السلام عليكم ورحمة الله وبركاته جزاك الله خير يا ام محمد حلمت اني بركب سيارتي وشفت احد متخبي وراها ويطلع ايده ويخفيها وبيده بطيخه وكنت اقول اطلع ترى عرفتك يا اخوي يا خالي ولا يطلع جدي بيده بطيخه وقالي اخذيها تسلي فيها بالطريج وحركت السياره ومريت بجانب بيت عمي ولقيت بالديوانيه الخارجيه حريم واجد مقسومين نصين نصهم اهلنا والنص الاخر حريم ما اعرفهم نزلت وسلمت على اللي ما اعرفهم بعدها سلمت على اهلنا وكانت معاي الخدامه ونزلت صحن ذبيحه حق الحريم وعمتي وبقينا انا وبنات عمي ثلاث وكانو كاشخين حيل وانا امدح بدراريعهم وبعدين قامو يقصدون ويصفقون وقعدنا على قنفه ولا يدخل علينا كلب صغير وجسمه مليان شوك وخفنا ولمينا بعضنا وعض الكلب اصابع رجلي بس ما حسيت بعوار حيل بس كنت خاايفه وجا خالي وولد عمي وطلعو الكلب وكنت مستحيه من ولد عمي وهو يشوفني بهالمنظر وكان يطالعني ويبتسم وطول وهو يناظرني بعدها تغير الوضع وكان في سرداب وداخله اجهزه والعاب وشفت حصانين (فرس) بس صناعي مو حقيقي وركبت واحد وكنت اقول اني قبل ركبت حصان وطحت على راسي بس انشالله هالمره ماراح اطيح وحركت الفرس وكانه حقيقي ومشيت فيه وكنت وابي احد يركب الفرس الثاني ونستانس وما اذكر منو ركبه الحالة الاجتماعيه طالبه عمري 21 غير متزوجه
