لازال التساقط مستمر الصلعه موجوده لا وزادت حيل كثير الحين قمت البس طاقيه الشعر ما قدر اطلع شعري قصدي صماخي لان مافي شي ولله الحمد ادعو لي بنات تكفون تكفون
أختي آنا عندي خلطه قاعده أستخدمها لأن شعري حت مثل شعرج والحين استخدمها وحتى الشامبو غيرته وأشوف شعري الحمدلله وقف التساقط بس أنطره يطول ويكثر اذا تبين الخلطه راسليني بالخاص..
هلا أم مريوم حاولت أرد عليج بالخاص بس أنتي موقفه الرسايل الوارده ماعليه اقولج التفاصيل شوفي أختي أنا شعري حييل خفيف ويفشل لأن الصبغات لعبت بشعري وفيه فراغات بشعري ماخليت شئ ماسويته ليما توصلت لخلطه والله العظيم أنها كلفتني حيل لدرجة أني لما جمعتها من الحواج تدرين شنو قالي قال شنو هالخلطه العجيبه والله ماتطلع من أيد دكتور قلتله يعني زينه قال ممتازه كل نوع زيت فيها أقوى من الثاني والله العظيم هذا كلامه بدون زياده ولانقصان الله الشاهد لأ وشي ثاني صدمني طبعا أكيد أي وحده تبي تنزل زيت للبيع لازم تجربه عن الحلال والحرام عطيتها أختي تجربها معاي صدمتني لما قالت هذي الخلطه أشتريها من وحدة تجيبها طلبيه من الرياض تدرين بجم 35 البطل الواحد وآنا ب20 وممكن أسوي بطول صغار حسب طلب الزبونه بس شوفي حبيبتي آنا توني بس شهر باديه بالزيت وقف التساقط وبعدين اكيد تجي الكثافه والطول ولازم أستمرار شوفي أنتي إذا تبين تجربين كلميني على الخاص أحطلج كل الأحجام عند حواج وتشوفين السعر اللي يناسبج بس تكفين بطلي الرسايل الخاصة علشان أقدر اكلمج ممكن ... إذا قريتي الرد دزيلي رساله بالخاص ابي أعرف رايج ...
حبيبتي قبل كل العلاجات اللي بتسوينها سوي تحليل للغده الدرقيه وسوي تحليل دم شامل بعدين إبدي بالعلاج ويمكن عندكم الصلع وراثه تأكدي من هالشغلتين بعدين عالجي والله يشفيج إن شاء الله
في تونيك ينباع بالصيدليه اسمه سورسير اهوا ماي الثوم والله انه كان شعري خفيف حيل قمت واستخدمت هذا التونيك بعد ستة اشهر قام الكل يلاحظ شعري تغير حيل صار يجنن ويسألوني شنو حطيتي وهذا من بعد الله سبحانه وطريقته حبيبتي بعد ماتتسبحين تنشفين شعرج وتحطينه وماله ريحه وطبيعي ولاتغسلينه ولاشي مريح والله يسهلج امرج آمين
ليش ماتجربين الميزو ثربي كلها كم ابره دقينهم وخلاص بس ان والله ماجربته بس سمعت عنه كثير شوفي عنه واسالي
السلام عليكم ورحمة الله وبركاته حبيبتي انا بنتي تعاني نفسج ماخليت جلسات ليزر ولا ابر ميزو ثيرابي ولا أدوية ولا انواع شامبو اللي استفادت منه اهوه أمبولات vichy ودهن وشامبو من دكتور الأعشاب خالد الطيب ورقمه99706780 والله لله الحمد ان الفراغات بدى يتغير لونهم وصار فيه بقع سودة مكان الفراغات جربي وادعيلي
لازم تروحين عند طبيبه مختصه انا صار عندي تساقط فضيع خصل خصل سبب الغده وفيتامين د فياريت تسوين تحليل وتطمنينا
يارب يرزقج ويرزق الكل بلى تتمنونه حبيبتى انا استخدم خلطه بالبيت أن شاء الله تفيد الكل اسويها اييب كاس زيت زيتون وكأس الوفيرا أهى نبته تلقينها فى المشاتل سعرها نص دينار تاخذين الماده اللى داخل اوراقها اهى تشبه الصبار بس اوراقها اضعف واللى داخلها الماده لزجه تاخذين هذى الماده اللى داخل اوراقها وتسوينها مفدار كأس وشدة الجرير تغسلينها وتحطينها بالخلاط وتسوين منها مقدار كأس يعنى الحين صار عندج مقدار كأس زيت زيتون +كأس جرجير ضاربته بالخلاط + كأس الماده الزجه اللى داخل نبتة ال الوفيرا تيبين بطل زجاج مو بلاستك وتخلطينهم مع بعض وتستخدمينه بتدليك خفيف بفروة الراس وتحطينه بثلاجه وعند الاستخدام رجيه واستخدميه على فروة راسج وغطيه ببلاستك من ساعتين الى 3 مع حبوب اخذهم من الصيدليه تستمرين على 3 علب حبتين باليوم اهو المانى الصنع اسمه أم أم لون العلبه ابيض بخط برتقالى بس راعى ان مافيج املاح والافضل سألى بعد الصيدلى اهو وايد زين ليش مايسمن وعسى ربى يحفظ الكل واتمنى اكون افدتكم دعواتكم بالعفو والعافيه لى ولكم ولامة محمد اجمعين
هذا صلع الي فيج نفسي وجررربت جميع دكاترررة الكويت من انبولات وبخااااخات ولا شفت نتيجه اكلو فلووووسي نص المعاش عليهم واختي جرررربت الأبررررر ولا جابت نتيجه واليزر يقووولون مووو زين علي راس تبين صرررراحه الحين قاعده اجرب هذي الخلطه هي زيت الخروع وزيت الخردل و زيت كشور وكنا بضيف جوزالهند الي بنفسجي بس كان مقطوع وتو وصل السووووق بروح اشتريه ام نتيجه الي شفتها من شهر 3وانا استعمله الي شهر9 شعري حلو وكنت بصالون لما تفرق شعري كنت اتفشل من الفرغاااات الكبيره وغير صلع الي بلقذله. الحين لما افرق شعري احسن من قبل بس الي بقذلتي ماشفت تغير بس أمي تقولي احسن من قبل يمكن عشاااان أنا اشوووف نفسي كل يوم وتعوت بس اللحين من شهر هذا الي شهر 12بستمر علي ثووووم وبشوف نتيجه لانه يبيله مده علي الاقل 6شهور وإذ انتي قاعده تحطين دهن وكل شهرين مغيرته عزالله ماراح ينبت شعررررج ورحت عن بالي تحاليل سوي تحاليل عند مختبر الماني تري حلو وشاطرين والله يرزقنا بشعوووور
