بنات ودي نفيد بعضنا في تفريز الماكولات الرمضانية ، من حيث : متى تبدأين التفريز( قبل رمضان بكم يوم..؟) وماالأشياء التي تفرزينها ؟ وفي ماذا تفرزين (أكياس ، علب ...؟) وما طريقة ترتيبك للفريزر؟ ومتى تطلعينها من الفريز (قبل استعمالها بكم ساعة..؟) وما كمية الأشياء التي تفرزينها( للشهر كاملا ، أم لأسبوع ، أسبوعين...؟) وأخيرا : نصائحك (للمفرزرات) .. وكلمة تودين إضافتها اتمنى الكل يشارك للاستفاده0000
وانا ببدا بتجربتي000 اشتريت علب احط فيهم الكبب والسمبوسه والاشياء اللي تنحط بالفريزر عشان انظمهم وهذي صورتهم ونفس هالاكياس اللي فيها تسكيره من فوق حلوه لتخزين اللحم المفروم والخضار المشكله ومفيده وهني نشوف شلون بيكون الفريزر منظمه ومرتب وبس اتمنى اكون افدكم يالله نبي تجاربكم عشان نتبادل بالافكار000
يعطيج الف عافيه يا قلبي ام نوافي ام السنع والله خلاص راح ابدى معااااج واقولج طرق وااايد عندي للتفريز حق رمضان برب
باك طريقة تفريز السمبوسه بالصور،خطوات تفريز السمبوسه لشهر رمضان ،طريقة تفريز السمبوسه بالصور،خطوات تفريز السمبوسه لشهر رمضان بما ان رمضان على الابواب الله يبلغنا صيامه وقيامه ثلجت السمبوسه والكبب وهذي الطرق اللي اتبعتها عجينة السمبوسه انا اخذ اللي بالكيلو من المطاعم الهنديه السمبوسه سمبوسة الربيان -ربيان قشرته ونضفته وبهرته وفرمته بفرامة اللحم -نحمس بصل مفروم وفلفل اخضر بعد مايتحمر نضيف الربيان ونخليه يتحمس عدل مدل بعدين نضيف الملح والطماط والمعجون ونخليه ينحمس لحد ماينضج بعد ماينضج نضيف جزر مبشور ونسكر عليه بعد مايبرد نحشي فيه السمبوسه سمبوسة جبن كرافت -شرايح سمبوسه الفها واحشيها بجبن كرافت السائل سمبوسة الجبن الابيض بالنعناع شرايح سمبوسه جبن ابيض مع نعناع مفروم الفها واحشيها بالجبن سمبوسة الماش -كوب ماش يسلق نص سلقه ثم يصفى -نحمس بصل اخضر مع فلفل بارد بعد مايشقر نضيف له الماش ونقلب المكونات ونضيف له بهارات مشكله وفلفل اسود وكمون ونخليه على نار هاديه بعد ماينضج نضيف ك**ره مفرومه بعد ماتبرد نلف فيها السمبوسه سمبوسة البطاط بالنقانق كوبين بطاط مكعبات صغيره 3 اكواب بصل بكت نقانق ربع كيلو مقطع مكعبات صغيره كوب فلفل اخضر مفروم ملعقة طعام ثوم ملعقة طعام كاتشب ملعقتين طعام صلصة صويا فلفل اسود وملح مكعب ماجي شوية شطة حمرا او قرن فلفل اخضر حار مفروم حمسي البصل مع 4 ملاعق زيت بس يذبل شوي اضيفي البطاط والماجي والثوم وقلبيه غطيه خمس دقايق بس يستوي البطاط شوي ثم اكشفيه واضيفي النقانق والفلفل وقلبي الى ان يتحمس مع بعضه سكري النار واضيفي الكتشب والصويا والملح والفلفل وبردي واحشي اصابع السمبوسه بالجبن شرايح سمبوسه نحشيها بجبن كيري والفها على شكل اصابع كبة البرغل باللحم وهذي مقاديرها اول شي تجهيز عجينة الكبه: تخلط المقادير وتفرم وتعجن مره اخرى باليد وتتبل بالبهارات والملح طريقة الحشو : طريقة الحشو في جميع الكبب تقريبا متشابهه ... بس لكي فيها بعض الخيارات ... اما انك تحطي بالحشو ال**يب او تحطي صنوبر او بدونهم انتي وذوقك يعني ونشوف الطريقه : نص كيلو لحم مفروم ... 2بصل مفروم ... 2 فص ثوم مفروم ...بعض الخضراوات مثل الك**ره او الاشبنت .. وملح وبهارات مشكله وكركم ... اضافة الكشمش او اضافة الصنوبر ... وطبعا الفلفل الاسود نحط اللحم على النار ونحرك فيه لما يطلع مائه ... بعدها نضيف البصل والثوم وقليل من الزيت ونحرك فيه لما يذبل البصل اشوي ...وبعدها نضيف الخضره والبهارات والكركم والفلفل الاسود والملح ولما يختلط باللحم جيدا ... واخر شي نضيف الصنوبر او ال**يب ونحرك فيه اشوي ونطفي عنه النار .. وعند التكبيب او التشكيل : نضع بجانبنا ماء مثلج ... ونبلل اليد ونشكل فيها شكل الكبب عند القلي : الزيت يكون غزير وساخن ... وعند وضع الكبه نوطي على النار وخاصتا لو كانت مثلجه ... حتى تستوي على مهلها من الداخل وماتكون الحشوة بارده ... ونضع اربع حبات فقط حتى ما يبرد الزيت ... واتففت الكبب بعدها ... وتقلى حتى تتحمر من كل الجوانب ... وتوضع على ورق نشاف وبعدها تقدم كبة البطاط بالدجاج بطاطتين كبيره سلقتهم بالماء لا تخلينها تصير لينه وايده وحطيت كوب واحد رز (الكوب= كاس الجبن) وسلقته لمدة خمس دقايق بس وبعدها حطيت البطاط والرز في صحن لما يبردون وطبعا صفيتهم من الماء قبلها وفرمتهم بالفرامه مره وحده بدرجة الوسط وحطيت الملح واشوي كركم عشان تاخذ لون بس وبديت اشكلها وما شاء الله كانت العجينه مضبوطه وكانت تحتاج القليل من الماء المثلج بس عشان اشكل فيها وبعدها قليتها بزيت غزير واخليه اشوي وبعدين اقلبها عشان لا تتفتت وكانت مقرمشه ولذيذه حشيتها حمسة دجاج مفروم وشكلتها كور كبة التوست بالجبن وتغميسة الزعتر ابتكار من افكاري خذيت كيس توست اسمر ونزعت الاطراف وفرمته بالفرامه وخلطت وياه كاس حليب بارد وعجنته وحطيت ملح وفلفل اسود سويتها بشكل الدمعه وحشيتها جبن غمستها بالبيض بعدين بالزعتر وثلجتها الصوره النهائيه بعد القلي
1---تجميد الفاصولياء اولا تغسل وتقطع اطرافها ثم تقطع اجزاء تغلى قليلا في ماء وملح توضع في ماء مثلج تصفى ثم توضع في اكياس وتوضع في الفريزر انتظريني
تفريز الذره تقشر وتغسل ثم تسلق لما تبرد استخدمي سكين واكشطي الذره ثم ضعيها في اكياس وفي الفريزر وممكن تجمديه بدون كشط
لحفظ الطماطم تغسل وتوضع في ماء مغلي ثوان لا تخليها تذوب ثم توضع في ماء مثلج ثم تقشر وتقطع وتحفظ تشيلي البذور لي عوده ان شاء الله
تسلمين على هالموضوع الروعة ونبي تجارب اكثر يالحلوين عشان نستفيد ومبارك عليكم الشهر مقدما وعسى الله يبلغنا صيامه وقيامه
مشكوره وايد والله يعطيج العافيه على هالمعلومات الرائعه :teeth_smile: جعلها الله في موازين اعمالج ان شاء الله تعالى بلغنا الله واياكم رمضان
وهذي طريقه للي لتفريز الكبب لرمضان ان شاء الله00 وهذا الهيلوم نقدر نفرزنه للمحافظه على لونه اخضر يسلق بماء حار لدرجه الغليان ونخره من الماء الحار الي الماء البااااااااااااارد مباشره 000 سمك فليه بعدبعد وضع البقسماط عليه يتم تغليفه وتجميده وبذلك يكون سهل الغلي عند اخراجه ويوفر الوقت والجهد000 ترتيب الثلاجه 000 ولي عوده ان شاء الله000
