السلام عليكم ورحمه الله وبركاته شلونكم بنات شخباركم ..... بصراحه انا اول مره اكتب موضوع واتمنى الكل يتفاعل معااي فيه لانه جد هالموضوع حساس وابي نصيحه منكم للاخت اللي طلبت مني اكتب هالموضوع وهي مشكله باهلها كلهم انهم مايصلون وابوها وامها نفس الشي محد قاعد يصلي وماحب اطول بالموضوع بس ياريت نصايحكم وتشجيعكم للبنت شلون تشجع اهلها وخاصتن ابوها ويعطيكم الف عافيه وجزاكم الله الف خير
الله يهديهم ووفقهم لدرب الحق والصلاح قولي لها تشتري اشرطه اوسيدي عن عقوبة ترك الصلاه وتحطي لهم في السياره وتشتري الكتيبات وتقول لهم قصص عن عقوبة تارك الصلاه واهمية الصلاه في حياة الانسان الله يهديهم يارب العالمين
انا اتوقع بعد مو بس هالبنت اللي تمر بهالحاله بس واجد عوايل تمر بجذي واتمنى انه نرفع هالموضوع لانه غيرنا جد يحتاج لحل لجذي ظروف
إختي سحايب مطير قولي لها تسوي نفس اللي قالت لج عنه الأخت خوالي العمر هذا إلى جانب إنها تحاول تكلم أحد من أهلها خوالها عمامها يحثهم على الصلاة ويبينون لهم خطورة عقوبة تارك الصلاة وأن الله سبحانه يمهل ولايهمل والله يهديهم يارب وإذا مانفع تحاول تكلم أحد المشايخ يمكن يقدر يأثر على أبوها وتكلم وحدة من الداعيات تقنع الأم وقولي لها لاتيأس من رحمة الله وتكثر من الدعاء لهم والله يهديهم ويصلحهم وجميع المسلمين والمسلمات
أن الصلاة مفتاح كل خير ؟ قال ابن قيم الجوزية رحمه الله : (الصلاة : مجلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، منشطة للجوارح ، ممدة للقوى ،شارحة للصدر، مغذية للروح ، منورة للقلب ، حافظة للنعمة ، دافعة للنقمة ، جالبة للبركة, مبعدة من الشيطان, مقربة من الرحمن ). قال تعالى { إنك لا تهدي من أحببت ولكن الله يهدي من يشاء }، (( وما ظلمناهم ولكن كانوا هم الظالمين )) . (( وما كان الله ليضل قوما بعد إذ هداهم حتى يبين له ما يتقون )) . ((إِنّكَ لاَ تَهْدِي مَنْ أَحْبَبْتَ وَلَـَكِنّ اللّهَ يَهْدِي مَن يَشَآءُ وَهُوَ أَعْلَمُ بِالْمُهْتَدِينَ )) اختي لاتنسى الدعاء الدعاء مع الاخذ بالاسباب ... الدعاء سهام الليل اسأل الله ان يفتح على قلوبهم ويهديهم الى سؤ السبيل
يعطيكم العافيه كلكم وبصراحه مااعتقد انها العايله الوحيده اللي جذي اتوقع في عوايل واجد بالحاله هذي انه قلوبهم غضت عن ربها وابتعدت واحسس انه هالموضوع لازم الكل يستفيد منه لانه هذي مشكله واقعيه واكيد كذا بنت تبي حل حق موضوع مثل جذي
لا حول ولا قوة الا بالله الله يهدي كل ضال ( قولي لها لا تيأس و تكثر الدعاء لهم خليها تذكرهم انه الآخره قربت والدنيا لحضه لحضه وحده وكلنا بنموت محد مخلد ( اول ما يسال العبد ) يسال عن الصلاه ..... شنو بيكون ردهم ؟؟؟ القرآن يشرح الصدر باذن رب العالمين { مسجله و اشرطه قرآن } تشغلها طول اليوم و انا و بنات المنتدى بندعي لهم باذن الله
الله يهديهم فيه شريط اسمه قبل الندم للشيخ خالد الراشد مؤثر مؤثر مؤثر سبحان الله اهتديت بعد سماعه ولله الحمد
بداية الله يهديهم اختي الفاضله يوجد لدينا بالكويت (( دعاة )) يبحثون عن الاجر وعملهم خالص لوجه الله ممكن صاحبتج تلتجأ لهم وتخليهم يجون للبيت بحكم انهم محفظين قرأن واعتقد انهم لهم طرقهم وكيف التعامل مع وضعج انا عن نفسي جربت خواتنا الدعاة من النساء وكانت في نتيجه طيبه وللعلم حتي وان انتهوا يتواصلون باستمرار يعني مو مهمه وتنتهي ناس الله طارح فيهم البركه عموماااااااا الله يهديهم اللهم امين
يقول تعالى .:: (وأمر اهلك بالصلاة واصطبر عليها ...) تكلمهم بالحسنى وتدعيلهم بصدق واخلاص بظهر الغيب الله يهديهم ويصلح حالهم
