السلااام عليييكم ,, أولا يا بنات أنا وصلني هالأيميل من صديقتي و لما قريته الصراحة خفت ووايد وقلت شلووون شركة عالمية معروفة و لها محبيها تسوي بالناااس جذيه و أنا منصدمة لهدرجة وصل الاستخفاف والاستهتار بصحة الناس في جميع الدول وو للحين محد يبي يصدق حقيقتهم أنا الصراحة أعشق ماكدونالدز و لا اسمع فيه ودايما أقوول حاقدين على ماك بس لما شفت الصور و الفيديو غيرت رأيي و أنا أصلا مقاطعتهم من زمان أيام حصار غزة المهم ما ابي اطول عليكم ,, تجربتين لوجبات ماكدونالدز.. اثبتتا ان وجباتهم لا تتعفن ولا تهضم تجربة يديدة لوحده اسمها سالي ديفيز – Sally Davis من نيويورك سوت مشروع فني كالتالي: راحت ماكدونالدز وشرت وجبة هابي ميل وردت البيت حطت الوجبة عالطاولة بصالة الشقة، وكل يوم تمر عليها تصوّرها. لي الحين مر 137 يوم والتغيير صعب ملاحظته على الوجبة! صور هذه التجربة تجربة لدكتور كيميا بجامعة نوتنغهام إسمه مارتين بولياكوف — Martyn يحطون فيها صمونة همبرجر جبن من ماكدونالدز بحمض الهيدروكلوريك اللي يتواجد بالمعدة البشرية عند الكل عشان يشوفون شلون شكل الصمونة وهي تتحلل ببطوننا، هذا الفيديو مع شرح مبسط: YouTube - Cheeseburger in Hydrochloric Acid - Periodic Table of Videos حســــبـــي الله ونــعـــم الـــوكــــيـــل رجـــــــاء خواتي لازم تنشرونه خل الناس تعرف وتنتبه ولاتقولين محد راح يتركها ع الأقل ممكن يخففون منها و يوصلونها حق غيرررهم والله يحفظنا ويحمينا من الأمراض مــــنـــــقــــــول لأني أحبكم وخــايـــفــه عليكم
لا حول ولا قوة الا بالله انا اصلا ما اطيق ماكدونالدز اكرهه لان وجباتهم مالها طعم كنك تاكلين بلاستك والناس هابين فيها ليه ما ادري من صغري ما اكلها ولله الحمد مو بس مقااااااااااطعة الا الطعم خايس
