويتها عند خالد الصبيح وماضبطت كلش نصب علي واخذ فلوسي عالفاظي وصار عندي انحراف واضح والحين ادور دكتور مضمون عشان اضبطه
حبيبه قلبي انا سويت عمليتي بايران " مشهد " عند دكتور بورصادق وكلفتني العمليه 550 الى 600 دينار كويتي والحمدالله عمليتي وايد ناجحه وما يبين مكان الغرز نهائيا ووايد بنات راحواا عنده من بعدي والحمدالله كلهم كانوا راضيين عن عملياته والحين ارتفع بالسعر وهذا رقم الدكتور المباشر ممكن تتفقين معاه وتستفسرين منه 00989151163835
والله مشاركتج واااااااايد افادتني .. انا انشالله بروح ايران بسوي خشمي بس متردده عند منو اسوي بور صادف ولا لطفي زاده المشكله اثنينهم مادحينهم وايد .... تصدقين ان دقيت على سفريات دشتي قالتلي المندوبه يسوونه ب 1200 غير سعر التذكره شدعوة ضعف السعر ؟؟ .... وبما انج مسويه عنده نبي من خبراتج ) شكثر قعدتي بمشهد ؟؟ يكفي اسبوع ؟؟؟ انا قالتلي يبيلج اسبوع .. بس مو شويه ؟؟ شلون على الجبيره يبيلها اسبوع علما تنشال !! مايبيله مراجعات ويشيل الخياط من هالسوالف ؟؟
ويييه حرام عاد تصدقين وايد يمدحوونه بعد عبدالمحسن جعفر بس الظاهر المدح الزايد يعطيهم ثقه اكثر من اللازم ويخورونهااا بخشوومناا شووفي روحي ايران عند بور صادق وايد مادحينه خل يعدله لج وارخص من الكويت
حبيبه قلبي الاسعار صج ارتفعت وليش ما اتصلتي عالدكتور نفسه احسن وتستفسرين عن سعر العمليه وعلى فكره السفريات لازم لهم عموله واسبوع تراه كافي انا تميت اسبوع ورجعت والحمدالله كل شي اوكي وصديقتي لما سوت العمليه على فكره ترا بس 5 ايام ظلينا هناك وعطاني ورقه توصيه للدكتور الحربي لأن الحربي كان يروح عنده ويعرف طريقه عمليات بور صادق ولما اتصلت عالحربي قاللي انه هو باجازه ووصاني على منذر العجمي لأن منذر كان بايران ويعرف طريقه بور صادق بالعمليه ورحنا انا ورفيجتي عند العجمي وعرف ان العمليه كانت عند بوصادق وشال باجي الغرز
سلام عليكم حبابة انة نفسج بسوي عملية خشمي وبسويها ان شاء الله في سوريا عند دكتور بشار رباح وايد قريت عنه في النت ودشيت الموقع ماله شفت شهاداته وخبرته واللي شفته ان الكل يمدح فيه، انة كنت امفكرة اسويها في ايران عند بور صادق بس اللي عرفته انهوة وايد رفع اسعاره واما بالنسبة لدكتو بشار انة كنت مطرشتله ايميل سألته عن تكاليف العملية ورد علي ان العملية اتكلف 550 دولار ماعرف جم بالكويتي لاني من البحرين.
ام حوور حاولت اسوي الي قلتيني عنه بالخاص مو ماصار مادري ليش عالعموم الحين انا ايران وسويتها عند بور صادف خدى مني 1200 دك هذا ثاني يوم لي بعد العمليه الحمدالله لي الحين كلشي سهالات وموحاسه بعوار الحمدالله بنطر اسبوع واشيله بالكويت عند دكتور خالد زاده بمستشفى الشفا والي يبي التفاصيل يقوولي بالخاص لاني ماراح اكتبها هني .. اتنقهرت حدي 136 مشاهده و9 ردود !!
اي صج انا سامعه عنه يمدحوونه سويتيها ولا بعدج ؟؟ مشالله سعره وايد رخيص يعني تقريبا 150 دك .. انا سويتها عند بور صادق ب 1200 دك
ممكن اسالج حبيبتي اللي مسويه عند بور صادق كيف التخدير عنده موضعي ولا بنج كامل وكيف متعبه ولا لاني شوي خوافه
السلام عليكم حبيبتي ان اسويت خشمي عند خالد الصبيح قبل 4 سنين وماشاءالله على شغله والله مو طبيعي كان مدور الحين صار طوالي وسيده وحده عجيب والله شغله وااااايد عسل كان مسويلي اياه ب 1200 بس الحسن قام يسوي من 1800 وفوق :thumbs_up: والله انصحج ترووحين عنده وايد شغله مضبوط ومسوي حق بنت خالي ورفيجتي وحلو والله :thumbs_up:
هلا حبيبانتي انة للحين ماسويتها بس صج وايد ارتحت حق دكتور بشار الرباح من اللي قريته عن تجارب البنات اللي مسويين عنده وبعد دشيت الموقع مال الدكتور وشفت كل شي عن تخصصه ونشاطاته ومكان شغله و وين دارس وشنو عنده من شهادات.... ملقووووفة ومتخرعة لازم اتطمن قبل لا اقرر اسافر واسوي عمليتي عنده!!
