مع ام ضد ام خلف ؟!

الاسبوع اللي طاف اعرضوا برنامج (وجهة نظر ) لايمان نجم في تلفزيون الوطن وكان الضيف المحامي العنزي (نسيت اسمه الاول ) وكان الكلام عن حقوق المرأه المطلقه ودقت أم خلف طليقة المحامي وقالت خاف من ربك


وعلى طول طلب قطع المكالمه وتم الامر علما ان ايمان كان عندها خبر بهوية المتصله


لكن أنا اسألكم بنات صح اللي سوته أم خلف واذا ايييه شنو الأسباب اللي تخلي المره تفضح نفسها وتصارخ بالقنوات الفضائيه

والله انا ضد هالشي خلاص تطلقتي منه ماله داعي الفضايح اللي مايبينا مانبيه

واذاا ظالمش لش الله بياخذ حقش منه بس الستر زين


والله يشافي امش يارب ويخليها لكم يااااااااااااااااااااااارب

هلا اختي . . .

شوفي ان كان في قلب المظلومة حرة فعقلها يكون مغيب وتسوي اي شي . . .

لو انا من المحامي العنزي ارفع قضية على البرنامج والقائمين عليه وفيه لانهم كان عندهم خبر بهوية المتصلة

ان قدر يثبت هالشي فالقضاء بيكون لصفه . . .

أكيد تصرفها غلط ..
عمر الخلافات ما انحلت بهالصوره ..
الله يهديهم ويلم شملهم ..
ويشفي امج يا رب ..
ويعطيج العافيه ..

شاكره لكم تواصلكم ام خالد /ام عبدالله/waha
جزاكم الله خير على الدعوه حبايبي

تصرفها غلط بغلط
بس بنفس الوقت مانقدر انلومها
يمكن فيها حره او انه ظالمها وملعوزها

الله يهديهم

تصرفها كان غلط 100% حطت نفسها والمحامي في موقف محرج والله يستر شنو راح تكون عاقبته ومانقول إلا الله يهديها​