~|[✿خاطره عن الام تبكي •°

يا يمّه .. منتهي جيتك وطالب منك الغفران


~~~~~~~~~~أقبّل قاعة أقدامك .. واغسّلها بدمعاتي


يا يمّه .. كل ما فيني ينادي لك أنا ندمان


~~~~~~~~~~طلبتك قولي سامحتك وردي لوجهي بسماته


أن أدري قلبك الطيب كسرته بصدمة النكران


~~~~~~~~~~~غلطت وغلطتي هذي .. تعيّر كل غلطاتي


تشوفي الشيب يا يمّه .. ترى ماجا وانا فرحان


~~~~~~~~~~~ورب اللي رفع ذاتك ونزّل للردى ذاتي


فقدت الراحه من بعدك فقدت الطيبه والتحنان


~~~~~~~~~~~بدونك راحتي غايه .. بيدينك هذي راحاتي


أنا .. أنا بعدك ولا حاجه أنا بعدك ترى عميان


~~~~~~~~~~~أشوف ... ولا أشوف اللي يوريني iiمساراتي


أنا وسِيد الشقا والهمّ من بعدك غدينا اخوان


~~~~~~~~~~~يجيب هموم هالعالم ... ويرميها بمتاهاتي


صدقتي يوم قلتي لي .. تدين اليوم بس تندان


~~~~~~~~~~~رميتك في بداياتي ... ورموني في نهاياتي


أنا .. من شالك بيده ورماك بأسفل البركان


~~~~~~~~~~~نخيتيني وطلبتيني ... ولا حصلّتي نخواتي


مثل ما هنتي بعيوني ... عليهم قلبي يمّه هان


~~~~~~~~~~~~رموني وضعفهم فزعه وانا الدمعات فزعاتي


يايمّه .. لا تظنيني أنا من فعلهم زعلان


~~~~~~~~~~سواتٍ فيك سويته .. وسوو فيني سواتي


يايمّه .. يالله ضميني ودفيني بهالأحضان


~~~~~~~~~~أنا أدري فيك مشتاقه وهمّك بس ملاقاتي


يايمّه .. يايمّه حييييل ضميني أبي أرتاح أنا تعبان


~~~~~~~~~تعبت أهرب من ذنوبي أبيك آخر مسافاتي


أباسمع منك أي كلمة .. لصوتك مسمعي ولهان


~~~~~~~~~~~أباسمع يمّه .. يمّه بصوتك أبذكر فيها نشواتي


أشوفك ساكته يمّه .. غفيتي والا أنا غلطان ؟؟


~~~~~~~~~~غفيتي يابعد عمري .. تعبتي من مواساتي


يايمّه ... يايمّه ... طالبك قومي إذا لي بعيونك شان


~~~~~~~~~~أشوف الموت بعيونك عساها تخيب هقواتي


تعالوا يابشر شوفوا أنا محتار أنا تلفان


~~~~~~~~~~أنا أمي مدري وش فيها ؟؟ أنا مدري أنا احاتي


أمي أنا ماتت أمي أنا ماتت ؟؟ .. لا .. لا ترى غلطان


~~~~~~~~~~أنا امي ماتخليني على حزني ووناتي


أنا أمي قلبها طيب ولا يمكن تبّكي إنسان


~~~~~~~~~أنا أمي ما تبّكيني ... ولا تتمنى آهاتي


يايمّه صح ما متّي ؟؟؟ وصح الموت تو ماحان


~~~~~~~~~إذا متّي أنا بعدك أبقضي وييييين ساعاتي ؟؟؟؟


يايمّه يايمّه قومي يايمّه .. وقولي الموت لا ماكان


~~~~~~~~~~أنا جيتك وانا ناوي أببدي فييييك جناتي


تركتيني ومتّي ليه ؟؟؟ تركتيني وانا غرقان


~~~~~~~~~~ولا مسموح ياوليدي .. ولا تلعنك لعناتي


أنا الجاني وانا المجني وانا المخطي وانا الندمان


~~~~~~~~~~وانا بيدي رميتك إييييه ... وبعثرتي ملفاتي


وجيت من الهنا مفلس وقلبي من الضنى خسران


~~~~~~~~~~~وتركتيني على ناري أعدد فيك زلاتي


ولاني مرضيٍ ربي ... ولاني تابع الشيطان


~~~~~~~~~~أنا بعدك ترى مابين نهاياتي وبداياتي

يايمّه منتهي جيتك .. وكلي مرتجي غفران


~~~~~~~~~وشفت الناس تلعني .. وتحذرني من الآتي

​

واااااااو روعه بس والله الكلمات حيل مأثره فديييتج احاسيس حياتي والى الامام يارب وتسلمين عالموضوع الروعه

فدتج العافيه
يب حنا عندنا حفل امهات باجر وانا بقول هذي الكلمات


واسمعيها وهي بالانششوده احلى
YouTube - ‫ظٹط§ ظٹظ…ظ‡ ظ…ظ†طھظ‡ظٹ ط¬ظٹطھظƒ ظˆط·ط§ظ„ط¨ ظ…ظ†ظƒ ط§ظ„ط؛ظپط±ط§ظ†‬‎

الله يعافيج ياقلبي وموفقه يارب

تسلم ايدج ياغلاتي

يــعطيـــك العــــافيـــــه ..

لاهنتي يا قلبي ....

روووعه ..
يعطيج العافيه قلبي ..~

يعافيكم حبايبي

وااااااااااو خاااطره روعه ..

يالله ذكرتيني باميمتي

لله يرحمه

ويرحم امهااات المسلمين

..............

ميرسي ع نزول الدموع ..

الله يرحمها ياعمري

يسلموووووووو آحآسيس

عووافي حياتي ع هالطرح الرائع

ويسلموو يدينكــ ع هالنقل
ودي لكــ

ربي يسلمكمـ
ولا تحرمونا من طلتكمـ الحلووووووهـ

يايمّه ... يايمّه ... طالبك قومي إذا لي بعيونك شان


~~~~~~~~~~أشوف الموت بعيونك عساها تخيب هقواتي



ابداع يعور القلب >> يعطيج العافيا

ربي يعافيج يالغلا
وماانحرم من طلتج يارب

قصيده مؤلمه

يعطيج العافيه حبيبتي