السلام عليكم مع المطر والبرد عندي لكم اكله عجيبه كان جدتي الله يرحمها تسويها لنا اسم الطبخه شله المقادير 3 كوب ماش مغسول ومنقوع 1.5 كوب عيش مغسول ومنقوع بصله كبير مقطع قطع صغيره 2 طمام مقطع صغير حزمه من السلق مقطعه قطع صغيره الطريقه نضع زيت بالجدر ثم يوضع البصل ويقلب حتى يذبل ثم نضع الطمام ثم قليل من البهار كركم + بهار مخلوط + كمون ويقلب جيدا ثم نضيف الماش بعد ان نصفيه من الماء ولا تزيلين القشر ونضيف له قليل من الماء ونتره مدة 5 دقائق ثم نضيف العيش ونقلبه جيدا ثم نضيف له الماء الوفير ونتركه على النار حتى يصبح لين مثل الجريش ثم نضيف السلق ويرك على نار هادئ ونضع حديده على النار ونتركه مع التقليب المستمر حتى يتسك ونضربه مثل الجريش ثم يقدم مع دقوس صبار ودبس التمر وبالعافية
وااااااااااااااااااااااااااااااااو يمي يمي يمي انا احب الشله وامووووت فيها ويا ريت لو تسويلي شوية وتطرشينه لي تسلم ايييدج على حبيبتي الغالية وننتظر القام على احر من الجمر
عجيبه طريقتج بس امي تسويها بدون ماش تطلع روعة بس كثري من السلق يعني ثلاث شدات تقريبا وعيش بس ومانحط طماط ونحمس البصل بالزيت بعدين نحط عليه ماجي والسلق المقطع ونحمسه عدل بعدين نصب فوقه ماي مغلي والعيش ونخليه يطبخ عدل لما يستوي العيش ويكون لين حيل ومو ناشف واكلوه مع الروب ,,,,,,, عجيييييب والله جربوه
