شلونكم خواتي مبارك عليكم الشهر وجعلنا الله من قوامين هذا الشهر الفضيل وصوامينه يارب العالمين0 بمناسبه شهر رمضان الكريم وهو شهر خير ورحمه وشهر انزله فيه القرأن 000 حبيت اني اسوي تجمع خاتمات القرأن الكريم بأذن الله في شهر رمضان انه نشوف منو اكثر عضوه تختم القرأن الكريم في شهر رمضان المبارك000 اتمنى اني القا الحماس والمنافسه الشريفه في هذا التجمع لانه بيكون محدد بس بشهر واحد الا هو شهر رمضان 000 واتمنى تثبيت الموضوع لمده شهر لانه فيه الفايده بأذن الله ولاننسى انه بشهر مضان اي عمل نقوم فيه مضاعف الاجر بأذن الله والفايزه بأذن الله راح يكون لها توقيع تشجيع لهاا ونحتفل فيها ان شاء الله000 ولاننسى انه واخيررا 000
مشكوره يا قلبي ام نوافي وعساج على القوه وعسى ربي يتقبل صيامنا وصلاتنا وحبيت اشارك وياج وان شاء الله اقدر اختم القران يارب
ام محمد حياج الله حياتي والله يسلمج وعساج عالقوه000 يالله نبي همه عشان نبدي اول يوم رمضان ان شاء الله000
السلام عليكم حبيبتي عسا الله يتقبل صيامنا وقبامنا يارب وانشالله بختم القران بالشهر الفضيل وانا ولا مره ختمته وانشالله معااااكم والله يجزاج كل خير ولج اجر انشالله
الله هالموضوووع بيكون فيه تنافس حلووووووووو بس حبايبي اهم شي التدبر اتمنى اكون معكم بس فتره رمضان ماافتح النت يستاهل التثبيت اللهم اجعل القران شفيعا لنا يوم القيامه يعطيك العافيه قلبي على هالتجمع جزاك الله الجنه بيض الله وجهك
ام نوافي جعلة الله بميزان حسناتج بس الختمة اهيا حفظ القران واشوف شوي صعبة تحفضينة بشهر ولا قصدج نختمة نقراة كلة هذي مقدورة عليها باذن الله بس حفظ مااظن وانا بادية باول سورة البقرة واصلة ص 9 ودعولي احفضة كلة يارب تقدرني علي حفضة مشكورة ماقصرتي
حياكم الله حبيباتي وعساكم عالقوه000 علوي لا قصدي الختمه انه نقرا القران كله بأذن الله مو حفظ لا قرأه في ناس ماشاء الله تختم القران برمضان اكثر من مره وكانو الصحابه رضوان الله عليهم كل 3ايام يختمونه مره يعني تصورو بالاسبووع مرتين يختمونه ماشاء الله يارب تجعلناااا مثلهم يارب000
اللهم آميـــــــن أنا اليوم بإذن الله بختم القرآن وأبدي أول يوم برمضااااان والله يقوينا ونختم أكثر من مره جزاج الله خير أم نوافي
ماشالله عليج موضوعج يستحق التثبيت انا باذن الله بكون معاكم والله يتمم علينا ونختمه ان شالله مبارك عليكم الشهر
السلام عليكم ورحمة الله وبركاته مبارك عليكم الشهر وتقبل الله منا ومنكم صيامنا وقيامنا جزاكي الله الف خير وجعله في ميزان حسناتك
جزاج الله خير ام نوافي على البادره الحلوه اللي فيها منفعه بالدين وهذي طريقه للختم القرأن بأقل من شهر هي؛ قرأه خمس صفحات على الأقل بعد كل صلاة وعسى الله يقدرني ويقدركم على ختمه مرتين في هذا الشهر الفضيل يستاهل التثبيت ملاحظه واتمنى ام نوافي تقبلها بصفحتها هي (كل يوم تحددين بهذي الصفحه بأي جزء وصلتي )
جزاج الله خير أم نوافي والله بادره طيبه وانا راح أكون معاكم بقلبي لأني ماراح ادش المنتدى برمضان والله يتقبل مني ومنكم صالح الأعمال
ياحياتي ماقصرتووو عالمرور ومشاركتكم والله يتقبل منا ومنك بكره رمضاااااااااااان وناسه بنتسحر اليوم هههههاي حياتي وينعاد علينا وعليكم بكل صحه وعافيه وويعينااوعلى صيامه وقيامه يارب0000 ان شاء الله كل يوم ندخل ونقول وينوصلنا بالقراءه انا اليوم ان شاء الله ببدا اقرا من بدياه البقره ولازم يابنات نتدبر بالقرائه ونتعض من القصص وترا الدنيا ياجماعه والله ماتسوى غير رضا ربنا علينا وبكره ان شاء الله القران يشفع لنا يوم القيامه ولا ننسى انه بكل حرف لنا حسنات مضاعفااا والله يتقبلهم مناايارب000 بنات نبي تشجيع وحماس 0000
السلام عليكم بما اني متحمسه اختم القران بعطيكم طريقه واااااااااااايد حلوه وامشوا عليها بعد اذن ام نوافي فديتها وبخلال عشر ايام تختمون القران يعني 3 مرات في الرمضان انشالله
