السلام عليكم حبيباتي انا عضوة يدية في هالمنتدى الاكثر من رائع ومحتاجتكم واتمنى ما تردوني امس كنت رايحة ستي سنتر الي بالسالمية وانا كنت احاسب لفت نظري اعلان عند محل اعشاب عن حبوب اسمها بي وايت اتبيض وتشيل الكلف والهالات السودة قلت خل ادش استفسر من المحل دشيت وكلمت المصري قالي سعر العلبة الوحدة ب 39 دينار وتكفيج مدة شهر وتلاحظين الفرق بعد عشرين يوم من الاستخدام ومدة العلاج كامل ست اشهر اول ثلالث اشهر تفتيح مع توحيد لون والثلالث اشهر الثانية تثبيت لوم بس انا عشان بيضة قالي مدة العلاج ثالاث اشهر بس ومدحها وايد وقالي احسن من البيرفكت وايت وسوبر وايت لاته تركيزها اكثر وقال تعطي نظارة بس خفت اشتريها الا بعد ما اتاكد عشان جذي بشوق تجاربكم والي تقدر تسالي عنها او تعرف صيدلي ثقة اكون شاكرتلها والي عندها تجربة ختقولها ومشكوووووورين
والله حبيبتي مادري ماعندي فكرة بس حرام تشترين حبوب ابــ 39 من الحواي و ماتدرين شنو مكوناتها .... روحي الصيدلية اظمن وسألي عن اللي تبينه .... وموفقة يارب
انتبهي لا تستخدمين حبوب وانتي ماتدرين شنو مكوناتها ؟؟؟؟ والي ينفع مع غيرج مو شرط ينفع معاج ؟؟ نصيحه لا تخاطرين بصحتج اذا تبين نضاره او تفتيح لون روحي دكتورة جلديه اضمن لج او روحي صيدليه واسألي هناك ؟؟
حبيبتي لاتصدقين هالسوالف انتي تعرفين من شنو تتكون هالحبوب اصلا لو تقرين العلبة ماراح تلقين مكونات لاتغامرين هذا نصيحتي لج
انا اول مره اسمع بها بس حبيبتي الدكتور جابر القحطاني ماينصح بهالاشياء لاسمح الله جاك بوهاق او اثرت ع الحمل انا اقول استفسري من جابر القحطاني نفسه هذي مو لعبه هذي حبوب وشهر كامل انا اعرف وحده اكلت احبوب فخوذها طلع فيها بقع خضر تقبلي مروري
