صباحكم جوري / مسائكم فل وياسمين الموضوع.. اللي سهرانه وتقرا هالموضوع قبل الفجر.. تروح تنام احسن لها.. ترا النوم زين :74_74: حجز طيران داخلي فقط وليش دولي يعني بتروحين داخل مالزيا مااطول عليكم هذا موضوع فيه شرح خطوه بخطوه.. وبالصور.. للحجز عن طريق طيران Air Asia الاقتصادي.. عموما الحجز جدا سهل.. وجدا واضح.. وجدا موفر للميزانيه.. ماتحتاجون الا بطاقة ائتمانيه او فيزا مسبقت الدفع واتصال انترنت حلو ..وكل اموركم بتصير تمام.. وتفتكون من المطامر بالمكاتب السياحيه والاستغلال :wink_smile: بسم الله.. الخطوه الاولى.. ندخل الى موقع الحجز... Online Booking بتطلع عندكم هالشاشه.. طبعا الحجز الافتراضي هنا.. من كوالالمبور.. الى لنكاوي..؟ (( الذهاب 6 يوليو.... والعوده 11 يوليو..)) لشخصين بالغين.. لو كان المسار واحد (ذهاب فقط) احط (صح) بالمكان المحدد اعلاه.. وبتلاحظون ان تاريخ العودة رايح ينطفي... ___________ بعد الانتقال للصفحه التاليه.. الموقع بيكون سوا لكم بحث عن الرحلات المتاحه.. للتاريخ المحدد.. وبيعرضها لكم مع الاسعار.. هنا الجدول الاول.. اللي يبين الرحلات المتاحه للمسار الاول,, كوالالمبور===>> لنكاوي (الاسعار هنا بدون الضرايب)... اختارن بعدها الوقت اللي يناسبج.. والسعر الافضل.. باني انقر فوق السعر بالماوس.. وبيصير الشكل كالتالي.. الحين انتهينا من تحديد رحلة الذهاب.. ننتقل للجدول اللي تحتها.. رحلة العوده نفس الشي نحدد الرحلة المرغوبه.. ونتاكد انها تحددت بالاحمر... الخطوه اللي تحتها.. ولو كان احد الركاب من ذوي الاحتياجات الخاصه.. يتم الاتصال بمركزهم قبل الرحله ب48 ساعه.. ______________________ بعد اختيار continue.... تطلع عندنا الشاشه اللي نعبي فيها بيانات الركاب لازم نتاكدين اولا من صحة البيانات على اليمين.. تاريخ الرحله.. وعدد الركاب .. والوقت وبعد اختياري yes نبدا بتعبئة بيانات ((اسم للاتصال)) وغالبا مايكون رب الاسره والراكب الاول.. بعدين ننتقل لتعبئة بيانات الراكب الاول Guest 1 وبعدها نعبي بيانات الراكب الثاني.. بنفس الطريقه ولا تنسين تحري الدقه بكتابة الاسم كما هو بالجواز..مهم جدا جدا بعدين اسفل الشاشه.. بنلقى خيار اختيار مقعد مسبق.. فيه بعض الناس يحبون يختارون مقاعد مسبقا (بمبلغ اضافي) وفي حالة عدم الاختيار مسبقا .. فسوف يتم تحديد المقعد عند قص البوردنق مجانا .. لكن قد لا تضمن مقاعد متجاوره ومناسبه لك .. ومن هنا نحدد اذا كنا نبي مبلغ اضافي لتحديد المقاعد ام لا.. نلاحظ تخطيط لمقاعد الطائرة.. اللي عليها X محجوزه مسبقا.. اللي لونها احمر سعرها للراكب الواحد 25 رينجيت.. ومافيها ميزه الا انه الواحد يركب قبل الناس.. اللي لونها رمادي..للراكب الواحد 5 رينجيت.. يركب عادي مع الشعب الباقين بس مقعده محجوز له.. بالنسبه لي ماتشوفها ميزه اني اركب قبل الناس وادفع عليها زياده 20 للشخص الواحد.. بس الناس يختلفون عاد الحين بنجي لاختيار المقاعد.. احدد المقاعد.. لكل المسارين.. ولاحظوانها تطلع لي ارقام المقاعد على اليسار.. ____________ اخترنا المقاعد وخلاص.. ننزل اسفل الشاشه.. الحين اختاري confirm and continue الحين بتجينا شاشة تاكيد اختيار المقاعد.. ________ وبعد مااقرر اذا انا جاده على سالفة الحجز المسبق للمقاعد.. او لا.. بتجينا الشاشه التاليه.. هذا لو تبين تحجزين تذكرة باص.. من مطار كوالالمبور المحلي Lcct الى محطة الباص المركزيه في وسط كوالا لو يبي الواحد يسوي حجز للباص.. يحط صح..من هنا.. والا يختار continue اتحطون صح طاااف التكاااسي افضل بعد ماانتهي.. بتفتح لنا شاشه فيها اجمالي المستحق.. لاحظوا هنا فيه بند (تامين) تم اضافته اجباريا..ضد الاصابات الشخصيه او فقدان الامتعه.. بس ممكن تشيلونه.. من cancel مثل ماوضحتها بالشرح اعلاه.. وبعد مااشيل التامين.. بتطلع لي الشاشه التاليه.. هنا يلزم عليك ويحسفج.. انج ماتشيلينها.. بس انتي شيليها بقلب قوي وماعليج منهم كانج مو مقتنعه.. اختاري ..(الغاء امر) ____________ بعد الانتهاء من ازالة بند التامين.. بيصير شكل الشاشه كالتالي لاحظوا.. لازال مصمم يحط لج التامين خليه No مثل ماأهوااا :74_74: __________________ ننزل تحت بالشاشه.. ونجي لادق جزء بالحجز.. ادخال بيانات البطاقة الائتمانيه.. لابد من تحري الدقه بالادخال.. والتاكد من انه البطاقه فيها رصيد.. وصلاحيتها ساريه.. ___________________________ بالنسبه للرقم السري للبطاقة.. المقصود بها.. مايلي اللي تحتها.. على طول.. بيانات العنوان البريدي اللي تجي عليه فواتير الفيزا... وبعد تعبئة جميع البيانات والصفحات المبينه اعلاه.. اختار Pay وبعدها راح يتم الحجز باذن الله.. وتطلع لكم صفحة فيها بيانات الحجز.. ورقم التاكيد.. وبيرسل لكم ايميل فيه نفس البيانات.. ولازم تطبعونها وتاخذونها معاكم بالمطارلان التذكره مدفوعه ومن تعطونهم الصوره راح يصدر لكم تذاكر (الكترونيه) _______ اتمنى اني افدتكم.. وتقبلوا تحياتي
