السلام عليكم عيدكم مبارك و كل عام و انتوا بخير يارب انا حامل و بجريه و أراجع بالهادي بس ما اعرف منو احسن دكتور توليد هناك و ابيكم تفيدوني الله يجزاكم خير
هلا حبيبتي حياج الله اتشرف اكون اول وحده ترد عليج بس والله ماعندي علم نهائيا عن الهادي وان شالله البنات يفيدونج انتي جم لج ؟ ادعيلي الله يسهل ولادتي عاجلا غير آجل يارب العالمين
هلا و غلا فيج أم جروح.... تشرفت فيج يالغاليه و الله يهون عليج و يسر أمرج و يقر عينج .... أنا آخر دوره 19-5 يعني ألحين أنا بالسادس أو بآخر و البيبي وايد يتحرك لدرجة ما اقدر أنام ... الله يهون علينا يارب بس والله خايفه من الولاده لدرجة زوجي حاشته عدوى الخوف من ولادتي :sad_smile:
الله يسهل عليج يا رب شوفي انا توني والده بالهادي اقري قصه ولادتي بصراحه ما انصحج تولدين اهناك اخربو مو نفس اول يعني بولادتي الاولى ولدت اهناك كانت المستشفى والرعايه والولاده اروع ما يكون حدها عجيبه مع انه طلق صناعي بس بولادتي الثانيه الله لا يوريج حاطين سسترات مايدرون وين الله قاطهم والكمام مالهم مو مثل اول يعني حسيت بالولاده كلها حتى بالخياط وجربت الدكتوره بريتي كومار زينه يعني بسرعه تولدج بس انا حسيت بالالم بس مابي اخرعج يمكن من ولاده لي ولاده تفرق لانه ولادتي الاولى عندهم كانت روعه وخفيفه بس الثانيه الله لا يوريج انا اقول روحي السلام يمدحونه حماتي توها والده اهناك تقول كمامهم خياااااال مع انها مثلي ثاني ولاده الله يسهل عليج امين يا رب
أنا والده بالهادي من 8 شهور عند دكتوره (( رشمي )) صراحه روعه شوي عليها تهببببببببببببببل و طيبه و نفسيتها عسل وولادتهم تهبل و عطوني الابره المخدره مالت الفخذ و الكمام و نمممممممممممممممت ليييين طلعت الراس و شديت معاهم و رجعت نمت حتى ما حسيت بطلعت الراس تهبل هالدكتوره >> أنصحج فيها و الله يقومج بالسلامه
