السلام عليكم ورحمة اللة وبركاتة هذي اول مشاركة لي في المنتدى ارجو ان تقبلوني بصدر رحب من فترة رحت للكويت عند خالتي واكلت عندهم القرص المفروك وهذي اكلة شعبية دازينة جيرانهم لنا وكل طريقة احلى من الثانية بصراحة انهبلت عليها:tongue_smile: وللاسف خالتي ماتحبها عشان جذي ماتعرفها وابي منكم المساعدة لاهنتم......
المقادير : طحين بر - ماء - قدر - سمن الدار اوزبدة - رشه ملح - سكر على حسب الرغبه ادوات حك القرص : سكين الطريقة: حط الطحين في القدر وحط شوي ماء والملح مع التحريك المستمر و العجن إذا بداء يتماسك العجين وقف صب الماء واعجن حتى تشوف العجينه بدت تتماسك وتنضبط وخل العجينه تتخمر لمدة ربع إلى نصف ساعه شكل القرص على كيفك بس مايكون القرص غليظ وايد والافضل يكون الحطب من حطب السمر أو الغاف والسمر افضل لانه مايسوي ريحه بعد ما يحمر اليمر حط القرص فوق اليمر وادفن القرص بالرمل الحار الى تحت اليمر وبعده حط البمر فوقه حتى يحيط الرمل الحار فوق القرص من كل الجهات وحط فوق الرمل باقي اليمر بعد فترة تكون مابين 45دقيقة ال ساعة خوز اليمر عن القرص وضغط من الوسط إذا كان قاسي طلعه اما إذا كان لين رجعة وحط عليه اليمر بعد مايستوي القرص اطلعه وابدا بعملية التنظيف الخارجي وبعد ماينظف القرص تبدا بعملية الفرك والتفتيت والتقطيع قطع صغيره بعد الفرك والتقطيع تقدر تضيف للقرص عسل او سكر او سمن حسب مزاجك
هلا فيكm!ss_gucci وتسلمين على الافادة وطريقتك حلوة وبجربها لاكن اللي انا ابية اللي بالفرن واللة يعطيك العافية
هلا اختي وحياج الله بالمنتدى أنا تسويه امي- ربي يعافيها - وطريقتها بسيطه وبصراحه من غير مقادير . . .! الطلبات : طحين أسمر ( بر) ملح فلفل بحسب الرغبة . زيت زيتون ماى بحسب الحاجة الطريقة : يعجن الطحين ولنقل ما مقداره كأس ونص ويا الماي وطريقته ما يكون سايح حيييييل ألين من عجينة الفطاير بشوية يعني لينة وتقدرين تشكلين العجينة . . . تجيبين تاوة او مقلاة تيفال وتحطين ما مقداره ربع فنجان زيت زيتون وتحطين القرص اللي بتسوينه دائري وتخففين النار عليه حيل وتغطين القرص وكل شوي جيكي عليه واقلبيه وإن خف الزيت زيدي شوية . . . وبالسكين جيكي ع نضوجه من داخل إن خلص هاتي حافظة طعام وحطيه داخلها وسوي القرص الثاني بنفس الطريقة . . . بعدها فتتيه داخل الحافظة وبالعافية
