السلام عليكم حبيباتي انا رحت اكثر من معرض بالكويت لقيت اسعار العبايات خيالية وخصوصا السترش ب70 و45 دينار والحريم يجيبونهم من دبي وانا ماخذه من دبي عبايات مثل اللي بالمعرض بس سعرهم مايزيد عن 25 دينار اشدعوة جذي يرفعون الاسعار بالكويت انا ودي اجيب عبايات من دبي وماازيد بسعرهم الا 5 دنانير وابيعهم بمعرض لزوم الربح اشرايكم ؟؟ :wink_smile:
هذي الاسعار حبيبتي و احنا ندري انه اسعار الحريم غاليه بس اللي تقدر شالمانع تاخذ او اخذي من محلات العبي مو لازم تاخذين من مشاغل حريم و بالتوفيق
حبيبتي هذا تربّح ,,,, وما يجوووووز يا جماعة تقولون حرام التجارة ما فيها حد للربح في ناس تييب بضاعة تشتريها على سبيل المثال ب 100 دينار جملة ويبيعونها مفرق ب 200 وفي ناس تييب ب 200 وتبيعها مفرّق بألف بس أكيد كل وحده منهم لها نظرة ولها طريقة بالإعلان ,,,, ترى الإعلان مو ببلاش والمعارض السنعة ترى ما تقل عن 100 دينار لل 5 أيام تتوقعون شكثر بتبيع؟ وهل اللي راح تبيعه اذا على القطعه 5 بتطلّع فايدتها من تذكرة وعنوتها والمبلغ اللي دفعته للمعرض ووقتها وجهدها و و و و ؟؟؟؟؟ وهل راح تبيع الكمية كلها وبفايدة؟؟؟؟ يا ريت نظرتنا تكون واقعية أكثر وما يقدر هالأمور إلا اللي جرب التجارة فعلا مو بس نظريا تقبلي مروري
وانا مع كلاااااام اختي ليلى الانصاري كلامها عين العقل والي مجربه مو مثل الي مو مجربه وموفقه خير ياقلبي
وانا مع كلام الاخت ليلى ولكن مع مبدا قليل مستمر خير من كثير متقطع يعني ممكن الوحده تشتري بدينار وتبيع بالف كيفها طالما البيع مبني على الرضا والقبول مو الغش والاكراه والعبايات صارت كثر الهم عالقلب المهم تشوفين لج خياط متمكن والا الافكار على افا من يشيل وموفقه حبيبتي في تجارتج
صح التجاره ربح معاج بهذي بس الرسول عليه الصلاة والسلام نهى ان الربح يكون اضعاف مضاعفه نفس اللي نشوف بالمعارض يعني اللي سعره 20 المفروض ربحه يكون 40 كحد اقصى ياالتاجرات وعباية الاسترتج بالسعوديه ماتتعدى 17 و20 دينار لان موضتها العام انا جايبتها من هناك
اولا موفقة في مشروعج . . . لكن اي مشروع يبيله راس مال +تطلفة للسفر والاقامة والفرارة ع المحلات والجهد المبذول وبالاخير توصلج البضاعة وانتي في الكويت واهنيه براحتج اما الشراء او لا . . . مبدأ الربح ب 8 ب 10 نقول ب 15 حد مقبول لتعويض المصروفات وتكاليف السفر وهم بعد الربح
