السلام عليكم اشلونكم يابنات انا عندي مشكله لو في ابله او اي وحده تفيدني انا عندي عيالي الله يحفظهم 2 في صف سادس وبصراحه ماعرف اشلون ادرسهم اشلون طريقة دراستهم بالنسبه للدراسه اليوميه ابي اتابع معاهم اول باول والمشكله عندي واحد منهم مهل دايم يخض عني اوقات امتحانات او الواجب الحين جمعتهم بصف واحد بس ابي اعرف طريقه اتبع معاهم عشان اتابع دراستهم باول باول الي تعرف يريت تفيدني وانا شاكره لكم
حياااتي الله يعييينج انا اخوي ب7 السنة اللي طافت كنت أدرسة يوم كان بساادس واي موت موت مهمل ياااربي زين ما ينسى جنطتة بالمدرسة تدرين شكنت اسوي كنت أخلي أول شي يحل واجبااته كلها بعدين أخليه يحفظ الآيات عشان لا يتكودون عليه و بعدين أقع أراجعله العلووووووووووووووووووم وما أدراك بالعلوم أوّل بأول لان واايد صعب انا كنت أقرى الدرس قبله و أكتبله بنووتة صغيره الاشيااء المهمة و خلاصه و معلومات الدرس و أخلييه يحفظهم عشان اليوم اللي بعده يجاوب مع المدرس والرياضيات >>> مدرس كل اسبووع اييله لان حيل حيل صعب و انا متنحة من الله زين مني والاجتماعيات امي حياتي مدرسة اجتماعيات لاعنه خيره أوراق عمل و خرايط وانتي لا تهملييين بس يوم تهملينهم بسس يضيعون لان 6 صعبه حيل حفرة والله يوفق عيااالج فديييتج جان تبين تخليني أدرسهم >> حاضرين للطيبين ..
خل يتحلطمون خل يفحطون بس لازم يدرسون والخميس و اليمعه طلعييهم غيريلهم جوو عشاااان لا يضيق خلقهم و يعطون من قلب و بيني و بينج مو طول اليوم تدرسينهم يعني من 6 المغرب لي 8 كااافي بعدها خيسوون اللي يبون انا جذي أخليييه يلعب لعب و يشووف كل الافلام و يبدّع بحيااته بس تصير 6 يتحول كل شي يعورة مرة وحده ويدوخ و مادري شسوي أفلام بس يدرس و مع الايام يتعودون بروحهم ايون يقولون لج يلا دراسةtime وانتي بعد يعني عندج مشوار جمعيه شي اخذييهم معاج لاتحكريينهم طول الاسبووع ترى يملون و النفسيه تتعب والله يوفقج .
هلا اختي . . . الامور سهالة ان شاء الله كل يوم امسكي جدولهم ومادة مادة شوفي شنو خذوا وراجعي وياااهم وحلي وياهم الواجبات . . . وعطيهم بريك راحة وبعدها جيكي ع جدول باجر وشوفي اخر درس خذوه بالمواد وراجعيه لهم . . . وامنعي عنهم الحلويات من بعد الساعة 6 مساء وامنعي الحلويااات اللي فيها مواد حااافظة وخرااابيط
مشكوره ام عبدالله حبيبتي على المعلومه راح اسوي معاهم ومن اليوم بلشت مع الي بثالث الابتدائي والله يعينا الي الكبار
الله يعينج اذا اعيالج اولاد ياويلي على فهمهم سمعيني انا عندي اولاد بعد ياويلي عليهم الله يحفظهم يارب اولا لما يرجعون خليهم يتسبحون ويتغدون بعدين حطيلهم رسوم متحركه او اي شئ يحبونه وصكري الليت عليهم هذا وقت الراحه لهم على الساعه 6 تبدا الدراسه بس بشرط حطي يممج خيزرانه للتخريع على شان يسمعون كلامج بالوقت هذا خليج بين الشده واللين على شان تعلمينهم ان هذا الوقت للدراسه مافي حس ولا كلام عن اي شئ غير الدراسه حطيهم كلهم حواليج وكل واحد يمه جنطته صدقيني ما تحتاجين اي مدرس او مدرسه خصوصي راح تستانسين على انج قاعده تدرسينهم ومتابعتهم ومصلحه لج تتعلمين بعض المعلومات وعلميهم على الصلاة اهم شئ خلي ربي يطرح فيهم البركه والي يكتب الواجب وخطه حلو وكل شئ زين فيه حطيله صور حلوه كافئيه شجعيهم بروحج والله راح يحسون بالنشاط والمتعه ان انتي الي تجابلينهم الله يخليهم لج ويبارك فيهم
تصدقون الكبار الي بصف سادس صارلهم جم يوم ودهم الاسبوع مايخلص عشان مايصير الاحد لان الحبايب هوايتهم الطيور وابوهم شاريلهم كل واحد فيهم كاسكو والحين ببيعهم عشان يدرسون ولاتشوفونهم جنه عندهم عزا بعيد الشر عنا وعنكم ولدي الصغير الي بثالث يحب الدراسه يموت عليها لما يعيب عليهم لما يشوفهم يتوسلوت في ابوهم يحطونه ويطقونه وانا بس افاكك بينهم انا عندي 5 اولاد مابينهم بنت وشالعييييييييييين قلبي
الله يخليهم لج ويبارك لج فيهم ليش تبيعونهم خليهم وقت الدراسه حددي لهم وقت ووقت اللعب خليهم يمارسون هوايتهم لا تظغطين عليهم انا عندي قطاوه عادي وعندنا حمام
اللة يخلي لج اعيالج انا بالنسبة لي اول مايجون عيالي يغسلون ويبدلون ويتغدون وبعدها اخليهم نص ساعة يريحون وبعدها اشوف شنو اخذو وابدا مع البنت دراسة وحفظ والولد يحل واجباتة واذا خلص قعدت البنت تحل واجباتة والولد يحفظ ماتجي الساعة خمس الا هم بالحوش يلعبون بس لما اخليهم ليما الست مستحيل يستوعبون لانهم دايخين يبون النومة وانا عودتهم خلاص هم من يتغدون يجيبون جناطهم ويجون عندي واللة يوفق الجميع
والله والله والله عوار راس لما نقعد بندرس تخيلو اقعد واحد يقوم الثاني بس انشغل بواحد منهم يطلع الحمام عزكم الله وتطلع النومه والحاله حاله ويطلع حنانهم لاخوانهم الصغار واخذي عندج
